Yʉanes 8:12 - Kálar Nzyɛ̌m : Ejwán é Sáá

¹² Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

Kálara Zyɛ̌m Edwán é mpʉ̌n

¹² Pie tɨ, Yesʉs ze lɛɛ e bʉr ó: «Me ó lé epɛn myɛn é si nwa. Mʉr ódu me e, nye óbi sa lé epɛn myɛn tiʼ ɨ. Nye aŋa ka ntime é l'edurʉ.»

Yʉanes 8:12 ပူးပေါင်းရင်းမြစ်များ

Yʉanes 12:46

Mɛm á nze ɨ́ sí yɨ̂ʼ ó, me pánaa myɛ́n, ó mʉr nyɨnyɛ̂h dí edyêʼ koo e me nyá, nkʉ̂ duho lɨ́ edúrʉ́ʉ́, tô pyâl ɨ́ myɛ́n.

Yʉanes 9:5

Jɔʼ yɨ́yɛ̂h mé dína ɨ́ sí yɨ̂ʼ yɨ́, me ó dí njʉl dí ɨ́ sí yɨ̂ʼ wɨ́.»

Yʉanes 12:35

Yésʉs, nye e bé ó: «Njʉl, wé dína lɨ́ epǎn myɛ́n kwá nyɨ́n njɨ mâ jɔʼ. Bʉŋlaa gá ɨ́ jɔ̌ʼ njʉl dína lɨ́ epǎn myɛ́n yɨ́, ebě, edúrʉ́ʉ́, lé ámû jaá go bɨ́n, ebě, mʉr dí etô le entíma lɨ́ edúrʉ́ʉ́ nyá, nyé agʉ́ǎ nko nyé dí etô yɨ́.

Mataos 5:14

«Bɨ̌n ó dí njʉl sí yɨ̂. Nkana dí sumá ɨ́ nkɛ̌l ecwɨ̂ʼ yɨ́, yé abe lɨ́ eswab.

Yʉanes 3:19

Mebě me mʉ̂r waá, mé duho ó, ɨ́ lɔ̌b njʉl mû sí pan ɨ́ sí yɨ̂ʼ wɨ́. Bʉr bɨ́ɛ kǎ kpɛl édúrʉ́ʉ́, laǎ njʉl waá, ebě, bé lɨ́ ebuú kpɛl ésâ mísyóm.

2 Pyɛr 2:4

Ebě, Nzyɛ̌m á bé abîr bééngeles bé á sâ syóm bá. Nye á jaa guho bé ó, njɨ ɨ́ bɨ́ siʼe. Nye ntɔ̂ʼ gbâ bé ɨ́ mpǐl, lɨ́ ebónǒ móhó étíʼ é mílɔ̌b.

Mɨlʉmlʉ 13:47

Ebě, Dâ Nzyɛ̌m á lɛ́ɛ bɨ̌h ó: “Mɨ́ tyêl gó mpʉ̌ njʉl lɨ́ esú lé ékʉn bíkúl bíswîh nzɨ̌. Wé ó lɨ́ esú lé étiʼ bʉ̂r ɨ́ bigúmó bíbyɛ̂h, tó kumo ɨ́ léné sí e njɨ bʉr.”»

Mɨlʉmlʉ 26:23

Nó ó, yé á be ó, Mʉ̌r Nzyɛ̌m á lœm múló mé jwɨ́ɨ nyá, ónyɛɛ́ sia e mitúú. Nye ó ngá be ndwê esôʼ ngá nyɛɛ́ pah nyá. Píe tɨ̂, nyé okǎ túno kwá kúl gá yɨ́ná, bé e bikúl bíswîh ó, bé tyêʼ ɨ́ myɛ́n.»

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 7:17

Mʉr dí egwɨ̂m ésâ bígwɨ́má mé Nzyɛ̌m nyá, ógʉ́ǎ gúmó lɛ́ʼlá wâm, wé á duho yɨ́: nkʉ̂ wé á duho ó, kwá mé Nzyɛ̌m, nkʉ̂ mě lwǐb ó e nkul nyǎm, mɛm mʉr tɨ̂.

Mɨngwiha 21:24

Bʉr o bíkúl bíbyɛ̂h, bé ótye mbɨ̂mbɨá ɨ́ lɔ̌b myɛ́n njʉl waá ngá pan wɨ́. Ojwɨ́ɨ́ ó sí yɨ̂ʼ bɨ́bɛ̂h, bé ónze le okúm le ogbaa wɔ́ɔ́, nî ɨ́ nkana yaá.

Lʉkas 2:32

Mwân nyâ, nye óbe ó njʉl ngá kʉn bíkúl bíswîh ó, byé gʉ́ŋaa go wɨ́. Bʉr bô, bʉr o b'Ɨ́zraɛ̂l, bé óbuú sêʼlɔɔ ɨ́ nye.»

Yʉ̂d 1:13

Bé nwɨɨla ntémé ó e mbi óbóʼó ó mâŋ dí epyêl mégûl ɨ́ ntomo ntomo wɨ́. Bé lɨ́ esâ ébébe, ajóʼo bá sôn. Bé nwɨɨla ó, le ocwícwén o dí adû bítyé byɔ́ɔ́ bá. Sá tɨ̂ʼ ó Nzyɛ̌m dí ejaá bɨbaʼle bé bidiá byɔ́ɔ́ njɨ lɨ́ edúrʉ́ʉ́ e dí ɨ́ nkom nkom lɨ́ yɨ́. Edúrúú laá, lé ódidi nó ó, kɔ́m ti e kɔ́m.

2 Pyɛr 2:17

Bʉr baá nwɨɨla ó e menó. Bé ó menó mû sí jwɨ̂l, akǎ be le etáŋ é médíbé egwár má. Bé ó mpʉ nkûr nkúo dí etíne wɨ́. Nzyɛ̌m, nyɨ́ boó komlo bé diá lɨ́ edúrʉ́ʉ́ e dí ɨ́ nkom nkom lɨ́.

Yʉ̂d 1:6

Símsáá gá ntémé beéngeles o b'á be akpɛl édi ɨ́ mecwɨ́ɨ́ mɔ́ɔ́ bá. Bé á si kpɛ́ɛ bidǐ bimpâ byɔ́ɔ́, kǎ tó gbáŋɔɔ ɨ́ mpǐl. Nzyɛ̌m á si gbâ bé lɨ́ edúrʉ́ʉ́ tʉ́ŋlʉ̌, bé mû mikɛ́ʼá. Okuluu bɔ́ɔ́, bé ódi ó, kɔ́m ti e kɔ́m, atiɔɔtiɔɔ. Tɨ̂ʼ ó beéngeles baá dí ebónǒ tíʼá mílɔ̌b épíhe yɨ́.

Yʉanes 12:36

Dyɛ́ʼwáá gá e njʉl waá ɨ́ jɔʼ wé dína lɨ́ epǎn myɛ́n yɨ́. Nó yaá ó bɨ́n ngá sûʼla bʉ̂r ó myɛ́n yɨ́.» Jɔ̌ʼ Yésʉs á be ɨ́ lwib nó yɨ́, nye nzě laa, tó swab bê.

1 Yʉanes 1:6

Mɨ́ná bé lɛ́ɛ́ gá ó, mɨná bɨ́ pûhla gá e né, mɨná yɨ́ɛ lɨ́ entíma gâ, le edû kʉ̌ tyen ébébe nó, lɛ́ɛ́, mɨná bé lɨ́ elɛ́ɛ gá bibɛr. Mɨná bé asâ gá bisyɛ́ɛla bi dí edû ótyeetye bí.