Yʉanes 8:11 - Kálar Nzyɛ̌m : Ejwán é Sáá

¹¹ «Abe e mʉr, Dâ.»] [Yésʉs, nye e né ó: «Mɛm ntémé, mé adwe gó mebě. Tóʼ. Sâ gwár, akǎ báʼǎ sâ syóm.»]

Kálara Zyɛ̌m Edwán é mpʉ̌n

¹¹ «Abe e mʉr, Da.» Yesʉs, nye e nye ó: «Mɛm nteme, me adwe go mobe. Toʼ. Sa gwar, daʼ sa syem.»]

Yʉanes 8:11 ပူးပေါင်းရင်းမြစ်များ

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

Yʉanes 5:14

Píe tɨ̂, Yésʉs nzě tó bɔma e mʉr waá ɨ́ mpáh Nzyɛ̌m. Nye e né ó: «Mě lɛ́ɛ́ gó, ɨ́ jɔʼ yɨ̂, go mû ó sí tiʼe. Akǎ báʼǎ sâ syóm. Sá dí ɨ́ buú bébe yɨ́, yé ámû jaá pyâl gô.»

Yʉanes 8:15

Bɨ̌n tíʼé mílɔ̌b ó, lɨ́ edû mpʉ bʉ̂r dí ekpɛl yɨ́. Mɛm, mé abe lɨ́ etíʼe mʉ̂r lɔ̌b.

Lʉkas 15:7

Mě lɛ́ɛ́ bɨ́n ó: jwɨʼ gwár yaá ntémé ó, bé óbuú soho ɨ́ jʉ́o kʉ́ ɨ́ jɔʼ syɛ̂l misyóm ngwár mû sí túmǒ koo e misyóm myé, le edwirǎ léme yɨ́. Bé óbuú soho nyê, laa bʉ̂r mekám ebǔ le ebǔ, baá o dí “otîtyěl”, dí adweʼe mísyóm myɔ́ɔ́, nkʉ̂ gʉ́a ó, bé lɨ́ ejala le etúmǒ koo e myé, le edwira míléme bá.»

Lʉkas 5:32

Me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm, ó bé túmaa mikoo e misyóm myɔ́ɔ́, le edwira míléme.»

Rôm 2:4

Nzyɛ̌m nyɨɛ yɨ́ɛ sí lɛ̂ʼle gó mpam nyé ɨ́ ntʉʉʉ́. Nye ntémé á si bee misyóm myô, alwib. Nye á si bu dûhwo myê. Nzê go mû ó lɨ́ epyêh bísyɛ́ɛla byé byaá ɛ́? Nzê gó agʉ́ǎ bím émbɨa nyé á sâ go lɨ́ ɛ́? Embɨa lé, lé ɨ́ jala le edǐb lémé gô nzɨ̌ etúmǒ koo le mebébe mô, le edwirǎ léme.

Lʉkas 13:3

Heʼé, mě lɛ́ɛ́ bɨ́n ó, bɨ́n óbe, atúmo míkoo e misyóm mín le edwira míléme nó, bɨ̌n óbɛ̂h, bé ódîm ɨ́ nkɔb bʉr mpʉ bê.

Lʉkas 15:10

Mě lɛ́ɛ́ bɨ́n ó: jwɨʼ gwár yaá ntémé ó bisʉhʉʉ ngá bě gúmó bééngeles mé Nzyɛ̌m dí yɨ́, ɨ́ jɔʼ syɛ̂l misyóm ngwár mû sí túmǒ koo e misyóm myé, le le edwirǎ léme yɨ́.»

Yʉanes 18:36

Yésʉs nzě yala ó: «Jwɨ́ɨ́ yâm, yé abe yaá sí yɨ̂. Yé bé me á be ó njwɨ́ɨbʉ̌r sí yɨ̂ʼ nó, lɛ́ɛ́, osyɛ̂l o mésâ bâm, bɨ́ lwímla dɔ̂m lɨ́ ekamle bʉ̂r lɨ́ ebɛ́ma mé kwá ojwɨ́ɨ́ bé óYúden. Sâ gwár, yé abe nó. Jwɨ́ɨ́ yâm, yé abe kâ.»

Lʉkas 15:32

Sâ gwár, yê kʉ jalá ó, mɨná tyélɨɨ gá nzɔɔ bisʉhʉʉ, ebě, ntwómô á pa be ndwe nyá, nyɨ́ pah. Nye á si boo dîm. Nyɨ́ kǎ beɔɔ.”»

Lʉkas 13:5

Heʼé, mě lɛ́ɛ́ bɨ́n ó, bɨ́n óbe, atúmo míkoo e mebébe mɨ́n le edwira míléme nó, lɛ́ɛ́, bɨ̌n ntémé, bé ódîm ɨ́ nkɔb bʉr mpʉ bê.»

2 Pyɛr 3:15

Jɔʼ yɨ́yɛ̂h bɨ́n béé ó, Tî gá wɨ́ná, nyé apǎ báʼǎ nze yɨ́, lɛ́yɨ́ɨ́ gá ɨ́ bijɔʼ byaá ó: «Nye ɨ́ buo bíhwó ɨ́ páʼ bʉ́ʉ́ ósyɛ̂l bé ébébe, lɨ́ esú ó, nye tíʼɨɨ bê.» Nó ntémé ó, mɨ́ɔɔ́ kpɛ̌l gá wɨ́ná Pɔ̂l á cɛma bɨ̌n yɨ́. Nye á cɛma nó ó, lɨ́ ocwóó Nzyɛ̌m á dwe nye wɨ́.

1 Korɛnt 5:12

Yé adwɛ̂ʼ mɛ̂m ó, me tíʼaa ohááden milɔ̌b. Bɨ̌n bé ɨ́ jala le etíʼe mílɔ̌b ó, myaá mi bʉ̂r ó Mbɛ̌r-Nzyɛ̌m. Nzê yé abe nó ɛ̌?

Lʉkas 9:56

Bê nzě tô ɨ́ nyʉ́ʉ́ kwár swîh.