Yʉanes 7:6 - Kálar Nzyɛ̌m : Ejwán é Sáá

⁶ Yésʉs, nye e bé ó: «Jɔʼ yâm, yé apǎ pyâl. Bɨ̌n bɨɛ ó dí e jɔʼ ɨ́ melú mɨ́mɛ̂h.

Kálara Zyɛ̌m Edwán é mpʉ̌n

⁶ Yesʉs, nye e be ó: «Epʉla lam, lé apa pyal. Bɨn bɛɛ ó ndɨ e mbɨambɨa jɔʼ é molu mɨmɛh.

Yʉanes 7:6 ပူးပေါင်းရင်းမြစ်များ

Yʉanes 7:8

Bɨ̌n bɨɛ, kaá laa gâ. Tóʼ gá ntémé ɨ́ nzɔɔ. Mɛm, mé atô ɨ́ nyɨ́nɨ̌ nzɔ́ɔ, ebě, ewala lâm, lé dína ó, apǎ pyâl.»

Yʉanes 2:4

Nó ó Yésʉs á nze yala e né ó: «Mʉmá nyâ, gǒ jɨ̌ yé e me? Ewala lâm, lé dína ó, apǎ pyâl.»

Yʉanes 7:30

Bé á sɨsáa ó, bé mɛ́r ó nye. Sâ gwár, abe e mʉr á gbâ nye mbô ɨ́ nyʉ̂l, ebě, jɔʼ éswie lé, yé á bé apǎ pyâl.

Yʉanes 17:1

Jɔ̌ʼ Yésʉs á sil elwib nó yɨ́, nye nzě bɨ̂n mîh kʉ́. Nye ó: «Dâ ɛ̌, jɔʼ, yɨ́ pyâl! Lɛ́ʼláá bʉ̂r kûm me mwân gǒ, mbi dí ó, nye lɛ̂ʼlaa ntémé bʉr kûm nyǒ yɨ́.

Yʉanes 13:1

Yé á be ó, nzɔɔ Páska mû kúno ebwalɔɔ. Yésʉs nyɨɛ á be ó sí boó gʉ́a ó, jɔʼ dí ó, nye káa duhǒ sí yɨ̂, bére kwá Sɔ́ŋ yɨ́, mû ó sí pyâl. Jɔʼ yɨ́yɛ̂h, nye á be ɨ́ buú kpɛl bʉ̂r bé, bé á di ɨ́ sí yɨ̂ʼ bá. Nye á kpɛl bé ó, abe le odumo.

Yʉanes 8:20

(Yésʉs á lwib bilwǐb bínɨ̌ ó, nyɨɛ lɨ́ edwe bʉ̂r milɛ́ʼlá ɨ́ mpáh Nzyɛ̌m, gúmó mpɔra míndwéá yé á be yɨ́. Abe e mʉr á mɛ̂r nye, ebě, jɔʼ yé, yé á bé apǎ pyâl.)

Mataos 26:18

Nye nzě yala e bé ó: «Tóʼ gá ɨ́ nkana kwá nyʉ́ʉ́ mʉ̂r. Bɨ̌n a lɛ́ɛ́ e né ó: “Lɛ̂ʼla lɛ́ɛ́ ó, jɔʼ yé, yé mû ó kúno epyâl. Nó ó, bé le ompʉ́n bé, bé ónzě bwal nzɔ́ɔ Páska ó kwá nyǒ.”»

Mɨlʉmlʉ 1:7

Yésʉs ntɔ̂ʼ yala e bé ó: «Bɨ̌n bé ajala le egʉ́a bíjɔʼ le mimbû Sɔ́ŋ wǎm ngá sâ bísyɛ́ɛla byé bí. Ebě, Sɔ́ŋ wǎm mʉr tɨ̂ʼ ó b'á tyêl bijɔʼ byaá e nkul jwɨ́ɨ́ yé nye mʉr tɨ̂.