Yʉanes 7:39 - Kálar Nzyɛ̌m : Ejwán é Sáá

³⁹ (Yésʉs á lwib ó, ɨ́ lɔ̌b Sísǐm mé Nzyɛ̌m bʉ̂r o ngá dyɛ̂ʼwo e né bá, bé óbi wɨ́. Abe e mʉr á pa bi Sísǐm mé Nzyɛ̌m, ebě, Yésʉs á bé apǎ dweŋɔɔ kûm.)

Kálara Zyɛ̌m Edwán é mpʉ̌n

³⁹ (No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)

Yʉanes 7:39 ပူးပေါင်းရင်းမြစ်များ

Mɨlʉmlʉ 2:17

“Nzyɛ̌m á lɛ́ɛ ó: Ɨ́ melú mé ósûʼla má, me óntɨh bʉ̂r bɨ́bɛ̂h Sísǐm wâm. Bwá ó bʉbá, le bwá ó bʉrʉ̂m bɨ́n, bé ógwîh mílɔ̌b myâm. Biloʼo bín, byé óbee mísolá bísɔ̂ʼ. Minjʉ̌m mín, myé ójɨm bílíma bi dí edumo e bisá ngá syɛ́ɛ bí.

Mɨlʉmlʉ 2:33

Nye á si bére, tó di sí ɨ́ mbó éjʉ́m mé Nzyɛ̌m. Nye ó b'á ntɨh bɨ̌h Sísǐm Nzyɛ̌m Sɔ́ŋ á kɛʼ bɨ̌h wɨ́. Sâ gwár e gwár yaá ó bɨ́n mû lɨ́ ebee le ejóʼo yɨ́.

Mɨlʉmlʉ 2:4

Bɨ́bɛ̂h, bé á be ó, bé mû lwɨ́ŋlá e Sísǐm mé Nzyɛ̌m. Bé ntɔ̂ʼ táare élwib bílwǐb biswîh, byaá Sísǐm mé Nzyɛ̌m wé á dwe bé nkul ó, bé lwíbɨɨ bí.

Yʉanes 16:7

Mě lɛ́ɛ́ bɨ́n lɨ́ otyeetye ó, embɨa, lé ɨ́ páʼ wɨ́n ó, me tôʼ. Mé bé atô nɛ́ɛ: lɛ́ɛ́, kɔmlʉ wɨ́n, nye ánze kwá nyɨ́n. Nó ó, mé sí tô nɛ́ɛ: me ntɨh bɨ́n nyǎ.

Yʉanes 12:16

(Ompʉ́n bé, bé á bé anyɛɛ́ jóʼǒ péh Mékaná mé Nzyɛ̌m yaá. Bé á ka nze gʉ́a yé ó, píe jɔ̌ʼ Yésʉs á nʉa kûm nyé yɨ́. Jɔʼ yaá ó bé á ka gʉ́a ó, nkúná ogwíha o mílɔ̌b, bé á cɨcɛma bisá bínɨ̌ bíbyɛ̂h ó, dumo e né. Bê nzě gʉ́a ntémé ó, bʉr ónɨ̌, bé á sâ nye bisyɛ́ɛla byaá ó, mpʉ byé á boo be micɛmá yɨ́.)

Rôm 8:9

Bɨ̌n bɨɛ, bé abe tʉ́ŋlʉ̌ bʉr o dí edû njwɨr myâ gá wɨ́ná bá. Bɨ̌n bɨɛ dú ó, Sísǐm mé Nzyɛ̌m, ebě, Sísǐm waá, wé ó, ɨ́ bɨ̌n. Mʉ̂r óbe, abe e Sísǐm mé Krîst waá ɨ́ nyʉ̂l nyé nó, go ó, mʉr waá, nyé abe mʉ̂r mé Krîst ó tɨ̂ʼ yɨ́.

Mɨlʉmlʉ 2:38

Nó ó Pétrus á yala e bé ó: «Túmáá gá mikoo e misyóm mín. Bɨ̌n a dwírá míléme. Mʉr nyɨnyɛ̂h ɨ́ sɔ́má yɨ́n, nye dúŋɔɔ ɨ́ díé mé Yésʉs-Krîst, Nzyɛ̌m pɛ́ʼɛɛ nye bibaa bí ébébe nyé á niʼe nye bí. Nó ó bɨ́n ngá kǎ nʉǎ sá Nzyɛ̌m á boo kɛʼ bɨ̌n yɨ́: Sísǐm wé.

Yʉanes 20:22

Jɔʼ nyé á be ɨ́ lɛ́ɛ bé nó yɨ́, nye ntɔ̂ʼ gúmlo bé ngûl ɨ́ menyʉ̂l. Nye ó: «Biʼee gá Sísǐm mé Nzyɛ̌m!

Yʉanes 12:23

Yésʉs, nye e bé ó: «Ɨ́ báánâ, jɔʼ Mwân mé Mʉr jálá le enʉa kûm nyé yɨ́, yé mû ó sí pyâl.

Éfɛsɔs 4:30

Mʉr agbâ gá Sísǐm mé Nzyɛ̌m ebúʼ ɨ́ léme. Sísǐm waá, wé ó mpʉ̌ jwɨʼ nyé á gbâ ɨ́ bɨ̌n yɨ́. Nzyɛ̌m á gbâ bɨ̌n jwɨʼ yaá ó, bɨ̌n nkʉ̂ gʉ́a tɨ̂ʼ ó, nye ótáǎ góo, le edwih bɨ́n ɨ́ mpila ébébe, pɛʼ bɨ́n ɨ́ fá.

2 Korɛnt 3:8

Syɛ́ɛ́ yé á ntɛŋ eswie ɨ́ bʉr yɨ́, yé pǎ nyɛɛ́ ntyɛnwa, á dwɛʼra e yaá Sísǐm mé Nzyɛ̌m mû lɨ́ eséa yɨ́! Syɛ́ɛ́ yé yaá, yé óbuú ntyɛnwa, laa yɨ́haá.

Mɨlʉmlʉ 4:31

Le bé á sil ejɨʼla e Nzyɛ̌m, le ntɔ̂ʼ gúmó bé á syɛŋa yɨ́, yé á kubla. Sísǐm mé Nzyɛ̌m nzě lóno bɨ́bɛ̂h ɨ́ miléme, bé ntɔ̂ʼ táare élɛ́ɛ̌ lɔ́ɔ́ mé Nzyɛ̌m ɨ́ kpɛŋlɛm, abáawo bá yʉ́ʉ́ sɔ̂ʼ.

Mɨlʉmlʉ 3:13

Nye tiʼe nó ó, ebě, Nzyɛ̌m mé Abraham, Isaac, ndu e Yákɔb, Nzyɛ̌m bimpám gá bíná, á kpɛl ó, nye dwêʼ syɛ̂l mesâ wé, Yésʉs kûm. Bɨ̌n bɨɛ bé á si bɛ́ma nye kwá mé Pilátos, ntɛŋɔɔ nyé ɨ́ mebó mé ó, nye jʉ́ʼoo nye. Bɨ̌n bé á sâ nye nó ó, Pilátos nyɨɛ, nyé osí tíʼe ɨ́ lémé wé ó, nyě bír ó nye.

Yʉanes 17:5

Nó ó, dâ, ɨ́ báánâ, dwéʼ mé kûm nyǒ, kûm mé á be e né kwá nyǒ, sí yɨ̂ʼ apǎ be nyɨ́.

Yʉanes 14:13

Me ósâ sá yɨ́yɛ̂h bɨ́n ngá kpɛl, lɨ́ ejɨʼla e Sɔ́ŋ wǎm, pɨr e díé lâm yɨ́. Nó ó bʉ̂r ngá gúmlǒ Nzyɛ̌m Sɔ́ŋ ɨ́ lɔ̌b Mwân wé yɨ́.

Yʉanes 7:12

Entumo e bʉ̂r nzě pahle páʼ nyɔ́ɔ́. Bâʼ, bé ó: “Nye ó mbɨambɨa mʉr.” Bʉ́ʉ́, bé ó: “Kâr! Nye lɨ́ edímle bʉ̂r ɨ́ buo buo.”

Yʉanes 6:14

Bʉr o b'á bee esimá Yésʉs á sâ lɨ́ bá, bê nzě lɛ́ɛ ó: «Mʉr nyâ, nye kʉ́ bě tyeetye ó ngwíha milɔ̌b á jala le enze ɨ́ sí yɨ̂ʼ nyá.»

Yʉanes 1:33

Me á be ntémé ó, apǎ nyɛɛ́ gʉ́a nyê. Nó ó, Nzyɛ̌m, mʉr á lómo me ó, me ntáa nzě du bʉ̂r e medíbé nyá, á tɨ́e me ó: “Mʉr gó óbeě Sísǐm wâm sulo, nzě berwo kʉ́ nye nyá, mʉr waá, nye ó ngá du bʉ̂r e Sísǐm mé Nzyɛ̌m.”

Yʉanes 1:25

Nó ó bé á nze dî e né ó: «Yé bé gó abe Mʉ̂r Nzyɛ̌m á lœm múló mé jwɨ́ɨ nyá, abě Elie, abe ntémé ngwíha milɔ̌b waá nó, á gǒ dudǔ bʉ̂r ɨ́ yé ɛ́?»

Yʉanes 1:21

Nó ó bʉ̂r baá, bé á baʼa dî e né ó: «Á gua, go nzé ɛ́? Nzê go ó dí Elie ɛ̌?» Nye ó: «Heʼé, mé abě Elie.» Bé ntɔ̂ʼ dî ó: «Nzê go ó ngwíha milɔ̌b, waá Moyɨ̂z á cɛma ɨ́ lɔ̌b wé nyá ɛ́?» Nye ó: «Yaá! Mé abe nyê.»

Lʉkas 24:49

Nó ó, me ótáare éntɨh bɨ́n sá Sɔ́ŋ wǎm á kɛʼ bɨ̌n yɨ́. Diʼee gá wâʼ ɨ́ nkana yɨ̂, lɨ́ ebóno dʉ́ó nyé ngá sul bɨ́n nkul ngá duho ɨ́ jʉ́o kʉ́ nyɨ́ yɨ́.»

Lʉkas 7:16

Ekɛ̂n kʉ́ nzě swɨɨ bʉ̂r bɨ́bɛ̂h ɨ́ menyʉ̂l, bé ntɔ̂ʼ dwě Nzyɛ̌m kûm. Bé ó: «Ánɨ̂nɨ̂n ngwíha milɔ̌b, nyɨ́ pyâl ɨ́ mɨná gâ.» Le elɛ́ɔɔ ntémé ó: «Nzyɛ̌m, nyɨ́ nze bʉ̂r bé ɨ́ menɔɔlʉ.»

Lʉkas 3:16

Yʉánɛs nzě lɛ́ɛ bɨ́bɛ̂h ó: «Mɛ̌m du bɨ́n ó e medíbé. Yé e nyʉ́ʉ́ mʉ̂r dí e nkul jwɨ́ɨ, laa mé nyá. Nye lɨ́ enze. Mɛm, mé abě tyé mʉ̂r dí ó, me tíyɨɨ mikǒl mí ósípah myé nyá. Nyɨɛ ó ngá du bɨ́n e Sísǐm mé Nzyɛ̌m ndu e siʼe.

Mataos 16:14

Ompʉ́n, bé ntɔ̂ʼ yala ó: «Bâʼ bʉ̂r, bé lɛ́ɛ́ ó, go ó Yʉánɛs Ndubʉr. Bʉ́ʉ́, bé ó, go ó Elie. Bʉ́ʉ́ ntémé, bé ó, go ó Jérémie, nkʉ̂ nyʉ́ʉ́ ngwíha milɔ̌b mé Nzyɛ̌m swîh.»

Yʉanes 14:26

Kɔmlʉ wɨ́n, nye ó Sísǐm mé Nzyɛ̌m. Sɔ́ŋ wǎm ólómlo bɨ́n wǎ ó ɨ́ díé lâm. Nye ólɛ̂ʼle bɨ́n sá yɨ́yɛ̂h le ejɨjɨm bɨ́n bitɔŋlá ɨ́ sá yɨ́yɛ̂h mé á lɨ̂lɛɛ bɨ̌n yɨ́.

Mataos 21:11

Nó éntumo e bʉ̂r, lé á yala e bé ó: «Yé ó Yésʉs, ngwíha milɔ̌b mé Nzyɛ̌m, mʉr Nazarɛ̂t ɨ́ sí Galilê.»

Yʉanes 8:54

Yésʉs, nye e bé ó: «Mé sí gúmlo mɛ̂m mʉr tɨ̂ʼ nɛ́ɛ: kûm nyǎm nyaá, nyé abe e nyɔm. Mʉr dí edwe mé kûm nyá, nye ó Sɔ́ŋ wǎm. Nye ó waá bɨ́n dí elɛ́ɛ ó, nye ó Nzyɛ̌m wɨ́n nyá.

Yʉanes 16:14

Nye ódwe mé kûm, ebě, nye ónʉa ótyeetye dí eduho e me wɨ́, ntɔ̂ʼ lɛ́ɛ bɨ́n wǎ.

Yʉanes 17:1

Jɔ̌ʼ Yésʉs á sil elwib nó yɨ́, nye nzě bɨ̂n mîh kʉ́. Nye ó: «Dâ ɛ̌, jɔʼ, yɨ́ pyâl! Lɛ́ʼláá bʉ̂r kûm me mwân gǒ, mbi dí ó, nye lɛ̂ʼlaa ntémé bʉr kûm nyǒ yɨ́.

Mɨlʉmlʉ 19:2

Nye nzě dî e bé ó: «Nzê bɨ̌n bé á si bi Sísǐm mé Nzyɛ̌m ɨ́ jɔʼ bɨ́n á bûʼla yɨ́ ɛ́?» Bé ntɔ̂ʼ yala e né ó: «Bɨ̌h dína apǎ jóʼo jóʼáa bé lɨ́ elɛ́ɛ ó, yʉ́ʉ́ sɔ̂ʼ, yé ó “Sísǐm mé Nzyɛ̌m”.»