Yʉanes 7:37 - Kálar Nzyɛ̌m : Ejwán é Sáá

³⁷ Ɨ́ móhó ésíé é nzɔ́ɔ, móhó nzɔ́ɔ dí eleʼwo wɨ́, Yésʉs nzě tó tyɛ̂b témé bʉr, nzě túno ó: «Mʉr dí ejóʼǒ dwéh médíbé nyá, nye ntâʼ kwá nyǎm, nzě de!

Kálara Zyɛ̌m Edwán é mpʉ̌n

³⁷ É moho epihe le ebʉʼ, moho nɨnɨ, Yesʉs ze to cyɛb teme bʉr, ze tuno ó: «Mʉr lé ejoʼo dweh modibe nwa ɔɔ, nye ntaʼ boo me, ze bɛble ɔɔ!

Yʉanes 7:37 ပူးပေါင်းရင်းမြစ်များ

Yʉanes 4:14

Sâ gwár, mʉr nyɨnyɛ̂h óde médíbé mé ódwe nyé má, nye ákǎ jóʼǒ dwéh médíbé, ebě, medíbé mé ódwe nyé má, mé óliŋa énó ɨ́ nyʉ̂l nyé, gúmó twǐʼ njʉ̌m dǐ óduduho yɨ́.»

Yʉanes 6:35

Yésʉs, nye e bé ó: «Me ó dí mede dí etiʼ bʉ̂r má. Mʉr nyɨnyɛ̂h dí enze kwá nyǎm nyá, nyé abe e nkul ekǎ jóʼo nzâ. Mʉr nyɨnyɛ̂h dí edyɛ̂ʼwo e me nyá, nyé abe e nkul ekǎ jóʼǒ dwéh médíbé.

Mɨngwiha 22:17

Nó ó Sísǐm mé Nzyɛ̌m, bé e mʉmá mé Mâ Nteme, bé lɨ́ elɛ́ɛ ó: «Ntáʼ!» Nó ntémé ó, mʉr dí ejóʼo nyá, nye lɛ́yɨɨ ntémé ó: «Ntáʼ!» Mʉr dí ejóʼǒ dwéh médíbé nyá, nye ntâʼ. Waá kpɛ́l nyá, nye dáalaa medíbé mé twiʼ, abwâm.

Yʉanes 4:10

Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»

Mɨngwiha 21:6

Nye e me ó: «Yɨ́ síe! Me ó mʉr esôʼ ndu e waá epíhe. Me ntémé, me ó menyɛ̌l mé sá yɨ́yɛ̂h ti e meswéhlɨ́ mé tɨ̂. Mʉr dí ejóʼǒ dwéh médíbé nyá, mɛm ódwe nyé mǎ edwɛ́na. Medíbé maá, mé ó maá me dí egʉ̂, duho lɨ́ enó é twiʼ má.

Mɨngwiha 22:1

Nó ó, éngeles waá á si lɛ̂ʼle me díbé ɨ́ ntyɛ́h ntyɛ́h, mpʉ̌ lá. Yé ó dí e medíbé me dí etíʼ bʉ̂r má. Yé á duduho ó, ɨ́ mecwɨ́ɨ́ mé jwɨ́ɨ́ mé Nzyɛ̌m, bé e Mâ Nteme.

1 Korɛnt 12:13

Mɨná gá óbɛ̂h, oYúden, nkʉ̂ bʉr o bíkûl biswîh; bitúʼǎ, nkʉ̂ onzyɛh o bʉ̂r, mɨná bé á si duŋɔɔ, ntɔ̂ʼ kǎ di nyʉ̂l mpwár e nzɨ̌ Sísǐm ngwár. Sísǐm ngwár ó b'á nze di ɨ́ milémé gá míná.

Yʉanes 6:55

Ebě, bipúnó byâm, byé ó mede mempâ. Metié mâm, mé ó mpǎŋ sá ébɛble.

Mataos 11:28

«Ntáʼ gá kwá nyǎm, bʉr bɨ́bɛ̂h mû sí tyɛʼ lɨ́ enkɛ́ɛ ódiledile o mímbeʼ bá. Me ódwe bɨ́n egbalá.

1 Korɛnt 10:21

Bɨ̌n bé abe e nkul edě bélé ményoʼ mé Tî Yésʉs, le ede ntémé yaá méleme. Bɨ̌n bé abe e nkul ede méde mé Tî Yésʉs ndu e maá méleme.

1 Korɛnt 10:4

Bɨ́bɛ̂h bɛble médíbé mémpwár Sísǐm mé Nzyɛ̌m wé á ntɨh bé má. Bé á bɨbɛble medíbé ó, maá mé á gʉgʉ̂ lɨ́ ekóʼ Nzyɛ̌m á ntɨh bé lɨ́ má. Ekóʼ laá, lé á titye ó e bê. Nó ó, ekóʼ laá, lé á be ó Krîst.

Éfɛsɔs 5:18

Mʉ̌r sá apuro ményoʼ, ebě, mʉr dí elɔ̂ʼwa lɨ́ ede ményoʼ nyá, nyě dímlé ó lʉ́ wé. Diʼee gá lwɨ́ŋlá e Sísǐm mé Nzyɛ̌m.

1 Korɛnt 11:25

Jwɨʼ gwár yaá, ɨ́ jɔʼ bé á sil ede yɨ́, nye ntɔ̂ʼ nʉǎ bélé ményoʼ. Nye ó: «Menyoʼ mâ, mê nze tyél ó, edwán é sáá, ɨ́ nzɨ̌ metié mâm dí lɨ́ esú lɨ́n má. Jɔʼ yɨ́yɛ̂h bɨ́n ódɨde ményoʼ mâʼ yɨ́, bɨ̌n e sísímsá mé tɨ̂.»

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Yʉanes 5:40

Sâ gwár, bɨ̌n bé akpɛl énze kwá nyǎm, lɨ́ enzě bǐ twiʼ.

Yʉanes 1:23

Nó ó Yʉánɛs á nze yala e bé ó: «Me ó “mʉr dí etúno ɨ́ lʉá, waá dí elɛ́ɛ ó: Tyélɨ́ɨ́ gá menzɨ̌ mé Dâ ɨ́ lîm nyá.”» (Yé ó mpʉ ngwíha milɔ̌b Ésayie á lɛ́ɛ yɨ́.)

Yʉanes 7:28

Yésʉs á be ó lɨ́ edwe bé milɛ́ʼlá ɨ́ mpáh Nzyɛ̌m. Nye nzě tyɛ̂b le etúno ó: «Bɨ̌n bé lɨ́ egʉ́a mê? Bɨ̌n ntémé, bɨ́ gʉ́ǎ páʼ mé á duho wɨ́? Me á bé anze e mɛm mʉr tɨ̂. Sâ gwár, mʉr á ntɨh me nyá, nye ó tyeetye. Bɨ̌n bé agʉ́a nyê.

Mataos 3:3

Mʉr á lwibɔɔ ɨ́ lɔ̌b wé ɨ́ mekaná me ngwíha milɔ̌b mé Nzyɛ̌m Ésayie nyá, á be ó Yʉánɛs waá. Ésayie á boo cɛma ó: “Twíí, nye lɨ́ etúno ɨ́ tʉ́ŋlʉ̌ lʉá ó: «Komlaá gá nzɨ̌ mé Dâ Nzyɛ̌m. Jyɛŋlaá gá nzɨ̌ nyé lɨ́ epélé.»”»

Mataos 5:6

Metyɛʼ me mpóm, mé díʼee e bʉr o dí ejóʼǒ dwéh le ebuú gwɨ̂m ésâ bísyɛ́ɛla bi dí tîtyěl bí bá, ebě, Nzyɛ̌m ólóŋlo bé yǎ.

Yʉanes 4:11

Mʉmá Samarî, nye e né ó: «Dâ ɛ̌, gó abe e dɛa. Edɛɛ́ ntémé, lé ɨ́ buú díme sí. Wáǎ mbi gó dí e nkul edaa médíbé mé twiʼ?