Yʉanes 7:35 - Kálar Nzyɛ̌m : Ejwán é Sáá

³⁵ OYúden nzě táare édíila páʼ nyɔ́ɔ́ ó: «Nye ókǎ tô wâʼ wó, mbi dí ó, mɨná bé ákǎ bee gá nye wɨ́? Nzê nye ótô le elɛ̂ʼle óYúden mû mingbɛhá míngbɛhá ɨ́ Grɛ̂s, le elɛ̂ʼle ntémé bʉr o Grɛ̂s ɛ̌?

Kálara Zyɛ̌m Edwán é mpʉ̌n

³⁵ OYʉden ze taare lé edîila paʼra wɔɔ ó: «Nye óto wâʼ yɛɛ nko, é mbi ndɨ ó, bɨna bé aŋa ka bee ga nye e? Zê nye óto le eyeʼle oYʉden mu si myɛʼa, jala lal Grɛs ba ɛ? Zê nye óyeʼle nteme bʉr o Grɛs ɛ?

Yʉanes 7:35 ပူးပေါင်းရင်းမြစ်များ

Jacques 1:1

Yé ó mɛm Jacques, syɛ̂l mesâ mé Nzyɛ̌m le Tî Yésʉs-Krîst ó dí ecɛma bɨ́n mekaná mâ. Me lɨ́ esoho bɨ́n, bʉr o ménzweh kám e mebá mû mingbɛhá míngbɛhá ɨ́ sí yɨ́yɛ̂h bá.

1 Pyɛr 1:1

Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.

Yʉanes 12:20

Yé á be ó e bʉ́ʉ́ bʉ̂r o Grɛ̂s, ɨ́ sɔ́má bʉ̂r o b'á tô Yerʉ́zalɛm bá. Bé á nze ó, lɨ́ ebwal nzɔ́ɔ oYúden, lɨ́ enzě dwě Nzyɛ̌m kûm.

2 Timotɛ 1:11

Mbɨambɨa Lɔ́ɔ waá ó mé dí etúno wɨ̂, ebě, Nzyɛ̌m á si tyêl me ɨ́ dǐ lɛ́a lɔ́ɔ wé, le yaá mʉ̂r milʉ́mlʉ́ wé, le yaá lɛ̂ʼla.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Mɨlʉmlʉ 22:21

Nó ó Tî Yésʉs á ka lɛ́ɛ e me ó: “Tóʼ, ebě, me múo nzě tyen gó lɨ́ ejaa, ɨ́ nko bʉ̂r o dí abe óYúden bá di yɨ́.”»

Mɨlʉmlʉ 21:21

Sâ gwár, bé jóʼó ɨ́ páʼ gô ó, go lɨ́ elɛ̂ʼle óYúden bɨ́bɛ̂h mû mingbɛhá míngbɛhá ɨ́ bikúl bíswîh bá ó, bé bénaa metum maá. Bé jóʼó ntémé ó, gǒ lɛ́ɛ́ ó, bé ajala le ekǎ tíʼe bwán bɔ́ɔ́ mpʉ́n; ó bé ayɨ́ kǎ dû métum mé óYúden.

Mɨlʉmlʉ 11:18

Jɔʼ bé á sil ejóʼo milɔ̌b myaá yɨ́, miléme nzě sula bé sí. Bê nzě dwě Nzyɛ̌m kûm. Bé ó: «Yé ó nó: Nzyɛ̌m, nyɨ́ bánǎ toŋlo ntémé baá o dí abe óYúden bá. Nyɨ́ dib bé nzɨ̌ etúmo míkoo e misyóm myɔ́ɔ́, le edwira míléme, ó bé bíʼee ntémé twiʼ!»

Yʉanes 8:22

OYúden nzě táare édíila ó: «Nzê nye ójwɨ́a nyʉ̂l ɛ̌? Ebě, nye lɛ́ɛ́ ó: “Bɨ̌n bé abe e nkul etô nko mé ngá tô yɨ́.”»

Lʉkas 2:32

Mwân nyâ, nye óbe ó njʉl ngá kʉn bíkúl bíswîh ó, byé gʉ́ŋaa go wɨ́. Bʉr bô, bʉr o b'Ɨ́zraɛ̂l, bé óbuú sêʼlɔɔ ɨ́ nye.»

Mataos 12:21

Milémé mí bʉ̂r o dí abe óYúden bá, myé ólóno ɨ́ mpûʼla ó, ɨ́ lɔ̌b nkûl díé lé.

Yʉanes 7:1

Píe tɨ̂, Yésʉs nzě tô le etye ɨ́ sí Galilê. Nye á bé akǎ kpɛl étye ɨ́ sí Yʉ́da, ebě, oYúden bɨ́ɛ, bé á be ó lɨ́ esáa éjʉ̂ nyé gʉ̂.

Mɨlʉmlʉ 11:20

Tó kœb ó, yé á be ó e bʉ́ʉ́ óbûʼla, bé á duho ɨ́ tíhé Swiprʉ̂s ndu e Sirénia bá. Bɨ́ɛ ntɔ̂ʼ tóŋɔɔ̌ Antiôs, bê nzě tó bɔma e bʉr o dí abe óYúden bá. Bê nzě túno bé ntémé lɔ́ɔ dí edumo e Tî Yésʉs wɨ́.

Mɨlʉmlʉ 14:1

Ɨ́ Ikóniʉm, Pɔ̂l, bé e Banabâs, bé á si nî ntémé ɨ́ mpáh minjɨʼla oYúden. Bê nzě lwǐb mbi wé á be ó, bʉr ɨ́ buo buo bûʼlaa milɔ̌b mé Nzyɛ̌m wɨ́. Bâʼ, bé á be ó oYúden; bʉ́ʉ́, bʉr o Grɛ̂s.

Mɨlʉmlʉ 17:4

Nó ó, bʉ́ʉ́ bʉ̂r ɨ́ sɔ́má yɔ́ɔ́, bé á si bûʼla, nzě syɛŋa e Pɔ̂l, bé e Silâs. Mpʉ yaá ntémé ó bʉ̂r o Grɛ̂s ɨ́ buo buo bé á bûʼla yɨ́. Bɨ́ɛ, bé á si nyɛɛ nî ɨ́ búʼó óYúden. Myúú mímpaŋ mi bʉ́bá, myé á si bûʼla ntémé nó.

Mɨlʉmlʉ 18:4

Nó ó, ɨ́ móhó sábat wɨ́wɛ̂h, Pɔ̂l á be ó lɨ́ elɛ̂ʼle bʉ̂r ɨ́ mpáh minjɨʼla tʉ́ŋlʉ̌, le esáa édulo óYúden le bʉr o Grɛ̂s.

Rôm 1:16

Mé ajóʼo bá sôn ɨ́ Mbɨambɨa Lɔ́ɔ mé dí etúno wɨ́, ebě, wé ó nkul mé Nzyɛ̌m lɨ́ esú lé étiʼ mʉ̂r nyɨnyɛ̂h ngá bûʼla wé nyá, táare le oYúden, kala e baá o dí abe óYúden bá.