Yʉanes 7:29 - Kálar Nzyɛ̌m : Ejwán é Sáá

²⁹ Mɛm, me lɨ́ egʉ́a nyê, ebě, me á duho ó kwá nyé. Ebě, ntémé, nye ó b'á ntɨh me.»

Kálara Zyɛ̌m Edwán é mpʉ̌n

²⁹ Mɛm, me egʉa nye, ebe, me a duho ó nye ye ɔɔ! Ndwe nteme, nye ó b'a ntɨh me ɔɔ!»

Yʉanes 7:29 ပူးပေါင်းရင်းမြစ်များ

Yʉanes 8:55

Bɨ̌n bɨɛ, bɨ̌n bé agʉ́a nyê. Mɛm ó dí egʉ́a nyê. Mé sí lɛ́ɛ ó, mé agʉ́a nyé nó, lɛ́ɛ́, me ó mʉr bibɛr mpʉ bɨ́n. Sâ gwár, me lɨ́ ekʉ́ gʉ́a nyê. Me ntémé, me lɨ́ ebaʼlě lwǐb yé.

Mataos 11:27

Sɔ́ŋ wǎm á si dwe me bisá bíbyɛ̂h. Abe e mʉr dí egwá gʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egwá gʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.

Yʉanes 17:18

Mɨ́ lómo bé ɨ́ sí yɨ̂ʼ mpʉ gó ntémé á lómo me yɨ́.

Yʉanes 6:46

Nó ó, yé alɛ̂ʼle ó, nyʉ́ʉ́ mʉ̂r á be ɨ́ beě Nzyɛ̌m Sɔ́ŋ. Waá á duho kwá mé Nzyɛ̌m nyá nyɨɛ, nye omér ó b'á bee nye.

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

1 Yʉanes 4:9

Mpʉ̌ Nzyɛ̌m á lɛ̂ʼle kpɛ̌l yé ɨ́ sɔ́má gá yɨ́ná yɨ́ ó yɨ̂: nye á si ntɨh mɨná gá Etíʼé é Mwân lé ɨ́ sí yɨ̂, ó mɨná nkʉ̂ bi gá twiʼ ɨ́ nzɨ̌ nyé.

1 Yʉanes 1:2

Etín é Twiʼ laá, lé á si nyɨ̂n ɨ́ sí yɨ̂. Bɨ̌h bé á si bee nye, bɨ̌h nzě táare éboʼlo, dumo e mʉr waá. Nó yaá ó bɨ́h dí etyɛ̂b kwá nyɨ́n le túnó dí edumo le Etín é Twiʼ wɨ́. Etín é Twiʼ, lé di ó njʉ̌m dǐ e njʉ̌m dǐ. Bé e Nzyɛ̌m Sɔ́ŋ ó b'á be. Nye nzě nyɨ̂n ɨ́ sí yɨ̂.

Yʉanes 13:3

Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.