Yʉanes 7:18 - Kálar Nzyɛ̌m : Ejwán é Sáá

¹⁸ Mʉr dí elwib e nkul nyé mʉr tɨ̂ʼ nyá, sáá ó kûm nyé. Nó ó, mʉr dí esáa ébeʼ kûm lɨ́ esú é mʉ̂r á ntɨh nye nyá, lɛ́ɛ́ ó otyeetye. Syɛ́ɛla dí ɨ́ bébe ɨ́ míh mé Nzyɛ̌m yɨ́, yé anyɨ̂n ɨ́ kʉ̌ tyen wé.

Kálara Zyɛ̌m Edwán é mpʉ̌n

¹⁸ Mʉr lé elwib é nkul we nye mʉr tɨʼ ɨ, nye esaa ó, bʉr dwiibɨ nye. No ó, mʉr lé esaa ó, bʉr seʼla mʉr a ntɨh nye e, nyɛɛ ó lé elɛɛ ocyecye. Nye akœʼ ebò e cyen ndɨ ozyɛhozyɛh ɛ.

Yʉanes 7:18 ပူးပေါင်းရင်းမြစ်များ

Yʉanes 5:41

«Mé abe lɨ́ esáa kûm dí eduho e bʉr nyɨ́.

1 Tesalonika 2:6

Bɨ̌h bé á bé asáa ó, bɨ̌n gúmlaa bɨ̌h. Bɨ̌h bé á bé asáa kûm, duho e bʉ́ʉ́ bʉ̂r. Tó kœb ó, bɨ̌h bé á be ó, bɛ̌m lɛ̂ʼle bɨ́n jwɨ́ɨ́ yɨ́h, ɨ́ mpʉ bɨ́h dí bʉr o mílʉ́mlʉ́ mé Krîst yɨ́.

Yʉanes 12:28

Dâ ɛ̌, dwéʼ díé lô kûm ɨ́ buo buo.» Twíí nzě duho ɨ́ jʉ́o kʉ́ ó: «Me á si nyɛɛ dwe lé kûm. Nó ó, me óbáʼǎ dwe lé nyǎ.»

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Mataos 6:9

Jɨjɨʼlaa gá e Nzyɛ̌m ɨ́ mbi wɨ̂: “Sɔ́ŋ wɨ́h dí ɨ́ jʉ́o kʉ́ nyá, lɛ́ʼláá bʉ̂r bɨ́bɛ̂h ó, go ó Nzyɛ̌m dí ti nyá.

Yʉanes 11:4

Jɔ̌ʼ Yésʉs á jóʼo mpáŋla nyaá yɨ́, nye ó: «Ekpaa mé Lazare, lé ákóʼó jʉ̂ nyê. Lé ósâ ó bʉr gúmlaa Nzyɛ̌m, bé e Mwân wé.»

Yʉanes 8:54

Yésʉs, nye e bé ó: «Mé sí gúmlo mɛ̂m mʉr tɨ̂ʼ nɛ́ɛ: kûm nyǎm nyaá, nyé abe e nyɔm. Mʉr dí edwe mé kûm nyá, nye ó Sɔ́ŋ wǎm. Nye ó waá bɨ́n dí elɛ́ɛ ó, nye ó Nzyɛ̌m wɨ́n nyá.

Yʉanes 12:43

Ebě, bé á be ó lɨ́ ekpɛl kûm, nyaá dí eduho kwá bʉr nyɨ́, bene nyaá dí eduho kwá mé Nzyɛ̌m nyɨ́.

1 Yʉanes 2:29

Bɨ̌n bé lɨ́ egʉ́a ó, Krîst, nye ó tîtyěl mʉr. Bɨ̌n bé ɨ́ jala le egʉ́a ntémé ó, mʉr nyɨnyɛ̂h dí esɨsâ bísyɛ́ɛla bimpâ nyá, nyɨ́ byɛ̂l e nzɨ̌ nkul mé Nzyɛ̌m.