Yʉanes 7:16 - Kálar Nzyɛ̌m : Ejwán é Sáá

¹⁶ Yésʉs, nye e bé ó: «Milɛ́ʼlá mé dí edwe mî, myé abě njɨ milɛ́ʼlá myâm. Myé duho ó ɨ́ mʉr á ntɨh me nyá.

Kálara Zyɛ̌m Edwán é mpʉ̌n

¹⁶ Yesʉs, nye e be ó: «Bɨsikʉlʉ me lé edwe bɨn bɨnɨ, byé abe njɨ bɨsikʉlʉ byam. Byé eduho ó e mʉr a ntɨh me e.

Yʉanes 7:16 ပူးပေါင်းရင်းမြစ်များ

Yʉanes 14:24

Mʉr dí akpɛl mé nyá, nyé abe e nkul ebaʼle mékǎn mé dí elɛ́ɛ má. Sá bɨ́n dí ejóʼo, mé dí elɛ́ɛ yɨ̂, yé abě lɔ́ɔ́ wâm. Yé duho ó, kwá mé Sɔ́ŋ wǎm, mʉr á ntɨh me nyá.

Yʉanes 14:10

Nó ó, gó abûʼla ó, me ó ɨ́ mpúhlá e Sɔ́ŋ wǎm, Sɔ́ŋ wǎm ɨ́ mpúhlá e me? Lwǐb mé dí elwib e bɨ̌n óbɛ̂h yɨ́, yé aduho kwá nyǎm. Sɔ́ŋ wǎm, mʉr bɨ́h e nɔ́ɔ́ dí edi nyá, ó dí elóŋlo bísyɛ́ɛla byé.

Yʉanes 17:8

Ebě, lwǐb gó á lwib e me yɨ́, mɨ́ kala bé yǎ. Bé ntémé, bɨ́ baʼle yê. Bé á si kʉ gʉ́a tyeetye ó, me á duho ó kwá nyǒ. Bé ntémé, bɨ́ kʉ́ bûʼla ó, go ó b'á lómo me.

Yʉanes 5:30

«Mé abe e nkul esâ yʉ́ʉ́ sɔ̂ʼ e mɛm mʉr tɨ̂. Mě tíʼé mílɔ̌b ó, njɨ̌ mpʉ̌ Nzyɛ̌m dí elɛ́ɛ mé yɨ́. Etíʼ é mílɔ̌b lâm, lé ó tîtyěl, ebě, mé abe lɨ́ esâ mpʉ mé dí egwɨ̂m yɨ́, njɨ̌ mpʉ mʉ̂r á ntɨh me nyá dí egwɨ̂m yɨ́.

Yʉanes 17:14

Me á si kala ompʉ́n bâm lwǐb yô. Bʉr ó sí nzě nwim bê, ebě, bɨ́ɛ, bé akǎ gúmo e sí yɨ̂ʼ mpʉ mɛ̂m mʉr tɨ̂ʼ dí, agúmo e yé yɨ́.

Yʉanes 8:28

Yésʉs nzě lɛ́ɛ e bé ó: «Jɔʼ bɨ́n ngá bɨ̂n Mwân mé Mʉr kʉ́ yɨ́, ɨ́ jɔʼ yaá ó bɨ́n ngá gʉ́a ó, mɛm ó dí Me-ó-tɨ̂. Bɨ̌n bé ogʉ́a ó, mé abe lɨ́ esâ yʉ́ʉ́ sɔ̂ʼ ɨ́ mɛm mʉr tɨ̂. Mě jaá lwilwib ó, njɨ sá Sɔ́ŋ wǎm á lɛ̂ʼle me yɨ́.

Yʉanes 3:11

Me lɨ́ elɛ́ɛ gó lɨ́ otyeetye ó, me lɨ́ eboʼlo mílɔ̌b mé dí egʉ́a mí. Mě lɛ́ɛ́ ntémé ó, sá mé á bee yɨ́. Sâ gwár, bɨ̌n bé akpɛl ékǎm lɔ́ɔ́ wâm.

Yʉanes 6:44

Sɔ́ŋ wǎm á ntɨh me nyá, óbe, adulo mʉ̂r nó, mʉr waá, nyé abe e nkul enze kwá nyǎm. Me ópɛh waá nyé ngá dulo nyá ɨ́ móhó ésúʼlá é sí yɨ̂.

Yʉanes 3:31

«Mʉr dúhó kʉ́ nyá ó láá bʉ̂r bɨ́bɛ̂h. Mʉr dí mʉr sí yɨ̂ʼ nyá, nyě gúmó ó e sí yɨ̂. Nyě jaá lwilwib ntémé ó, njɨ milɔ̌b mi kâ. Mʉr dí eduho ɨ́ jʉ́o kʉ́ nyá ó láá mʉ̂r nyɨnyɛ̂h.

Mɨngwiha 1:1

Yésʉs-Krîst á si gwîh bisá Nzyɛ̌m á tɨ́e nye ó, nye lɛ̂ʼlaa osyɛ̂l o mésá bé, ó bé gʉ́ŋaa sá mû kúno epyâl bé yɨ́. Nye á gwîh byé ó, lɨ́ elómo éngeles wé kwá me, Yʉánɛs, syɛ̂l mesâ wé.

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.