Yʉanes 7:12 - Kálar Nzyɛ̌m : Ejwán é Sáá

¹² Entumo e bʉ̂r nzě pahle páʼ nyɔ́ɔ́. Bâʼ, bé ó: “Nye ó mbɨambɨa mʉr.” Bʉ́ʉ́, bé ó: “Kâr! Nye lɨ́ edímle bʉ̂r ɨ́ buo buo.”

Kálara Zyɛ̌m Edwán é mpʉ̌n

¹² Ntuntuma bʉr, yé ze bɔʼa motwii, to le enyimla paʼra wɔɔ é lʉ we. Baʼ, bé ó: «Nye ó mbɨambɨa mʉr!» Bʉʉ, bé ó: «Tɨtoʼo! Nye egomlo ntuntuma bʉr é bebebebe zi.»

Yʉanes 7:12 ပူးပေါင်းရင်းမြစ်များ

Yʉanes 9:16

Bâʼ óFarizyɛ̂n, bé ó: «Mʉr sá mbǐ syɛ́ɛla wɨ̂ʼ nyá, nyé abe e nkul eduho kwá mé Nzyɛ̌m, ebě, nyé adû mémpéné mé móhó sábat.» Bʉ́ʉ́, bé ó: «Nyá? Syɛ̂l misyóm, nyé abe e nkul esâ mbi ésimá wɨ̂.» Bʉr ntɔ̂ʼ bɔ́ʼa ménkɔb mebá.

Yʉanes 7:47

OFarizyɛ̂n, bé e bisója ó: «Bɨ̌n sí bánǎ kʉ́ bîr ó, nye kʉ́ŋaa bɨ̌n ntémé?

Yʉanes 7:32

OFarizyɛ̂n nzě jóʼǒ sá bʉ̂r, bé á lwilwib páʼ nyɔ́ɔ́, dumo e Yésʉs yɨ́. Ojwɨ́ɨ o mpáh Nzyɛ̌m, bé le oFarizyɛ̂n ntɔ̂ʼ lómɔɔ bísója lɨ́ etó mɛ́rɔɔ nyê.

Filipi 2:14

Sáʼ gá sá yɨ́yɛ̂h abe e ntʉ̌, nkʉ̂ mpɨ̌r!

Rôm 5:7

Mɨná bé lɨ́ egʉ́a gá ó, yé ɨ́ buú kɔbla ó, nyʉ́ʉ́ mʉ̂r kámaa ó, nye búraa e mʉr swîh, mʉr waá damá bě tîtyěl mʉr. Damá jóʼo nó, nyʉ́ʉ́ mʉ̂r óbɛ̌m tíʼe ɨ́ lémé wé ó, nyě búrá ó e mʉr á bu lɛ̂ʼle bʉr mpam nyá.

Mɨlʉmlʉ 11:24

Banabâs á be ó mbɨambɨa mʉr, lwɨ́ŋlá e Sísǐm mé Nzyɛ̌m ndu e búʼó. Bʉr ɨ́ buo buo, bé á si dyɛ̂ʼwo e Tî Yésʉs.

Yʉanes 7:52

Bé e né ó: «Nzê go ntémé, go ó mʉr Galilê ɛ̌? Pahlaa Mékaná mé Nzyɛ̌m! Go óbee ó, abe e ngwíha milɔ̌b ngwár dí eduhǒ sí Galilê.»

Yʉanes 6:14

Bʉr o b'á bee esimá Yésʉs á sâ lɨ́ bá, bê nzě lɛ́ɛ ó: «Mʉr nyâ, nye kʉ́ bě tyeetye ó ngwíha milɔ̌b á jala le enze ɨ́ sí yɨ̂ʼ nyá.»

Lʉkas 23:50

Nó ó, tɨ̂ʼ ɨ́ sɔ́má yaá, yé á be ó e nyʉ́ʉ́ mʉ̂r, díé lé Yóseb. Nye á be ó mʉr Arimatê, nkana óYúden. Nye á be ó tîtyěl mʉr lɨ́ esɨsâ bʉ̂r bisyɛ́ɛla bimpâ. Nye á be lɨ́ ejóʼǒ dwéh ébeě Nzyɛ̌m lɨ́ etyêl Mpóʼo nyé ɨ́ píʼi. Nye ntémé á be ó mʉr ngwár ɨ́ mpáh milɔ̌b oYúden. Sâ gwár, nye á bé akǎm sá bʉ́ʉ́ bé á tíʼe le esâ yɨ́.

Lʉkas 23:47

Kapitɛ̂n á be tɨ̂ʼ nyá, mbeá nyé á bee sá yɨ́yɛ̂h yé á syɛ́ɛ yɨ́, nye ntɔ̂ʼ dwě Nzyɛ̌m kûm. Nye ó: «Lɨ́ otyeetye, mʉr nyâʼ á kʉ be ó mpǎŋ tîtyěl mʉr!»

Lʉkas 18:19

Yésʉs nzě yala e né ó: «Go lɨ́ ejébe mé mbɨambɨa mʉr ɨ́ yé? Yé abe e mʉr dí ɨ́ mbɨa, njɨ̌ Nzyɛ̌m nye omér.

Lʉkas 7:16

Ekɛ̂n kʉ́ nzě swɨɨ bʉ̂r bɨ́bɛ̂h ɨ́ menyʉ̂l, bé ntɔ̂ʼ dwě Nzyɛ̌m kûm. Bé ó: «Ánɨ̂nɨ̂n ngwíha milɔ̌b, nyɨ́ pyâl ɨ́ mɨná gâ.» Le elɛ́ɔɔ ntémé ó: «Nzyɛ̌m, nyɨ́ nze bʉ̂r bé ɨ́ menɔɔlʉ.»

Lʉkas 6:45

Lémé mʉ̂r, wé ó ekʉ̌m, gúmó mʉ̂r tɨ̂ʼ dí ekomo bísá byé yɨ́. Mbɨambɨa mʉr pípyél tɨ̂ʼ ó bisá bí émbɨa. Bɨ́bla mʉ̂r jaá pyél tɨ̂ʼ ó, njɨ byaá bí ébébe. Mbǐ lwǐb mʉ̂r dí elwib mílɔ̌b wɨ́, wé ó dí elɛ̂ʼlě sá dí nye ɨ́ buo buo ɨ́ lémé wé yɨ́.»

Mataos 27:63

Bé e né ó: «Dâ ɛ̌, bɨ̌h bé lɨ́ esímsa ó, ányâ-mikóǒ nɨ̌, ɨ́ jɔʼ nyé á be, nye dína ɨ́ twiʼ yɨ́, nye á kʉ bana lɛ́ɛ ó: “Lɨ́ elú élɛ̂l, me ópah.”

Mataos 21:46

Bé ntɔ̂ʼ táare ésáa ménzɨ̌ mé émɛ̂r Yésʉs. Sâ gwár, bé á be ó, lɨ́ ekpɛ́ɛ éntumo e bʉ̂r, ebě, bɨ́ɛ, bé á nʉnʉa Yésʉs ó mpʉ ngwíha milɔ̌b mé Nzyɛ̌m.

Mataos 10:25

Mpʉ́n sâʼ mpʉ mʉ̂r á lɛ̂ʼle nye nyá á sâ yɨ́; syɛ̂l mesâ sâʼ mpʉ njwɨ́ɨ wé. Nó ó dí ejala yɨ́. Lʉ́ mbɛ̌r bʉ̂r sí jwɨrɔɔ díe ó, “Béelzébul” nó, yé lɛ́ʼlé ó, bʉr ó mbɛ̌r bʉ̂r waá bɨ́ɛ, bé ókǎ jwɨrɔɔ míe me dí ɨ́ buú bébe má!»