Yʉanes 7:1 - Kálar Nzyɛ̌m : Ejwán é Sáá

¹ Píe tɨ̂, Yésʉs nzě tô le etye ɨ́ sí Galilê. Nye á bé akǎ kpɛl étye ɨ́ sí Yʉ́da, ebě, oYúden bɨ́ɛ, bé á be ó lɨ́ esáa éjʉ̂ nyé gʉ̂.

Kálara Zyɛ̌m Edwán é mpʉ̌n

¹ Jɔʼ ze laa ba, Yesʉs ntɔʼ ze to le ekœʼ é lal Galɨle. Nye a baaka kpɛl kœʼ é nkɔra Yʉda, ebe, oYʉden, bé a be lé esaa gʉʼ ó, bé jʉ ó nye.

Yʉanes 7:1 ပူးပေါင်းရင်းမြစ်များ

Mataos 21:38

Tó kœb ó, bilóbila byaá, mbeá byé á bee mwân wé waá lɨ́ enze yɨ́, byé ntɔ̂ʼ lɛ́ɛla páʼ nyɔ́ɔ́ ó: “Beyɨɨ gá, medilá me kúm pemé ó mâ! Ntáʼ gâ, mɨná jʉ́ʼoo gá nye. Bilíʼé byé bíbyɛ̂h, byé nkʉ̂ sûʼla byaá gá bíná.”

Yʉanes 7:19

Ntʉ̌ Moyɨ̂z á tyêl bɨ̌n metié ɛ́? Sâ gwár, abe e mʉr dí ebaʼle métié maá. Bɨ̌n bé lɨ́ esáa éjʉ̂ mé ɨ́ yé?»

Mataos 10:23

Bé óntɨ̂ʼ bɨ́n ɨ́ yɨ̂ʼ nkana nó: kpɛ́yɨ́ɨ́ gâ, tô ɨ́ yʉ́ʉ́. Mě lɛ́ɛ́ bɨ́n lɨ́ otyeetye ó, Mwân mé Mʉr, nye óbáʼǎ pyâl, bɨ̌n dína apǎ kumo bínkana bí Ɨ́zraɛ̂l bíbyɛ̂h.

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Yʉanes 4:54

Lɨ́haá, lé á be ó esimá émbá Yésʉs á sâ píe jɔʼ nyé á duhǒ sí Yʉ́da, tó dǐ sí Galilê yɨ́.

Yʉanes 1:19

Yʉánɛs á si yala le opara, le oLevît ɨ́ jɔʼ óYúden ó Yerʉ́zalɛm, bé á lómo bé kwá nyé ó, bé tô dî e né ó: «Gua, go nzé ɛ́?»

Yʉanes 8:40

Sâ gwár, ɨ́ báánâ, damá jóʼo ó mpʉ mé mû sí kala bɨ́n otyeetyě Nzyɛ̌m á lɛ́ɛ me wɨ́ yɨ́, bɨ̌n bé lɨ́ egwɨ̂m éjʉ̂ mê. Abraham á bé asâ yʉ́ʉ́ syɛ́ɛla nó.

Yʉanes 8:37

Me lɨ́ ekʉ́ gʉ́a ó, bɨ̌n bé ó onta mé Abraham. Sâ gwár, bɨ̌n bé lɨ́ ekpɛl éjʉ̂ mê, ebě, bɨ̌n bé akpɛl ékǎm lɛ́ʼlá wâm.

Yʉanes 7:25

Bʉ́ʉ́ bʉ̂r ó Yerʉ́zalɛm nzě dî ó: «Ntʉ mʉ̂r nyâʼ bé dí esáa éjʉ̂ nyá ɛ́?

Markus 11:18

Ojwɨ́ɨ o mpáh Nzyɛ̌m le olɛ̂ʼla o métié, ɨ́ mpʉ bé á jóʼo sá nyé á lɛ́ɛ yɨ́, bé ntɔ̂ʼ sáa ménzɨ̌ ó, bé jʉ́ ó nye. Bé á be yɨ́ɛ ó lɨ́ ekpɛ́ɛ nyê, ebě, entumo e bʉ̂r lɨ́lɛ̂h, lé á be ó lɨ́ ebuú kâm mbi mílɛ́ʼlá nyé á dwe mí.

Yʉanes 6:1

Jɔʼ bé á duho náǎ yɨ́, Yésʉs nzě ntaa máŋ mé Galilê, tô lɨ́ ebʉ̂m e kɔ́m nkɛ́ɛ́. (Bé á jɨjébe mâŋ maá ó, “Mâŋ mé Tiberiâs”.)

Yʉanes 7:11

OYúden, bé á be ó lɨ́ esáa nyé ɨ́ nzɔɔ, le edíila páʼ nyɔ́ɔ́ ó: «Nye wâʼ nkoó ɛ́?»

Yʉanes 7:13

Ɨ́ bím lɔ̌b nɨ̌, mʉr á bé alwib kʉ́kʉ́, ebě, bé á be lɨ́ ekpɛ́ɛ óYúden.

Yʉanes 7:35

OYúden nzě táare édíila páʼ nyɔ́ɔ́ ó: «Nye ókǎ tô wâʼ wó, mbi dí ó, mɨná bé ákǎ bee gá nye wɨ́? Nzê nye ótô le elɛ̂ʼle óYúden mû mingbɛhá míngbɛhá ɨ́ Grɛ̂s, le elɛ̂ʼle ntémé bʉr o Grɛ̂s ɛ̌?