Yʉanes 6:9 - Kálar Nzyɛ̌m : Ejwán é Sáá

⁹ «Nyʉ́ʉ́ mâ ntwǒm, nye ó wâ. Nyě e biblér bí orge bitɛ̂n le osú óbá. Bím bʉ̂r bâ, bé ódira wáǎ nyɔm ɨ́ bím méde yaá?»

Kálara Zyɛ̌m Edwán é mpʉ̌n

⁹ «Nuu mancyom, nye ó wâʼ e bɨbler bɨ orge bɨtɛn e l'ofu oba. Bim yaa, yé ógul yé é bim bʉr ba?»

Yʉanes 6:9 ပူးပေါင်းရင်းမြစ်များ

Lʉkas 9:13

Yésʉs ntɔ̂ʼ yala e bé ó: «Bɨ̌n bʉr o tɨ̂, dwéʼ gá bé mede, bé dêʼ.» Bé e Yésʉs ó: «Bɨ̌h bé wâʼ ó, njɨ e biblêr bitɛ̂n le osú óbá. Nzê bɨ̌h tô bwâm méde lɨ́ esú é bʉ̂r bâʼ bɨ́bɛ̂h ɛ̌?»

Markus 6:38

Nye ó: «Bɨ̌n bé e biblêr bintíá? Tó dwɛ̂ʼ gâ.» Jɔʼ bé á sil eláa byé yɨ́, bê nzě lɛ́ɛ e né ó: «Bɨ̌h bé e biblêr bitɛ̂n, le osú óbá.»

Mataos 14:17

Bê nzě lɛ́ɛ e né ó: «Bɨ̌h bé abe e sɔ̂ʼ wâ. Bɨ̌h bé ó njɨ e biblêr bitɛ̂n le osú óbá.»

Mataos 16:9

Nzê bɨ̌n dína apǎ gwá gʉ́a ɛ̌? Nzê bɨ̌n bé akǎ símsa bíblêr bitɛ̂n byé á jala e bʉrʉ̂m otɔ́ɔ́sin otɛ̂n bí ɛ́? Bɨ̌n bé á tœ̂ʼ bimpubuʼó bi tɨ̂, lóŋlo mékwám méntíá e byê?

Markus 8:19

Jɔʼ mé á pɛ̂ʼ biblêr bitɛ̂n, dwe bʉ́rʉ̂m otɔ́ɔ́sin otɛ́n yɨ́, bɨ̌n bé á lóŋlo mekwám méntíá e bimpubuʼó méde maá?» Bê nzě yala e né ó: «Kám e mebá.»

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Mɨngwiha 6:6

Me ntɔ̂ʼ jóʼǒ lwǐb, lwǐb yaá lɨ́ eduho témé mikublakúbla mí ótír minâ myaá. Yé á nwɨɨla ó e lwǐb mʉ̂r, lɨ́ elɛ́ɛ ó: «Líra pǔ blê gwár, yé mû ó tâŋ nzǎŋ mɔnɨ́ ngwár. Olíra bé orge olɛ̂l, bé ó tâŋ nzǎŋ mɔnɨ́ ngwár. Sâ gwár, andáma múlo ti e menyoʼ.»

Yʉanes 11:32

Jɔ̌ʼ Maria á to pyâl nkǒ Yésʉs á be yɨ́, nye nzě tó bɨʼ mébóó sí ɨ́ mpǒm mé Yésʉs. Nye e né ó: «Dâ ɛ̌, yé bé go á be ó wâʼ nó, mpa ntʉ̂m wǎm á bé adwe.»

Yʉanes 11:21

Mááta, nye e Yésʉs ó: «Dâ ɛ̌, yé bé go á be ó wâʼ nó, mpa ntʉ̂m wǎm á bé adwe.

Yʉanes 6:7

Philippe, nye e né ó: «Mɨná damá jána gá minzaŋ mí mɔnɨ́ minter mimbá, mɨná bé á bé agwá be e nkul ebwâm gá mede, bím dí ó, mʉr nyɨnyɛ̂h bíʼee pêh dœʼ yɨ́.»

Yʉanes 6:11

Yésʉs nzě nʉa bíblêr byaá, nzě dwě Nzyɛ̌m nzyǒo. Jɔʼ nyé á bě sí dwě Nzyɛ̌m nzyǒo yɨ́, nye nzě kab bʉ̂r bɨ́bɛ̂h bé á be tɨ̂ʼ mindîndǐl bá. Nye nzě dwe bé ntémé osû, mʉr nyɨnyɛ̂h lɨ́ enʉǎ bím yɨ́yɛ̂h nyé á kpɛl yɨ́.

Yʉanes 21:9

Jɔʼ bé á sulo ɨ́ byɛ̂l, bére tín yɨ́, bé kœb ó, duró, le sû tɨ̂ʼ lɨ́ ebɨ́e ti e blêr.

Yʉanes 21:10

Yésʉs, nye e bé ó: «Ntáʼ gá e bʉ́ʉ́ ósû ɨ́ baá bɨ̂n jʉ́ ónɨ̌.»

Yʉanes 21:13

Yésʉs nzě nʉǎ blêr, pɛ̂ʼ bé yǎ, nzě dwe ntémé bé osû.