Yʉanes 6:70 - Kálar Nzyɛ̌m : Ejwán é Sáá

⁷⁰ Yésʉs, nye e bé ó: «Ntʉ mɛ̂m mʉr tɨ̂ʼ á twâr bɨ̌n kám le obá ɛ́? Damá jóʼo nó, nyʉ́ʉ́ mʉ̂r ɨ́ sɔ́má yɨ́n, nyě le eleme.»

Kálara Zyɛ̌m Edwán é mpʉ̌n

⁷⁰ Yesʉs, nye e be ó: «Ntʉʼ mɛm mʉr tɨʼ a pɛh bɨn, Esama le ompʉn ewʉm e l'oba ɛ? Dam be no, nuu mʉr é l'esama lɨn, nye ó waa mo Njwɨɨ moleme!»

Yʉanes 6:70 ပူးပေါင်းရင်းမြစ်များ

Yʉanes 13:27

Lě Yʉ́das á nʉa blêr yaá, lě Sátan ntɔ̂ʼ á nî ɨ́ nye. Yésʉs, nye e né ó: «Sá gó dí egwɨ̂m ésâ yɨ́, kaá sâ yé kám e kám!»

Yʉanes 13:2

Yésʉs, bé le ompʉ́n bé, bé á be ó lɨ́ ede. Jɔʼ yaá, sɔ́ŋ meleme á be ó sí tyɛ̂b Yʉ́das, mwân mé Simon Iskariôt, ɨ́ léme, dwe nyé pɨʼ ó, nye bɛ́maa Yésʉs.

Yʉanes 17:12

Jɔʼ bɨ́h le onɔ́ɔ́ bé á bɨbe yɨ́, me á bɨbaʼle bé ó e nkul díé lô gó á dwe me lɨ́. Me á si kamle e bê. Kâr mʉ̂r ngwár á dîm ɨ́ sɔ́má yɔ́ɔ́, alaa ó, waá á boo be ó, nye ɨ́ jala le edîm nyá. Nye á si dîm lɨ́ esú ó, sá dí cɛmá ɨ́ Mekaná mé Nzyɛ̌m yɨ́, yé díraa.

Yʉanes 13:18

«Mé alwib ɨ́ lɔ̌b wɨ́n, bɨ̌n óbɛ̂h, njɨ mʉr ngwár. Me lɨ́ egʉ́a baá mé á twâr bá. Twárá mé á twárɔɔ nyɨ́haá mʉ̂r wɨ́, wé á be ɨ́ jala, lɨ́ esú ó, péh Mékaná mé Nzyɛ̌m, yé díraa. Ebě, yê cɛmá ó: Mʉr dí ede méde mâm nyá, nyɨ́ dwira e me.

Yʉanes 6:64

Sâ gwár, bʉ́ʉ́ bʉ̂r ó sɔ́má yɨ́n, bé adyɛ̂ʼwo e me.» (Yésʉs á si lɛ́ɛ nó, ebě, nye á be ó lɨ́ eboó gʉ́a, duho ɨ́ menyɛ̌l, baá bé á be adyɛ̂ʼwo e né bá, ndu e waá óbɛ́ma nyé nyá.)

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.

1 Timotɛ 3:11

Bʉbá bɔ́ɔ́ ntémé, bé ɨ́ jala le edwe ményʉ́l mɔ́ɔ́ medile, abe lɨ́ eswêʼ míé mé bʉ́ʉ́ bʉ̂r. Bé ajala le ede ményoʼ, sahle. Bé ɨ́ jala le ebe ó, bʉr o bé ébûʼlɔɔ ɨ́ mipáʼ mímyɛ̂h.

Mɨlʉmlʉ 1:17

Nye ntémé á be ó mʉr ngwár ɨ́ sɔ́má gá yɨ́ná. Nye ntémé á si bi nkɔb ɨ́ syɛ́ɛ́ gá yɨ́ná yɨ̂.»

Yʉanes 15:19

Yé bé bɨ̌n bé á be ó bʉr ó sí yɨ̂ʼ nó, lɛ́ɛ́, bʉr ó sí, bé lɨ́ ekpɛl bɨ́n, ebě, bɨ̌n bé á gwa be ó mbi bʉ̂r wɔ́ɔ́. Sâ gwár, me á be ɨ́ twâr bɨ́n, pɛʼ bɨ́n ɨ́ sɔ́má bʉ̂r ó sí yɨ̂, ó bɨ̌n ayɨ́ kǎ gúmo e sí yɨ̂. Sɨ́ǎ yaá ó bʉ̂r ó sí yɨ̂ʼ mû sí bene bɨ́n yɨ́.

Yʉanes 15:16

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

Yʉanes 13:21

Jɔʼ nyé á sil elwib mpʉ́nʉ̌ yɨ́, milɔ̌b myaá, myé ntɔ̂ʼ tɨ̂l nyé mekʉ̌ sí. Nye nzě boʼlo ó: «Mě lɛ́ɛ́ bɨ́n lɨ́ otyeetye ó, mʉr ngwár ɨ́ sɔ́má gá yɨ́ná óbɛ́ma mê.»

Yʉanes 8:44

Sɔ́ŋ wɨ́n, nye ó sɔ́ŋ meleme. Sá tɨ̂ʼ ó bɨ́n dí ekpɨkpɛ̌l njɨ esâ gwɨ́má mé sɔ́ŋ wɨ́n yɨ́. Nye á boo be ó njʉ̂l bʉr, duho ɨ́ menyɛ̌l. Nyé abe e nkul elɛ́ɛ ótyeetye lʉ́ʉ́ dʉ́o, ebě, otyeetye, wé abe e né. Jɔʼ nyé dí elɛ́ɛ bíbɛr yɨ́, nyě lɛ́ɛ́ ó, sá yé, ánta nye, ebě, nye ó mʉr bibɛr. Nye ntémé, nye ó sɔ́ŋ bibɛr.

Títos 2:3

Lɛ́yɨ́ɨ́ mísile mi bʉ́bá jwɨʼ gwár ó, bé dúʼoo mbǐ kʉ̌ tyen dí ejala e mʉr dí edwáawǒ Nzyɛ̌m nyá. Bé sá aswêʼ míé mé bʉ́ʉ́ bʉ̂r. Bé ayɨ́ lɔ̂ʼwa ɨ́ ndéá ményoʼ, nkʉ̂ di bítúʼǎ bi tɨ̂. Bé dwêʼ bʉr mimpaŋ mélɨ́,

Mɨlʉmlʉ 13:10

«Gua mwân mé sɔ́ŋ meleme, ntɨ̂m e mbɨn ɨ́ páʼ sá yɨ́yɛ̂h dí lɨ́ otîtyěl yɨ́! Go ó lwɨ́ŋlá e mikóo le bibɛr mimbi mímyɛ̂h. Nzê gó akǎ gwâʼ édwǐr mbɨambɨa menzɨ̌ mé Tî Yésʉs onzyɛ́h ónzyɛ́h ɛ̌?

Yʉanes 2:2

Bé á si báŋle ntémé Yésʉs, bé le ompʉ́n bé ɨ́ nzɔɔ nyaá.

Yʉanes 6:67

Yésʉs, nye le ompʉ́n kám le obá bé ó: «Nzê bɨ̌n bɨɛ ntémé múo nzě búla píhe ɛ̌?»

Yʉanes 6:71

(Nye á lwib nó ó, dumo e Yʉ́das, mwân mé Simon Iskariôt, ebě, Yʉ́das, damá jóʼo ó mpʉ nyé á be mpʉ́n ɨ́ sɔ́má ómpʉ́n kám le obá yɨ́, nye á be e jwɨʼ ó, nye óbɛ́ma nyê.)

Yʉanes 20:24

Thomas, mʉr ngwár ɨ́ sɔ́má ómpʉ́n kám le obá, waá bé á jɨjébe “Egbâh” nyá, á bé abe tɨ̂ʼ ɨ́ jɔ̌ʼ Yésʉs á pyâl yɨ́.