Yʉanes 6:53 - Kálar Nzyɛ̌m : Ejwán é Sáá

⁵³ Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, mʉ̂r bé ade bípúnó bí Mwân mé Mʉr le ede métié mé nó, lɛ́ɛ́, nyɨ́haá mʉ̂r abǐ twiʼ.

Kálara Zyɛ̌m Edwán é mpʉ̌n

⁵³ Yesʉs, nye e be ó: «Me elɛɛ bɨn cyecye ó nɛɛ: ǃɨ mʉr baade bɨpuno bɨ Mwan mo Mʉr le ebɛble motié me nɛʼɛ, gʉŋa ó, nyiha mʉr, nyi fib tiʼ molu mo mpoʼ mɨmɛh.

Yʉanes 6:53 ပူးပေါင်းရင်းမြစ်များ

1 Yʉanes 5:12

Mʉr dí ɨ́ mpúhlá e Nzyɛ̌m Mwân nyá, nyě e twǐʼ njʉ̌m dǐ. Mʉr dí adi ɨ́ mpúhlá e Mwân mé Nzyɛ̌m nyá, nyé abe e twiʼ yaá.

Yʉanes 6:55

Ebě, bipúnó byâm, byé ó mede mempâ. Metié mâm, mé ó mpǎŋ sá ébɛble.

Yʉanes 15:4

Diʼee gá ɨ́ mpúhlá e me mpʉ mé ntémé dí ɨ́ mpúhlá e bɨ̌n yɨ́. Lɔ́ɔ́ raisin, wé abe e nkul egúmo mpúmó wé omér, anara le etín lé. Bɨ́n óbe, adi ɨ́ mpúhlá e me nɛ́ɛ: lɛ́ɛ́, bɨ̌n bé abe e nkul gúmó mpúmó.

Yʉanes 6:47

Mě lɛ́ɛ́ bɨ́n lɨ́ otyeetye ó, mʉr dí edyɛ̂ʼwo e me nyá, nyɨ́ bǐ twǐʼ njʉ̌m dǐ.

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Mɨngwiha 2:17

Mekǎn Sísǐm dí elɛ́ɛ bʉ̂r ó Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé mede dí eduho ɨ́ jʉ́o kʉ́ má. Mede maá, mé ó lɨ́ esǒ. Me ntémé ódwe nyé ekóʼ épúmó. Díé lé, lé óbe ó tɨ̂ʼ cɛmá. Díe laá, lé ó edwán é díé lé. Nyʉ́ʉ́ mʉ̂r swîh, nyé abe e nkul egʉ́a lê, njɨ waá dí ebi lé nyá.

Yʉanes 3:36

Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

Mataos 18:3

«Mě lɛ́ɛ́ bɨ́n lɨ́ otyeetye ó, bɨ́n bé adwira, báʼǎ dǐ mpʉ bwá ó ntwǒm nó, bɨ̌n bé ákóʼó nî níʼée ɨ́ Mpóʼo mé Dâ Nzyɛ̌m.

Yʉanes 3:5

Yésʉs, nye ó: «Me lɨ́ elɛ́ɛ gó lɨ́ otyeetye ó, mʉ̂r óbe, abyɛ̂l mbyɛ́lá médíbé e waá Sísǐm nó, nyé abe e nkul enî ɨ́ Mpóʼo mé Nzyɛ̌m.

Lʉkas 13:5

Heʼé, mě lɛ́ɛ́ bɨ́n ó, bɨ́n óbe, atúmo míkoo e mebébe mɨ́n le edwira míléme nó, lɛ́ɛ́, bɨ̌n ntémé, bé ódîm ɨ́ nkɔb bʉr mpʉ bê.»

Lʉkas 13:3

Heʼé, mě lɛ́ɛ́ bɨ́n ó, bɨ́n óbe, atúmo míkoo e misyóm mín le edwira míléme nó, bɨ̌n óbɛ̂h, bé ódîm ɨ́ nkɔb bʉr mpʉ bê.

Yʉanes 13:8

Pétrus, nye e né ó: «Heʼé, Dâ! Go ányamlě jwɨɨ mé mekʉ̌.» Yésʉs nzě yala e né ó: «Mé bé ajwɨɨ gó mekʉ̌ nó, go l'abi nkɔ̂b ɨ́ páʼ wâm.»

Mataos 5:18

Mě lɛ́ɛ́ bɨ́n lɨ́ otyeetye ó, tó pyâl ɨ́ jɔʼ kʉ́ e sí ngá síe yɨ́, kaŋá gwár tɨ̂, nkʉ̂ mâ etɔ́n égwár e tɨ̂, byé ákóʼó pʉʼa, tó pyâl ɨ́ jɔ̌ʼ sá yɨ́yɛ̂h ngá syɛ́ɛ yɨ́.

Mɨngwiha 2:7

Mekǎn Sísǐm mé Nzyɛ̌m dí elɛ́ɛ̌ Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé nkul epyâl ɨ́ Paradîs. Nyé odě bumó lɨ́ twiʼ.»

Mataos 8:20

Yésʉs nzě yala e né ó: «Ompɔ̌ʼ, bé ó e mekul. Binʉ̌n e mɔʼ. Sâ gwár, Mwân mé Mʉr, nyé abe e gúmó nyé kɛ́lɨɨ lʉ̂.»

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Yʉanes 6:62

Yé ókǎ sâ bɨ́n nyá, ɨ́ jɔʼ bɨ́n óbee Mwân mé Mʉr lɨ́ ebúla, bére, swîʼ, tô nko nyé á nyɛɛ bɨbe yɨ́?