Yʉanes 6:51 - Kálar Nzyɛ̌m : Ejwán é Sáá

⁵¹ Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Kálara Zyɛ̌m Edwán é mpʉ̌n

⁵¹ Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

Yʉanes 6:51 ပူးပေါင်းရင်းမြစ်များ

Lʉkas 22:19

Nye ntɔ̂ʼ nʉǎ blêr, báʼǎ dwě Nzyɛ̌m nzyǒo, nzě pɛ̂ʼ yé bipêh bipêh, kab bé byǎ. Nye e bé ó: «Blêr yɨ̂, yé ó nyʉ̂l nyǎm mû sí dweŋɔɔ lɨ́ esú lɨ́n nyɨ́. Bɨ̌n bé ótô le esɨ̂sǎ syɛ́ɛla yɨ̂ʼ bijɔʼ bíbyɛ̂h, le esîsimsa mé tɨ̂.»

Yʉanes 6:33

Ebě, medě Nzyɛ̌m dí edwe má, mé ó mʉr á duho ɨ́ jʉ́o kʉ́ nyá. Nye ó mʉr dí edwe bʉ̂r twiʼ nyá.»

Yʉanes 3:13

Abe e mʉr ngwár dí ɨ́ pǎ bére, tó kumo ɨ́ jʉ́o kʉ́, píe Mwân mé Mʉr, mʉr á duho ɨ́ jʉ́o kʉ́ nyá.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Ebrœ̂ 10:20

Yésʉs á dib mɨná gá edwán é nzɨ́ ó, mɨná ntáŋaa gá kán wé á nyɛɛ be tyelá lɨ́ ela ébê wɨ́. Mɨná bi gá twiʼ ó tɨ̂. Náǎ yé lɛ́ʼlé ó, mɨná bi gá twiʼ ó, ɨ́ jɔʼ mɨ́ná cɨ́ɨ́ gá ɨ́ nyʉ̂l nyé yɨ́.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

1 Pyɛr 2:4

Síhláá gá bé bǎʼ e Tî Yésʉs. Nye ó ekóʼ e dí kublakúbla, laá bʉ̂r, bé á bene lɨ́. Nzyɛ̌m nyɨɛ á si pɛ̂h lé, bee lé le odimé.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

1 Yʉanes 4:10

Kpɛ̌l mpâ ó yɨ̂: yé abe yaá mɨ́ná dí elɛ̂ʼle gá Nzyɛ̌m yɨ́. Yé ó yaá nyɨ́ɛ á lɛ̂ʼle mɨná gá yɨ́, ebě, nye á si ntɨh mɨná gá Mwân wé. Nye ó mʉr á búra le syóm wɨ́ná nyá. Nye ntémé ó b'á leʼe nkpaa mé Nzyɛ̌m.

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Éfɛsɔs 5:25

Bɨ̌n bʉrʉ̂m, mʉr nyɨnyɛ̂h, nye kpɛ́lɨɨ mʉmá wé mpʉ̌ Krîst á kpɛl Mbɛ̌r-Nzyɛ̌m yɨ́. Nye á si dwe twiʼ yé, lɨ́ ebúra e Mbɛ̌r-Nzyɛ̌m.

2 Korɛnt 5:19

Ebě, Nzyɛ̌m á sâ saá mû lɨ́ edira bʉ̂r ó sí bɨ́bɛ̂h e né nyɨ́ ó, ɨ́ nzɨ̌ mé Krîst. Nye á bé aláǎ bím bíbaa bí ébébe nyé á niʼe bé bí. Nye nzě tyêl bɨ́h bɨɛ ɨ́ syɛ́ɛ́ ó, bɨ̌h túnaa bʉr lɔ́ɔ tɨ̂, ó bé nkʉ̂ bâʼra e mʉr bé e boo nɔ́ɔ́ mû ɨ́ saá nyaá nyá.

Yʉanes 7:38

Mʉr nyɨnyɛ̂h dí edyɛ̂ʼwo e mé nyá, “Misʉm médíbé mé twiʼ, myé ósɨ̂sah, duho nyé ɨ́ léme,” mpʉ Mékaná mé Nzyɛ̌m dí elɛ́ɛ yɨ́.»

Yʉanes 3:14

Jwɨʼ gwár Moyɨ̂z á nʉa mveʼle nyʉ́a, gbâ ɨ́ lɨ́, bɨ̂n yé kʉ́ ɨ́ lʉá yɨ́, jwɨʼ gwár yaá ntémé ó Mwân mé Mʉr jálá le ebɨ́nɔɔ kʉ́ yɨ́.

Yʉanes 3:36

Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

Yʉanes 5:24

«Mě lɛ́ɛ́ bɨ́n lɨ́ otyeetye ó, mʉr ngá jôʼlǒ lwǐb yâm le edyɛ̂ʼwo e mʉr á ntɨh me nyá, nyɨ́ bǐ twǐʼ njʉ̌m dǐ. Nye ákǎ tíʼɔɔ mílɔ̌b. Nyɨ́ boó duho lɨ́ eswie, ntaa ɨ́ twǐʼ njʉ̌m dǐ.

Yʉanes 6:35

Yésʉs, nye e bé ó: «Me ó dí mede dí etiʼ bʉ̂r má. Mʉr nyɨnyɛ̂h dí enze kwá nyǎm nyá, nyé abe e nkul ekǎ jóʼo nzâ. Mʉr nyɨnyɛ̂h dí edyɛ̂ʼwo e me nyá, nyé abe e nkul ekǎ jóʼǒ dwéh médíbé.

Yʉanes 6:41

OYúden nzě táare élwib ɨ́ bébe bébe dumo e Yésʉs, ebě, nye á lɛ́ɛ ó: “Me ó dí mede, maá mé á duho ɨ́ jʉ́o kʉ́ má.”

Yʉanes 6:47

Mě lɛ́ɛ́ bɨ́n lɨ́ otyeetye ó, mʉr dí edyɛ̂ʼwo e me nyá, nyɨ́ bǐ twǐʼ njʉ̌m dǐ.

Yʉanes 6:48

Mɛm ó dí mede mé twiʼ.

Yʉanes 6:50

Sâ gwár, mede, maá me dí eduho ɨ́ jʉ́o kʉ́ má mɨ́ɛ, mé ó mbi méde me dí: mʉ̂r sí de mé nó, nye ákóʼó kǎ dwe má.

Yʉanes 11:26

Ntémé, waá nyɨnyɛ̂h dí etiʼe ɨ́ nzɨ̌ nyǎm le edyɛ̂ʼwo e me nyá, nye ákóʼó dwe. Nye ódi ó, njʉ̌m dǐ e njʉ̌m dǐ. Nzê go lɨ́ ebúʼla nó ɛ̌?»