Yʉanes 6:44 - Kálar Nzyɛ̌m : Ejwán é Sáá

⁴⁴ Sɔ́ŋ wǎm á ntɨh me nyá, óbe, adulo mʉ̂r nó, mʉr waá, nyé abe e nkul enze kwá nyǎm. Me ópɛh waá nyé ngá dulo nyá ɨ́ móhó ésúʼlá é sí yɨ̂.

Kálara Zyɛ̌m Edwán é mpʉ̌n

⁴⁴ ǃƗ Sɔŋ wam, mʉr a lomo me e, si bene lé edulo mʉr nɛʼɛ, mʉr waa l'aze boo me. To kœb ó, waa ódulɔ ɛ, me ópɛ̀h nye é foo é moho epihe, ntible-bɨkaŋa.

Yʉanes 6:44 ပူးပေါင်းရင်းမြစ်များ

Yʉanes 6:65

Nye ntɔ̂ʼ báʼǎ lɛ́ɛ e bé ó: «Sá tɨ̂ʼ ó mê lɛ́ɛ́ e bɨ̌n ó, mʉr, nyé abe e nkul enze kwá nyǎm, nye l'apǎ nyɛɛ́ bi nkûl nyaá kwá mé Sɔ́ŋ wǎm yɨ́.»

Yʉanes 12:32

Nó ɨ́ jɔʼ mé óduhǒ sí yɨ̂, bɨ́nɔɔ kʉ́ yɨ́, me ódulo bʉ̂r bɨ́bɛ̂h nko mé óbe yɨ́.»

Mataos 16:17

Yésʉs ntɔ̂ʼ lɛ́ɛ e né ó: «Go ó e metyɛʼ me mpóm, Simon Bar-Yónas. Ntʉ nyʉ̂l bipúno le metiê gwíh gó sâ yaá. Yê bé ó Sɔ́ŋ wǎm dí ɨ́ jʉ́o kʉ́ nyá. Nye ô lɛ́ʼlé gó yǎ.

Yʉanes 6:45

Ogwíha o mílɔ̌b, bé á cɛma ɨ́ Mekaná mé Nzyɛ̌m ó: “Nzyɛ̌m ó ngá lɛ̂ʼle bɨ́bɛ̂h.” Me lɨ́ elɛ́ɛ ó, mʉr nyɨnyɛ̂h ójóʼǒ Nzyɛ̌m Sɔ́ŋ, le enʉa mílɛ́ʼlá nyé ódwe mí nyá, ónze kwá nyǎm.

Yʉanes 5:44

Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

Kolosi 2:12

Ɨ́ ndubó bɨ́n á duŋɔɔ wɨ́, bɨ̌n bé á si debe, bɨ̌n e Krîst ɨ́ jɔʼ gwár. Bɨ̌n e né ntémé ó b'á pah, ebe bɨ́n dí ebúʼla nkûl nɨ́nɨ́ɨ́ mé Nzyɛ̌m. Nkǔl nɨ́nɨ́ɨ́ nyaá ó b'á pɛh nye.

Filipi 1:29

Nzyɛ̌m á dib bɨ̌n nzɨ̌ ó, bɨ̌n gúmlaa Krîst, abě njɨ ɨ́ jɔʼ bɨ́n dí ebúʼla nyé yɨ́, kʉ́ buú be ntémé, ɨ́ jɔʼ bɨ́n dí esia e mitúú ɨ́ mpúhlá nyɨ́n e nɔ́ɔ́ yɨ́.

Yʉanes 8:43

Bɨ̌n bé lɨ́ ekâr égwá jóʼǒ lwǐb yâm ɨ́ yé? Ebě, bɨ̌n bé abe e nkul ejóʼǒ lɔ́ɔ́ wâm.

Mataos 12:34

Bɨ̌n bwá ó méjwɨ̂l bâ! Bɨ̌n bé e nkul elɛ́ɛ bísá bímpâ nyá? Ebě, bɨ̌n bé ɨ́ bébe. Sá mʉ̂r dí e yé lwɨ́ŋlá ɨ́ léme yɨ́, yé ó num wé dí epyêl kʉ̌l.

Yʉanes 6:43

Yésʉs nzě yala e bé ó: «Ayɨ́ nyimla gá páʼ nyɨ́n!