Yʉanes 6:31 - Kálar Nzyɛ̌m : Ejwán é Sáá

³¹ Bimpám gá bíná, byé á si de mân ɨ́ lʉá. Yê cɛmá ɨ́ Mekaná mé Nzyɛ̌m ó: “Nye á si dwe bé mede, blêr, yé á duho ɨ́ jʉ́o kʉ́ yɨ́.”»

Kálara Zyɛ̌m Edwán é mpʉ̌n

³¹ Bɨmpam ga bina, byé a si de manne é feha si. Yé ó tila é Kalara Zyɛm ó: “Nye a si dwe be mode, bler yé a duho é jobo kʉ ɨ.”»

Yʉanes 6:31 ပူးပေါင်းရင်းမြစ်များ

Yʉanes 6:49

Bimpám bín, bʉr o b'á de mân ɨ́ lʉá bá, bíbyɛ̂h, byé á si síe lɨ́ edwe ɨ́ lʉá waá tʉ́ŋlʉ̌.

Mɨngwiha 2:17

Mekǎn Sísǐm dí elɛ́ɛ bʉ̂r ó Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé mede dí eduho ɨ́ jʉ́o kʉ́ má. Mede maá, mé ó lɨ́ esǒ. Me ntémé ódwe nyé ekóʼ épúmó. Díé lé, lé óbe ó tɨ̂ʼ cɛmá. Díe laá, lé ó edwán é díé lé. Nyʉ́ʉ́ mʉ̂r swîh, nyé abe e nkul egʉ́a lê, njɨ waá dí ebi lé nyá.

1 Korɛnt 10:3

Mede mempwár Sísǐm mé Nzyɛ̌m wé á ntɨh bé má, bɨ́bɛ̂h, bé á bě sí de mê.

Yʉanes 6:58

Mede mâ, mé ó mede mé á duho ɨ́ jʉ́o kʉ́ má. Mé anwɨɨla e maá bímpám bín, byé á de, bíbyɛ̂h síe lɨ́ edwe má. Mʉr nyɨnyɛ̂h ngá de méde mâʼ nyá, ótiʼě njʉ̌m dǐ e njʉ̌m dǐ.»

Yʉanes 6:32

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, ntʉ̌ Moyɨ̂z á dwe bɨ̌n mede mempâ mé á duho ɨ́ jʉ́o kʉ́ má. Sɔ́ŋ wǎm ó dí entɨh méde mempâ me dí eduho ɨ́ jʉ́o kʉ́ má.