Yʉanes 5:39 - Kálar Nzyɛ̌m : Ejwán é Sáá

³⁹ Bɨ̌n bé lɨ́ etoʼo Mékaná mé Nzyɛ̌m, lɨ́ ejwɨʼ ó, bɨ̌n bé óbǐ twǐʼ njʉ̌m dǐ tɨ̂. Tó kœb ó, Mekaná mé Nzyɛ̌m maá, mé ó dí eboʼlo bɨ́n lɔ̌b wâm!

Kálara Zyɛ̌m Edwán é mpʉ̌n

³⁹ Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Yʉanes 5:39 ပူးပေါင်းရင်းမြစ်များ

Lʉkas 24:27

Nye nzě nyɛl épâʼlǎ sá yɨ́yɛ̂h yé á be cɛmá ɨ́ Mekaná mé Nzyɛ̌m, dumo e né yɨ́, táare lɨ́ mekaná mé Moyɨ̂z, kumo e maá ógwíha o mílɔ̌b bé, bé á cɛma má.

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Mɨlʉmlʉ 17:11

Bʉr ó Bére bé á kœb gʉ̂ʼ bá, bé á be ó, ɨ́ mbɨa míléme, laa óYúden bé á bě Tesaloníka bá, ebě, bé á si nʉa lɛ́ʼlá dí edumo e Nzyɛ̌m wɨ́ e mpǎŋ gwɨ́má. Dʉ́ó lɨ́lɛ̂h, bé á be ó lɨ́ etimle Mékaná mé Nzyɛ̌m, lɨ́ edǐ bee nkʉ̂ sá Pɔ̂l á lɨlɛ́ɛ bé yɨ́, yé á kʉ be ó tyeetye.

Mataos 22:29

Yésʉs nzě yala e bé ó: «Bɨ̌n bê sí bɔ́ʼa le otyeetye, ebě, bɨ̌n bé agʉ́a Mékaná mé Nzyɛ̌m, agʉ́a ntémé nkul nyé.

Mɨlʉmlʉ 13:27

Bʉr ó Yerʉ́zalɛm le ojwɨ́ɨ bɔ́ɔ́, bé á be ɨ́ jéʼě mbi mʉ̂r Yésʉs á be wɨ́. Bɨ́ɛ yɨ́ɛ lɨ́ eláa mékaná mé ógwíha o mílɔ̌b lɨ́ osábat bɨ́bɛ̂h, bé á bé ajóʼǒ lɛ́á mékaná maá. Ɨ́ jɔʼ bé á tíʼe Yésʉs lɔ̌b wé yɨ́, syɛ́ɛla yaá, yé ó b'á ka sâ ó, mekǎn mé ógwíha o mílɔ̌b mé Nzyɛ̌m, mé díraa.

Yʉanes 5:46

Yé bé tyeetye ó, bɨ̌n bé á si bûʼla lɔ́ɔ́ mé Moyɨ̂z nó, lɛ́ɛ́, bɨ̌n bɨ́ dyɛ̂ʼwo e me, ebě, nye á cɨcɛma ó, lɔ̌b wâm.

Rôm 3:2

Yé e nyɔm ɨ́ menzɨ̌ mɨ́mɛ̂h. Sá ésôʼ dí e nyɔm yɨ́, yé ó, Nzyɛ̌m á taare edwe mingwíhá mílɔ̌b myé ó, bɨ̌n oYúden.

Markus 12:10

Bɨ̌n bé á bé así láǎ sá dí cɛmá yɨ́, ó: “Ekóʼ óswim ó mbɛ̌r bé á bene lɨ́, lé ó b'á ka sûʼla ekóʼ e dí esúʼo médwii me sɔ́ŋ lɨ́.

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Rôm 1:2

Mbɨambɨa Lɔ́ɔ waá, Nzyɛ̌m á si boo kɛʼ ɨ́ nzɨ̌ ogwíha o mílɔ̌b ó, nye óntɨh mɨ́ná gá wǎ. Nkɛ̌ʼ nyaá, nye ó cɛmá ɨ́ Mekaná mé dí ti má.

Mɨlʉmlʉ 26:27

Nó ó, njwɨ́ɨ̌ Agrípa, nzê go lɨ́ ebúʼlǎ sá ógwíha o mílɔ̌b dí elɛ́ɛ yɨ́ ɛ́? Mɨ́ gʉ́a ó, go lɨ́ ebúʼla nó.»

Yʉanes 7:52

Bé e né ó: «Nzê go ntémé, go ó mʉr Galilê ɛ̌? Pahlaa Mékaná mé Nzyɛ̌m! Go óbee ó, abe e ngwíha milɔ̌b ngwár dí eduhǒ sí Galilê.»

Yʉanes 5:32

Sâ gwár, yé e nyʉ́ʉ́ mʉ̂r dí eboʼlǒ lɔ̌b wâm nyá. Mɛm, me lɨ́ egʉ́a ó, mboʼlá nyé dí eboʼlo, dumo e me wɨ́, wé ó tyeetye.

Yʉanes 5:36

Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Lʉkas 16:31

Nó Abraham á lɛ́ɛ e né ó: “Bé óbe, akpɛl éjóʼǒ Moyɨ̂z, nkʉ̂ ogwíha o mílɔ̌b nó, lɛ́ɛ́, bé abe e nkul ejóʼo ntémé mʉr á pah, duho lɨ́ odwe nyá ɔ́ɔ̀ɔ́.”»

Ebrœ̂ 11:16

Sâ gwár, bé á be ó e dwéh édi ɨ́ mpǎŋ mpóʼo, nyaá dí ɨ́ jʉ́o kʉ́ nyɨ́. Sá tɨ̂ʼ ó Nzyɛ̌m dí ajóʼo sôn ɨ́ jɔʼ bé dí egbân nyé yɨ́. Nyɨ́ komlo bé mpǎŋ nkana yaá.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Lʉkas 16:29

Abraham ntɔ̂ʼ yala ó: “Bɨ́ɔɔ́ bô, bé e lɔ́ɔ́ Moyɨ̂z bé le ogwíha o mílɔ̌b, bé á cɛma wɨ́. Bé páa jóʼo bé ɔ̌!”

Yʉanes 1:45

Píe tɨ̂, Philippe nzě tó beě Natanaɛ̂l. Nye e né ó: «Bɨ̌h bɨ́ bee mʉ̂r, waá Moyɨ̂z á boo cɛma ɨ́ lɔ̌b wé ɨ́ mekaná métié, maá ógwíha o mílɔ̌b bé á cɛma ɨ́ lɔ̌b wé má. Mʉr waá, nye ó dí Yésʉs, mwân mé Yóseb, mʉr Nazarɛ̂t.»

Ebrœ̂ 11:35

Bʉ́ʉ́ bʉ́bá, bé á baʼa nʉa bʉr bɔ́ɔ́ bé á nyɛɛ dwe, kǎ pah bá ó, ɨ́ nzɨ̌ búʼó yɔ́ɔ́. Bʉ́ʉ́ bʉ̂r, bé á si bɔma e bintɨ́ʼá ɨ́ lɔ̌b búʼó, akam ó, bé dwíhɔɔ lɨ́ okómó, ebě, bé á kpɛl ó, bé páhaa lɨ́ odwe, mbǐ pahá dí ɨ́ buú mbɨa wɨ́.

Lʉkas 24:25

Nó ó Yésʉs á nze lɛ́ɛ e bé ó: «Bɨ̌n bigʉʼlʉgʉ́, bɨ̌n bé ɨ́ buo mésónó, alɨ̌ bûʼlǎ lɔ́ɔ́ ógwíha o mílɔ̌b bé, bé á cɛma wɨ́.

Yʉanes 5:40

Sâ gwár, bɨ̌n bé akpɛl énze kwá nyǎm, lɨ́ enzě bǐ twiʼ.

Markus 10:3

Nó nyé á yala e bé ó: «Moyɨ̂z á lɛ́ɛ bɨ̌n nyá ɛ́?»