Yʉanes 5:36 - Kálar Nzyɛ̌m : Ejwán é Sáá

³⁶ Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Kálara Zyɛ̌m Edwán é mpʉ̌n

³⁶ «Sa gwar, mɛm, me e mboʼla fih, pie waa mo Yʉanes. Nyɛɛ, nye edwe mboʼla ndɨ elaa waa mo Yʉanes é modile e, ebe, bɨsyɛɛla Sɔŋ wam a dwe me ó, me ntaʼ, ze fwahle e, byé ó me lé esa ɛ. Byé eboʼlo, tiibe e me ó, Sɔŋ wam ó b'a ntɨh me.

Yʉanes 5:36 ပူးပေါင်းရင်းမြစ်များ

Yʉanes 10:25

Yésʉs, nye e bé ó: «Me á si boo lɛ́ɛ bɨ̌n. Sâ gwár, bɨ̌n bé abûʼla. Bisyɛ́ɛla mé dí esâ e nkul me Sɔ́ŋ wǎm bí, byé ó dí elɛ̂ʼlě mbi mʉ̂r mé dí wɨ́.

Yʉanes 15:24

Yé bé me á bé asâ páʼ nyɔ́ɔ́ mbi bísyɛ́ɛla nyʉ́ʉ́ mʉ̂r á be apǎ sâ bí nó, lɛ́ɛ́, bé á bé agwá be e misyóm. Tó kœb ó, ɨ́ báánâ, bɨ́ bee bísyɛ́ɛla byâm. Bɨ́ɛ ntémé dína ó, lɨ́ ebene bɨ́h e Sɔ́ŋ wǎm.

Yʉanes 2:23

Jɔʼ yɨ́yɛ̂h nzɔ́ɔ Páska nyaá á bwalɔɔ yɨ́, Yésʉs á be ó Yerʉ́zalɛm. Bʉr ɨ́ buo buo, bê nzě dyɛ̂ʼwo e né ɨ́ lɔ̌b mésimá bé á bee nye lɨ́ esâ má.

1 Yʉanes 5:9

Mɨná bé lɨ́ ekam gá ɨ́ jɔʼ bʉ̂r dí eboʼlǒ lɔ̌b yɨ́. Tó kœb ó, mboʼlá mé Nzyɛ̌m, wé ɨ́ jala le edweŋɔɔ̌ dúu, laa waá bʉ̂r dí esâ wɨ́, ebě, wé ó mboʼlá Nzyɛ̌m mʉr tɨ̂ʼ á boʼlo, dumo e Mwân wé wɨ́.

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

Mataos 11:4

Yésʉs nzě yala e bé ó: «Tó lɛ́ɛ gá Yʉánɛs sá bɨ́n dí ejóʼo le ebee yɨ́:

Mɨlʉmlʉ 2:22

«Bʉr o b'Ɨ́zraɛ̂l, jóʼlááá gá sá mé dí elɛ́ɛ bɨ́n yɨ̂: Yésʉs, mʉr Nazarɛ̂t, á si sâ mesimá me nkûl ti e bisá bí ékâm. Nzyɛ̌m á sâ bisyɛ́ɛla byaá ɨ́ mebó mé nó ó, nye nkʉ̂ lɛ̂ʼle bɨ́n mbi mʉ̂r Yésʉs á be wɨ́. Byé á sáŋɔɔ ó, bɨ̌n bɨɛ lɨ́ ebee, mpʉ bɨ́n bʉr o tɨ̂ʼ dí ekʉ́ gʉ́a yɨ́.

Yʉanes 5:32

Sâ gwár, yé e nyʉ́ʉ́ mʉ̂r dí eboʼlǒ lɔ̌b wâm nyá. Mɛm, me lɨ́ egʉ́a ó, mboʼlá nyé dí eboʼlo, dumo e me wɨ́, wé ó tyeetye.

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Yʉanes 17:4

Me á si lɛ̂ʼle bʉr kûm nyǒ ɨ́ sí yɨ̂. Mɨ́ sîl syɛ́ɛ́ gó á dwe me ó, me séaa yɨ́.

Yʉanes 11:37

Bʉ́ʉ́ bʉ̂r ó sɔ́má yɔ́ɔ́, bé ó: «Nyɨɛ, mʉr á bɛ́ɛ ántím mîh nyá, nzê nye á bé agwá kǎ sâ ó, Lazare sá adwe ɛ̌?»

Lʉkas 2:49

Nó nyé á nze lɛ́ɛ e bé ó: «Bɨ̌n sáá mé ɨ́ yé ɛ́? Nzê bɨ̌n bé agʉ́a ó, yé jala ó, me díʼee ɨ́ mbɛ̌r mé Dâ ɛ̌?»