Yʉanes 5:34 - Kálar Nzyɛ̌m : Ejwán é Sáá

³⁴ Ɨ́ wâm pâʼ, mé agwɨ̂m ó, mʉr bôʼlaa mekǎn mâm. Mě báʼá lɛ́ɛ bɨ́n mekǎn mâʼ ó, ebě, me lɨ́ egwɨ̂m ó, bɨ̌n tíʼaa.

Kálara Zyɛ̌m Edwán é mpʉ̌n

³⁴ É paʼ wam, me agwɨm ó, mʉr boʼla mokan mam. Me ebâʼle lɛɛ bɨn mokan maʼ ó, ebe, me egwɨm ó, bɨn biʼe tiʼ molu mo mpoʼ mɨmɛh.

Yʉanes 5:34 ပူးပေါင်းရင်းမြစ်များ

1 Yʉanes 5:9

Mɨná bé lɨ́ ekam gá ɨ́ jɔʼ bʉ̂r dí eboʼlǒ lɔ̌b yɨ́. Tó kœb ó, mboʼlá mé Nzyɛ̌m, wé ɨ́ jala le edweŋɔɔ̌ dúu, laa waá bʉ̂r dí esâ wɨ́, ebě, wé ó mboʼlá Nzyɛ̌m mʉr tɨ̂ʼ á boʼlo, dumo e Mwân wé wɨ́.

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

1 Timotɛ 4:16

Gwá dwɛ̂ʼ gó mʉr tɨ̂ʼ ndu e lɛ́ʼlá gó dí edwe bʉ̂r wɨ́. Sɨ́sáʼ sɨ́n lɨ́ edû mílɔ̌b mínɨ̌. Gó ósâ nó wá, go ótíʼ gó mʉr tɨ̂, tíʼ ntémé baá o dí ejôʼlo gó bá.

1 Korɛnt 9:22

Ɨ́ jɔʼ mé dí e bʉr o dí apǎ bi pîm ɨ́ búʼó bá yɨ́, mě dǐ ntémé ó mpʉ mʉ̂r dína apǎ bi pîm ɨ́ búʼó nyá. Mě sá nó ó, me dúlaa bê. Me lɨ́ esáa énwɨɨla e mimbi mi bʉ̂r mímyɛ̂h lɨ́ esú lé étiʼ bʉ́ʉ́ bʉ̂r.

Rôm 10:1

Bɨ́ɔɔ́ bâm! Okɛ́l bâm! Lémé wâm, wé lɨ́ ekʉ́ gwɨ̂m; me ntémé, me lɨ́ ejɨʼla e Nzyɛ̌m lɨ́ esú ó, oYúden ntáa bǐ twǐʼ njʉ̌m dǐ.

Rôm 3:3

Nó ó, mɨná bé ólɛ́ɛ gá yé, dumo e bʉr o b'á be adyɛ̂ʼwo e Nzyɛ̌m bá? Nzê elele e míléme lɔ́ɔ́, lé e nkul ekamlě Nzyɛ̌m lɨ́ edira ménkɛ̌ʼ mé ɛ́?

Yʉanes 8:54

Yésʉs, nye e bé ó: «Mé sí gúmlo mɛ̂m mʉr tɨ̂ʼ nɛ́ɛ: kûm nyǎm nyaá, nyé abe e nyɔm. Mʉr dí edwe mé kûm nyá, nye ó Sɔ́ŋ wǎm. Nye ó waá bɨ́n dí elɛ́ɛ ó, nye ó Nzyɛ̌m wɨ́n nyá.

Yʉanes 5:41

«Mé abe lɨ́ esáa kûm dí eduho e bʉr nyɨ́.

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Rôm 12:21

Mʉ̌r sá abîr ó, ebébe, lé ntáŋaa nye ɨ́ nkul. Nyɨɛ ntáŋaa lé ɨ́ nkul lɨ́ esâ bísyɛ́ɛla bi dí ɨ́ mbɨa bí.

Rôm 10:21

Ɨ́ nkǒ páʼ bʉ̂r o b'Ɨ́zraɛ̂l bɨ́ɛ, Nzyɛ̌m lwib, dumo e bé ó: Mɨ́ syɛ̂m mébó mâm móhó ntinɨ̂, lɨ́ ejébe bʉ̂r bâm. Bɨ́ɛ njɨ lɨ́ esâ mé ebɨ̌h. Sá yɨ́yɛ̂h mé lɛ́ɛ́ bé yɨ́, bɨ́ɛ kʉ́ jaá pɨpɨ̌r pɨrɨ́ɨ.

Lʉkas 19:10

Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Lʉkas 13:34

«Yerʉ́zalɛm, Yerʉ́zalɛm, gua mʉr dí ejʉ̂ ógwíha o mílɔ̌b le elúmo baá Nzyɛ̌m dí elómlo gó bá mekóʼ nyá! Nzɔʼ ntíá mé á be lɨ́ egwɨ̂m ésyɛŋ bwán bô mpʉ ábyɛɛ́-kúo dí esyɛŋ bwán bé sí mempabaá mé yɨ́, bɨ̌n bɨbené benáa.

Yʉanes 5:32

Sâ gwár, yé e nyʉ́ʉ́ mʉ̂r dí eboʼlǒ lɔ̌b wâm nyá. Mɛm, me lɨ́ egʉ́a ó, mboʼlá nyé dí eboʼlo, dumo e me wɨ́, wé ó tyeetye.