Yʉanes 5:26 - Kálar Nzyɛ̌m : Ejwán é Sáá

²⁶ Ebě, jwɨʼ gwár mpʉ̌ Nzyɛ̌m Sɔ́ŋ dí e twǐʼ njʉ̌m dǐ ɨ́ nye mʉr tɨ̂ʼ yɨ́, nó ntémé ó nyé á sâ ó, Mwân díʼee e twiʼ yaá.

Kálara Zyɛ̌m Edwán é mpʉ̌n

²⁶ ebe, jwɨʼ gwar e gwar é mbi Zyɛm Sɔŋ ndɨ e tiʼ njʉmdia é nye mʉr tɨʼ tʉŋlʉ ɨ, no nteme ó nye a sa ó, Mwan mo Zyɛm diʼe e tiʼ yaa ɛ.

Yʉanes 5:26 ပူးပေါင်းရင်းမြစ်များ

Yʉanes 11:26

Ntémé, waá nyɨnyɛ̂h dí etiʼe ɨ́ nzɨ̌ nyǎm le edyɛ̂ʼwo e me nyá, nye ákóʼó dwe. Nye ódi ó, njʉ̌m dǐ e njʉ̌m dǐ. Nzê go lɨ́ ebúʼla nó ɛ̌?»

Yʉanes 1:4

Twiʼ, yé á be ó ɨ́ Lwǐb. Twiʼ yaá, yé ó b'á be njʉl wé á pan myɛ́n ɨ́ bʉr wɨ́.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Mɨngwiha 22:17

Nó ó Sísǐm mé Nzyɛ̌m, bé e mʉmá mé Mâ Nteme, bé lɨ́ elɛ́ɛ ó: «Ntáʼ!» Nó ntémé ó, mʉr dí ejóʼo nyá, nye lɛ́yɨɨ ntémé ó: «Ntáʼ!» Mʉr dí ejóʼǒ dwéh médíbé nyá, nye ntâʼ. Waá kpɛ́l nyá, nye dáalaa medíbé mé twiʼ, abwâm.

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

1 Korɛnt 15:45

Ebě, yê cɛmá: Mʉr esôʼ, Ádam, á be lɨ́ etiʼe. Ádam á suʼla ka nze nyá nyɨɛ, nye ó Sísǐm dí etiʼ bʉ̂r wɨ́.

Mɨngwiha 22:1

Nó ó, éngeles waá á si lɛ̂ʼle me díbé ɨ́ ntyɛ́h ntyɛ́h, mpʉ̌ lá. Yé ó dí e medíbé me dí etíʼ bʉ̂r má. Yé á duduho ó, ɨ́ mecwɨ́ɨ́ mé jwɨ́ɨ́ mé Nzyɛ̌m, bé e Mâ Nteme.

Mɨngwiha 21:6

Nye e me ó: «Yɨ́ síe! Me ó mʉr esôʼ ndu e waá epíhe. Me ntémé, me ó menyɛ̌l mé sá yɨ́yɛ̂h ti e meswéhlɨ́ mé tɨ̂. Mʉr dí ejóʼǒ dwéh médíbé nyá, mɛm ódwe nyé mǎ edwɛ́na. Medíbé maá, mé ó maá me dí egʉ̂, duho lɨ́ enó é twiʼ má.

1 Timotɛ 6:16

Njɨ nye omér ó dí abe e nkul edwe. Nyě dǐ ó, ɨ́ myɛ́n tʉ́ŋlʉ̌, mbǐ myɛ́n nyʉ́ʉ́ mʉ̂r dí abe e nkul ekúnwo e tɨ̂ʼ wɨ́. Mʉr ngwár, nyé apǎ bee nyê. Mʉr ntémé, nyé abe e nkul ebee nyê. Kûm, ndu e nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Mɨlʉmlʉ 17:25

Nye ntémé, nyé agwɨ̂m ó, bʉr séaa nye bisyɛ́ɛ́, nkʉ̂ dwe nyé sâ swîh, nkʉ̂ sâ kɛl, ebě, nyɨɛ ó dí edwe bʉ̂r bɨ́bɛ̂h twiʼ ndu e swɨ̂h, ndu e bisá bíbyɛ̂h.

Yʉanes 14:19

Yɨ́ lîʼ bá tîtííǎ: sí yɨ̂, yé ákǎ bee mê. Sâ gwár, bɨ̌n bɨɛ óbee mê. Ɨ́ mpʉ mé dí kublakúbla yɨ́, nó yé lɛ́ʼlé ntémé ó, bɨ̌n bé ótiʼe ó tɨ̂ʼ yɨ́.

Yʉanes 8:51

Mě lɛ́ɛ́ bɨ́n lɨ́ otyeetye ó, mʉr óbaʼlě lwǐb yâm nyá, nye ákǎ dwe.»

Yʉanes 4:10

Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»

Mɨngwiha 7:17

Ebě, Mâ Nteme dí témé mecwɨ́ɨ́ mé jwɨ́ɨ nyá ó dí mbɔʼlʉ wɔ́ɔ́. Nye ótô e bé, tó pyâl lɨ́ enó e dí tɨ̂ʼ lɨ́, gúmó médíbé mé twiʼ dí eduho yɨ́. Nzyɛ̌m ótin bé myɛ́ɛlé mɨ́mɛ̂h ɨ́ mîh.»

Yʉanes 6:57

Sɔ́ŋ wǎm, mʉr á ntɨh me nyá ó dí enó é twiʼ. Mě tiʼe ó ɨ́ nye. Jwɨʼ gwár e gwár yaá, mʉr óde mé nyá, ótiʼe ó ɨ́ me.

Yʉanes 10:18

Mʉr ákóʼó nʉa mé twiʼ. Mɛm mʉr tɨ̂ʼ ó dí edwě twiʼ yâm lɨ́ edû gwɨ́má yâm. Mě e nkul edwe yê. Me ntémé, mě e nkul ebáʼǎ nʉa yé edwán. Yé ó sá Sɔ́ŋ wǎm á dwe me nkul jwɨ́ɨ ó, me sâʼ yɨ́.»

Yʉanes 11:25

Yésʉs, nye e né ó: «Me ó waá dí epɛh bʉ̂r, dwe bé twiʼ nyá. Mʉr dí edyɛ̂ʼwo e me nyá, óbáʼǎ tiʼe, damá be ó, nyɨ́ dwe.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.