Yʉanes 5:23 - Kálar Nzyɛ̌m : Ejwán é Sáá

²³ ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.

Kálara Zyɛ̌m Edwán é mpʉ̌n

²³ ó bʉr bɨbɛh, bé dwiibɨ Mwan mo Zyɛm jwɨʼ gwar e gwar é mbi bé lé edwiibɨ Zyɛm Sɔŋ ɨ. Mʉr ndɨ adwiibɨ Mwan mo Zyɛm ɨ, nye adwiibɨ nteme Zyɛm Sɔŋ, mʉr a ntɨh nye e.

Yʉanes 5:23 ပူးပေါင်းရင်းမြစ်များ

1 Yʉanes 2:23

Mʉr dí ekɛ́la ó, Yésʉs, nyé abe Mwân mé Nzyɛ̌m nyá, nyé agúmo e Nzyɛ̌m Sɔ́ŋ. Tó kœb ó, waá dí elɛ́ɛ ó, Yésʉs, nye ó Mwân mé Nzyɛ̌m nyá, Nzyɛ̌m Sɔ́ŋ le Nzyɛ̌m Mwân, bé ó ɨ́ nkɔ̌m nyé.

Lʉkas 10:16

Nye nzě lɛ́ɛ le ompʉ́n bé ó: «Waá sá bɨ́n mejóʼo nyá, nyɨ́ jóʼo mê. Waá ntémé béné bɨ́n nyá, nyɨ́ bene ntémé me. Ntémé, waá béné mé nyá, nyɨ́ bene mʉ̂r á ntɨh me nyá.»

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

Mataos 11:27

Sɔ́ŋ wǎm á si dwe me bisá bíbyɛ̂h. Abe e mʉr dí egwá gʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egwá gʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.

Ebrœ̂ 1:6

Jɔ̌ʼ Nzyɛ̌m á tyêl nye ɨ́ dǐ dí ɨ́ buú bwaʼ dúu yɨ́, nye á nze lɛ̂ʼle beéngeles bɨ́bɛ̂h nyǎ. Nye á lɛ́ɛ ó: Beéngeles bɨ́bɛ̂h ɛ̌! Bɨʼɨɨ gá nye mebóó sí lɨ́ edwe nyé kûm.

Éfɛsɔs 6:24

Nzyɛ̌m sʉ́ʼoo bʉr bɨ́bɛ̂h o dí ekpɛl Tî gá wɨ́ná Yésʉs-Krîst, kpɛ̌l ápurapúra bá metyɛʼ me mpóm.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

Rôm 8:9

Bɨ̌n bɨɛ, bé abe tʉ́ŋlʉ̌ bʉr o dí edû njwɨr myâ gá wɨ́ná bá. Bɨ̌n bɨɛ dú ó, Sísǐm mé Nzyɛ̌m, ebě, Sísǐm waá, wé ó, ɨ́ bɨ̌n. Mʉ̂r óbe, abe e Sísǐm mé Krîst waá ɨ́ nyʉ̂l nyé nó, go ó, mʉr waá, nyé abe mʉ̂r mé Krîst ó tɨ̂ʼ yɨ́.

1 Korɛnt 10:31

Nó ó, bɨ̌n damá de méde nkʉ̂ de ményoʼ, nkʉ̂ bɨ̌n damá sâ yʉ́ʉ́ sɔ̂ʼ: sáʼ gá syɛ́ɛla yaá yɨ́yɛ̂h lɨ́ esú lé édwě Nzyɛ̌m kûm tɨ̂!

Rôm 6:22

Ɨ́ báánâ, Nzyɛ̌m, nyɨ́ táǎ góo, le edwih bɨ́n ɨ́ nkul mé Syóm. Bɨ̌n mû ó osyɛ̂l o mésá bé! Mpumó mû lɨ́ egúmo ɨ́ bicwiʼ bín nyɨ́, nye ó kʉ̌ tyen dí ejala e Nzyɛ̌m wɨ́. Ndumló tɨ̂, wé ó twǐʼ njʉ̌m dǐ.

Yʉanes 16:14

Nye ódwe mé kûm, ebě, nye ónʉa ótyeetye dí eduho e me wɨ́, ntɔ̂ʼ lɛ́ɛ bɨ́n wǎ.

1 Korɛnt 6:19

Nó ó, nzê bɨ̌n bé agʉ́a ó, menyʉ́l mɨ́n, mé ó mpáh mé Sísǐm mé Nzyɛ̌m ɛ̌? Sísǐm dí ɨ́ bɨ̌n wɨ́, wé ó waá Nzyɛ̌m á ntɨh bɨ̌n wɨ́. Bɨ̌n bé agúmo e bɨ̌n bʉr o tɨ̂,

Mataos 12:21

Milémé mí bʉ̂r o dí abe óYúden bá, myé ólóno ɨ́ mpûʼla ó, ɨ́ lɔ̌b nkûl díé lé.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

2 Korɛnt 13:14

Ncwɨ́ncwɨ́a mé Tî Yésʉs-Krîst, le kpɛ̌l mé Nzyɛ̌m Sɔ́ŋ ti e mpúhlá mé Sísǐm mé Nzyɛ̌m, byé díʼee e bɨ̌n óbɛ̂h.

2 Korɛnt 5:19

Ebě, Nzyɛ̌m á sâ saá mû lɨ́ edira bʉ̂r ó sí bɨ́bɛ̂h e né nyɨ́ ó, ɨ́ nzɨ̌ mé Krîst. Nye á bé aláǎ bím bíbaa bí ébébe nyé á niʼe bé bí. Nye nzě tyêl bɨ́h bɨɛ ɨ́ syɛ́ɛ́ ó, bɨ̌h túnaa bʉr lɔ́ɔ tɨ̂, ó bé nkʉ̂ bâʼra e mʉr bé e boo nɔ́ɔ́ mû ɨ́ saá nyaá nyá.

2 Korɛnt 1:9

Bɨ̌h bé á bee ó, go ó, bɨ̌h á ka dweŋɔɔ ó, mebě me jálá le eswie má. Yé á syɛ́ɛlɨ nó ó, bɨ̌h gwáʼaa ekǎ dyɛ̂ʼwo e bɨ̌h bʉr o tɨ̂ʼ lɨ́ esú ó, bɨ̌h dyɛ̂ʼwaa e Nzyɛ̌m, mʉr dí epɛh ódwe nyá.

1 Korɛnt 1:3

Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Yʉanes 14:1

Yésʉs, nye e bé ó: «Bisɨ́ǎ bî, byé ayɨ́ tɨ̂l bɨ́n mekʉ̌ sí. Dyɛ́ʼwáá gá e Nzyɛ̌m. Dyɛ́ʼwáá gá ntémé e me.

Mataos 10:37

«Waá dí ekpɛl sɔ́ŋ, nkʉ̂ nyɔ̌ŋ, laǎ bím nyé kpɛ́l mé yɨ́ nyá, nye ɨ́ dwɛ̂hwa, ajala e me. Waá kpɛ́l loʼo yé, nkʉ̂ sile wé, laǎ bím nyé kpɛ́l mé yɨ́ nyá, nye ɨ́ dwɛ̂hwa. Nyé ajala e me.

2 Korɛnt 5:14

Sá dí etíne bɨ́h, ó bɨ̌h túnaa Mbɨambɨa Lɔ́ɔ́ mé Nzyɛ̌m yɨ́, yé ó kpɛ̌l Krîst á gbâ bɨ̌h ɨ́ miléme yɨ́. Mbeá wɨ́h, wé ó, mpʉ mʉ̂r ngwár á dwe lɨ́ ebúra e bʉr bɨ́bɛ̂h yɨ́, yé lɛ́ʼlé mɨ́ná gá ó, bʉr bɨ́bɛ̂h, bé á si dwe.

1 Korɛnt 16:22

Mʉ̂r bé akpɛl Tî Yésʉs nó, Nzyɛ̌m sʉ́ʼoo nye meswomlʉ. Maranáta: Dâ ɛ̌, ntáʼ!

Rôm 15:12

Ngwíha milɔ̌b Ésayie á lɛ́ɛ ntémé ó: Nyʉ́ʉ́ mʉ̂r óbyɛ̂l ɨ́ mpóʼo mé Yesê mpʉ̌ ntoʼdu pɨ́páh ɨ́ kǔm lɨ́ yé á twɛlɔɔ yɨ́. Nye ónzě di njwɨ́ɨ ɨ́ páʼ bʉ̂r o dí abe óYúden bá. Milémé myɔ́ɔ́, myé ólóno ɨ́ mpûʼla ó, ebě, bé lɨ́ ebóno nyê.

Rôm 1:7

Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Yʉanes 17:10

Sá yɨ́yɛ̂h mé dí e yé yɨ́, yé ó yô. Yaá yɨ́yɛ̂h gó dí e yé yɨ́, yé ó yâm. Mě e kûm, duho e bʉr bâm baá.

Mataos 28:19

Nó ó, tóʼ gá ɨ́ sí yɨ́yɛ̂h. Bɨ̌n a sá bíkúl bíbyɛ̂h ompʉ́n bâm. Bɨ̌n bé odu bé ɨ́ díé é Sɔ́ŋ, le Mwân le Sísǐm mé Nzyɛ̌m.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Mataos 15:8

“Nzyɛ̌m lɛ́ɛ́ ó: Kúl yɨ̂, yé jaá dwé mé kûm ó, njɨ ɨ́ bikonó bí nǔm kʉ̌l. Tó kœb ó, milémé myɔ́ɔ́, myé ɨ́ buú cɛra e me.