Yʉanes 5:19 - Kálar Nzyɛ̌m : Ejwán é Sáá

¹⁹ Yésʉs nzě báʼǎ nʉǎ lwǐb. Nye ó: «Mě lɛ́ɛ́ bɨ́n lɨ́ otyeetye ó, Mwân mé Nzyɛ̌m, nyé abe lɨ́ esâ yʉ́ʉ́ sɔ̂ʼ e nkul nyé mʉr tɨ̂. Nyě jaá sâ ó, njɨ syɛ́ɛla nyé dí ebee Sɔ́ŋ wé lɨ́ esâ yɨ́, ebě, syɛ́ɛla yɨ́yɛ̂h Sɔ́ŋ dí esâ yɨ́, yé ntémé ó Mwân wé dí esâ yɨ́.

Kálara Zyɛ̌m Edwán é mpʉ̌n

¹⁹ Ebe no ó Yesʉs a bâʼle nʉa lwib, lɛɛ e be ó: «Me elɛɛ bɨn cyecye ó nɛɛ: Mwan mo Zyɛm, nye abe lé esa yʉʉ sɔʼɔ e nkul we nye mʉr tɨ. Nye esa ó, njɨ syɛɛla nye lé ebɛa bee Sɔŋ we lé esa ɛ, ebe, syɛɛla yiyɛh Zyɛm Sɔŋ lé esa ɛ, yé nteme ó Mwan mo Zyɛm lé esa ɛ,

Yʉanes 5:19 ပူးပေါင်းရင်းမြစ်များ

Yʉanes 12:49

Ebě, me á bé alwib yʉ́ʉ́ sɔ̂ʼ e mɛm mʉr tɨ̂. Sɔ́ŋ wǎm, mʉr á ntɨh me nyá ó b'á lɛ́ɛ me sá mé jálá le elɛ́ɛ bɨ́n yɨ́.

Yʉanes 8:28

Yésʉs nzě lɛ́ɛ e bé ó: «Jɔʼ bɨ́n ngá bɨ̂n Mwân mé Mʉr kʉ́ yɨ́, ɨ́ jɔʼ yaá ó bɨ́n ngá gʉ́a ó, mɛm ó dí Me-ó-tɨ̂. Bɨ̌n bé ogʉ́a ó, mé abe lɨ́ esâ yʉ́ʉ́ sɔ̂ʼ ɨ́ mɛm mʉr tɨ̂. Mě jaá lwilwib ó, njɨ sá Sɔ́ŋ wǎm á lɛ̂ʼle me yɨ́.

Yʉanes 14:10

Nó ó, gó abûʼla ó, me ó ɨ́ mpúhlá e Sɔ́ŋ wǎm, Sɔ́ŋ wǎm ɨ́ mpúhlá e me? Lwǐb mé dí elwib e bɨ̌n óbɛ̂h yɨ́, yé aduho kwá nyǎm. Sɔ́ŋ wǎm, mʉr bɨ́h e nɔ́ɔ́ dí edi nyá, ó dí elóŋlo bísyɛ́ɛla byé.

Yʉanes 10:18

Mʉr ákóʼó nʉa mé twiʼ. Mɛm mʉr tɨ̂ʼ ó dí edwě twiʼ yâm lɨ́ edû gwɨ́má yâm. Mě e nkul edwe yê. Me ntémé, mě e nkul ebáʼǎ nʉa yé edwán. Yé ó sá Sɔ́ŋ wǎm á dwe me nkul jwɨ́ɨ ó, me sâʼ yɨ́.»

Rôm 8:11

Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Yʉanes 9:4

Mɨná sâʼ gá syɛ́ɛla me Mʉ̂r á ntɨh me nyá, yé dína móhó, ebě, pum, wé mû ó lɨ́ enzě dwíne, mʉr akǎ be e nkul eséa.

Lʉkas 21:15

Ebě, mɛm mʉr tɨ̂, me óboó dwe bɨ́n mekǎn le ocwóó, mbi dí ó, ontɨ̂m le obɨn bɨ́n, bé óbe, abe e nkul ekǎ yala, nkʉ̂ sóŋlo yɨ́.

Yʉanes 5:21

Ebě, jwɨʼ gwár mpʉ Sɔ́ŋ dí epɛh ódwe, báʼǎ dwe bé twiʼ yɨ́, nó ntémé ó Mwân ódwe baá nyé kpɛ̂l bá twiʼ.

2 Korɛnt 5:10

Ebě, yê mɨná gá bɨ́bɛ̂h bi ó, mɨná pyálaa gá ɨ́ mpǒm mé Krîst lɨ́ esú é tíʼá mílɔ̌b gá wɨ́ná. Mʉr nyɨnyɛ̂h óbi myɛ́na ó, dû mpʉ bísyɛ́ɛla byé, byé á be ɨ́ jɔʼ nyé á be ɨ́ twiʼ yɨ́: nkʉ̂ byé á be ó, ɨ́ mbɨa, nkʉ̂ ó, byé á be ó, ɨ́ bébe.

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Kolosi 1:16

Ebě, Nzyɛ̌m á komlo sá yɨ́yɛ̂h ó, ɨ́ nzɨ̌ nyé. Damá jóʼo bísâ bi dí ɨ́ jʉ́o le ejwoo bí, damá be byaá bi dí ɨ́ sí yɨ̂ʼ bí, bisá bi dí enyɨ̂n, ndu e byaá bi dí anyɨ̂n bí, misísǐm mí édúrʉ́ʉ́ mi dí ɨ́ mɔ́ɔ́ mécwɨ́ɨ́ mí, le myaá mi dí e menkul ménɨ́nɨ́ɨ́ mí, le myaá mi dí milʉ̂ mí, le myaá mi dí e nkul jwɨ́ɨ mí. Sâ yɨ́yɛ̂h, yé á komlɔɔ ó, ɨ́ nzɨ̌ nyé. Bíbyɛ̂h, byé á jaa komlɔɔ ó, njɨ lɨ́ ebeʼ kûm nyé.

Filipi 4:13

Mě e nkul esâ bísá bíbyɛ̂h nó ɨ́ nzɨ̌ mé Krîst, mʉr dí edwe mé nkul nyaá nyá.

Filipi 3:21

Nye ódwir bísá ményʉ́l gá mɨ́ná mâ. Menyʉ́l gá mɨ́ná, mé ókǎ nwɨɨla e nyʉ̂l nyé, dí e kûm nyɨ́. Nyě e nkul egbâ bísá bíbyɛ̂h ɨ́ jwɨ́ɨ́ yé. Nó ntémé ó nyé dí e nkul edwe mɨ́ná gá menyʉ̂l maá yɨ́.

Éfɛsɔs 3:16

Mě jɨʼlá e né ó, nye gbâʼ bɨ̌n nkul ɨ́ milémé mín tʉ́ŋlʉ̌ e nzɨ̌ Sísǐm wé lɨ́ esú ó, bɨ̌n díʼee e nkul nyaá ɨ́ miléme lwɨ́ŋlá, lɨ́ edû mpwâʼ kûm nyé.

Éfɛsɔs 2:5

Mɨná bé á si gbah gá metié mé Nzyɛ̌m, ntɔ̂ʼ dwe lɨ́ ejala e syóm waá. Damá jóʼo nó, nye á si bana tiʼ mɨná gá ɨ́ lɔ̌b mpúhlá gá nyɨ́ná e Krîst. (Bɨ̌n bé á bi twiʼ ó e nzɨ̌ ncwɨ́ncwɨ́ǎ Nzyɛ̌m á lɛ̂ʼle bɨ̌n nyɨ́.)

2 Korɛnt 4:14

Ebě, bɨ̌h bé lɨ́ ekʉ́ gʉ́a ó, waá á pɛh Tî Yésʉs, dwih nyé lɨ́ odwe nyá, nye ntémé ópɛh mɨ́ná gá le onɔ́ɔ́. Nyé otyêl mɨ́ná gá ɨ́ míh mé, ɨ́ gúmó Yésʉs dí yɨ́.

1 Korɛnt 15:12

Yé bé yê tyeetye ó, Krîst á si pah, duho lɨ́ odwe nó, á bʉ́ʉ́ bʉ̂r ɨ́ sɔ́má yɨ́n, bé báná kʉ́ lɛ́ɛ ó, odwe, bé ákóʼó pah ɨ́ soo nyá?

Rôm 6:4

Mɨná gá e Krîst, bé á si dwe, dɨlɔɔ ɨ́ ndubó waá sɔ́má, lɨ́ esú ó, mɨná páhaa gá e nkul mé Nzyɛ̌m Sɔ́ŋ dí e kûm nyá. Mpʉ nyɨ́ɛ á pah lɨ́ odwe yɨ́, yé jala ó, mɨná nʉ́aa gá kʉ̌ tyen dwân píe ndubó.

Mɨlʉmlʉ 2:24

Nzyɛ̌m nzě pɛh nyê, pɛʼ nyé ɨ́ mekpaa mé éswie, ebě, eswie, lé á bé agwá mɛ̂r nyé kɔ́m kɔm.

Yʉanes 2:19

Nó ó Yésʉs á nze yala e bé ó: «Búʼáá gá mpáh Nzyɛ̌m nyɨ̂. Me óbáʼǎ sumo nyé njɨ ɨ́ melú mélɛ̂l.»

1 Tesalonika 4:14

Ɨ́ mpʉ mɨ́ná dí ebúʼla gá ó, Yésʉs á si dwe, báʼǎ pah yɨ́, nó ó mɨ́ná dí ebúʼla gá ntémé ó, Nzyɛ̌m ópɛh ódwe ɨ́ nzɨ̌ mé Yésʉs, ntɔ̂ʼ dâʼre bé e boo Yésʉs jwɨʼ gwár yɨ́.

Kolosi 1:11

Bɨ̌h jɨjɨʼlá e né ntémé ó, nye tyɛ́bɨɨ bɨ̌n ɨ́ miléme, ó bɨ̌n séaa bisyɛ́ɛ́ bí nkûl mimbi mímyɛ̂h e nkul ɨ́ buo buo nyé dí e né nyɨ́. Bɨ̌n sɨ̂sea nó ó e bíhwó, le esia e mitúú, ti e bisʉhʉʉ.

Mataos 26:39

Nye nzě bá tô dóló, ntɔ̂ʼ kúrwo sí, píʼe mpóm ɨ́ bibwǎh, nzě jɨʼla e Nzyɛ̌m. Nye e né ó: «Dâ ɛ̌, yé óbána nó, sáʼ ó me l'ayɨ́ bɔma e mitúú mî. Sâ gwár, yé díʼee, abě mpʉ mé dí ekpɛl yɨ́, njɨ mpʉ gó dí ekpɛl yɨ́.»

Yʉanes 6:38

Ebě, me á bé aduho ɨ́ jʉ́o kʉ́, lɨ́ enzě sâ gwɨ́má yâm, njɨ gwɨ́má mʉ̂r á ntɨh me nyá.

Yʉanes 12:50

Ebě, me lɨ́ egʉ́a ó, metié nyé dí etyêl má, mé ó dí edwě twǐʼ njʉ̌m dǐ. Nó ó, sá mé dí elɛ́ɛ yɨ́, mě lɛ́ɛ́ yé ó, lɨ́ edû mpʉ Sɔ́ŋ wǎm á lɛ́ɛ me yǎ yɨ́.»