Yʉanes 5:10 - Kálar Nzyɛ̌m : Ejwán é Sáá

¹⁰ oYúden ntɔ̂ʼ lɛ́ɛ e mʉr á tiʼɔɔ nyá ó: «Mûh, yé ó móhó sábat. Nó ó metié gá mɨ́ná, mé akam ó, go nkɛ́yɨɨ kala yô.»

Kálara Zyɛ̌m Edwán é mpʉ̌n

¹⁰ Ebe no ó oYʉden, bé a lɛɛ e mʉr a tiʼɔ ó: «Muh, yé ó moho saba. No ó motie ga mɨna, mé amɛʼle ó, go nkɛŋɨ tɔɔ go.»

Yʉanes 5:10 ပူးပေါင်းရင်းမြစ်များ

Yʉanes 9:16

Bâʼ óFarizyɛ̂n, bé ó: «Mʉr sá mbǐ syɛ́ɛla wɨ̂ʼ nyá, nyé abe e nkul eduho kwá mé Nzyɛ̌m, ebě, nyé adû mémpéné mé móhó sábat.» Bʉ́ʉ́, bé ó: «Nyá? Syɛ̂l misyóm, nyé abe e nkul esâ mbi ésimá wɨ̂.» Bʉr ntɔ̂ʼ bɔ́ʼa ménkɔb mebá.

Lʉkas 6:2

Nó bʉ́ʉ́ óFarizyɛ̂n, bé á nze dî e bé ó: «Bɨ̌n bé lɨ́ esâ sá dí ajala le esyɛ́ɛ ɨ́ móhó sábat ɨ́ yé?»

Lʉkas 13:14

Njwɨ́ɨ mpáh minjɨʼla ntɔ̂ʼ jóʼo ébébe é léme, duho ɨ́ syɛ́ɛla mé Yésʉs, ebě, nye á si tiʼ mʉr ɨ́ móhó sábat. Njwɨ́ɨ mpáh minjɨʼla waá ntɔ̂ʼ lɛ́ɛ le entumo e bʉ̂r ó: «Ɨ́ sóno nyɨnyɛ̂h, yé e móhó ngwár dí móhó sábat wɨ́. Mimóhó mísaman, myê mɨná gá e nyɔm ó, lɨ́ esú ó, mɨná séaa gâ bisyɛ́ɛ́. Ntaá nzě joma gá ɨ́ mimóhó myaá, abe yɨ́ɛ móhó sábat.»

Markus 3:4

Nye ntɔ̂ʼ dî e bé ó: «Le embɨa, le ebébe, etié gá lɨ́ná, lé kam ó, mʉr sâʼ yé ɨ́ móhó sábat? Le etiʼ mʉ̂r, le ejʉ̂ mʉ̂r: lé kam yé?» Bɨ́bɛ̂h ɨ́ gubʉ́.

Markus 2:24

Bʉ́ʉ́ óFarizyɛ̂n ntɔ̂ʼ bee, bê nzě dî e Yésʉs ó: «Paá bee: ompʉ́n bô, bé lɨ́ esâ ɨ́ móhó sábat syɛ́ɛlǎ Moyɨ̂z á kamle yɨ́ ɨ́ yé?»

Yʉanes 5:16

Nó óYúden bé á to le etíblě syɛ́ɛ́ mé Yésʉs yɨ́, ebě, nye á si sâ mbǐ syɛ́ɛla waá ɨ́ móhó sábat.

Yʉanes 7:23

Bɨ̌n pǎ nyɛɛ́ tíʼe mʉ̂r mpʉ́n ɨ́ móhó sábat, agbah étié mé Moyɨ̂z, á dwɛʼra e mɛm, mʉr á tiʼ mʉr ntinɨ̂ ɨ́ móhó waá nyá! Nzê mɛm ó b'á gbah lé ɛ̌? Bɨ̌n kpaa ébúʼ e me ɨ́ yé?

Lʉkas 23:56

Mpʉ bé á sil ebee yɨ́, bê nzě swîʼ, tóŋɔɔ̌ nkana, tó komlɔɔ múló mé élɔma ndu e lɔbína. Mpʉ̌ móhó sábat á pyâl yɨ́, bê nzě dǐ gúmo gwár, atɨ́la, mpʉ étié lɔ́ɔ́, lé á lɨlɛ́ɛ yɨ́.

Mataos 12:10

Tɨ̂ʼ ó nyé á bee nyʉ́ʉ́ mʉ̂r á be e mbô ɨ́ swâm swâm nyá. Nó bʉr o b'á be tɨ̂ʼ bá, bé á be ó lɨ́ esáǎ sá épur nyé e tɨ̂, bé nkʉ̂ dwe nyé mebě. Sâ yaá ó bé á dî e né ó: «Nzê metié gá mɨ́ná, mé kam ó, mʉr óbɛ̌m sáŋɔɔ dʉ̂m ɨ́ móhó sábat ɛ̌?»

Yʉanes 1:19

Yʉánɛs á si yala le opara, le oLevît ɨ́ jɔʼ óYúden ó Yerʉ́zalɛm, bé á lómo bé kwá nyé ó, bé tô dî e né ó: «Gua, go nzé ɛ́?»

Yʉanes 5:11

Nye ó: «Mʉr tiʼ mé nyá, nye ô lɛ́ɛ́ mé ó: “Nkɛ́yɨ́ɨ́ kala yô. Bʉŋláa.”»

Yʉanes 5:15

Mʉ̌r nɨ̌ nzě laa, tó lɛ́ɛ óYúden ó, nkúná mʉr á tiʼ nye nyá, á be ó Yésʉs.