Yʉanes 4:6 - Kálar Nzyɛ̌m : Ejwán é Sáá

⁶ Edɛɛ́ mé Yákɔb, lé á be ó tɨ̂. Yésʉs nzě tó di ɨ́ nkpâh edɛɛ́, nyé osí tyɛʼ ɨ́ tyen. Yé á be ó kúnókúno e témé móhó.

Kálara Zyɛ̌m Edwán é mpʉ̌n

⁶ Edɛɛ e modibe mo Yakɔb, lé a be ó tɨ. Yesʉs ze di si nkpah edɛɛ, ebe, nye a be ó si cyɛʼ é cyen. Yé a be ó, yé mu lé eto saa teme moho.

Yʉanes 4:6 ပူးပေါင်းရင်းမြစ်များ

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Ebrœ̂ 2:17

Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.

Mataos 8:24

Abea nɛ́ɛ: nkúo nzě kwoolo ɨ́ mâŋ ɨ́ buo buo. Obóʼó ó mâŋ, wê nzě bére, byɛ̂l akǎ nyɨ̂n. Náǎ yé ó, Yésʉs ɨ́ jô.

Mataos 27:45

Jɔ̌ʼ témé móhó, yé á pyâl yɨ́, edúrʉ́ʉ́ ntɔ̂ʼ sula ɨ́ sí yɨ́yɛ̂h, tó pyâl ɨ́ mewala melɛ̂l mé bíí kʉ̌ʼ.

Mataos 4:2

Nye nzě di gʉ̂ʼ melû mekám ménâ, abe e mede. Píe jɔʼ yaá ó nzâ nzě mɛ̂r nyê.

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Yʉanes 11:9

Yésʉs, nye e bé ó: «Nzê móhó, wé abe e mewala kám e mebá ɛ́? Mʉ̂r tyé ɨ́ móhó nó, nyé abe e nkul ebɨm ébɔ̌ʼ, ebě, nye lɨ́ egwá beě njʉ̌l sí yɨ̂.

Lʉkas 9:58

Yésʉs ntɔ̂ʼ yala e né ó: «Ompɔ̌ʼ, bé ó e mekul. Binʉ̌n, byé e mɔʼ. Sâ gwár, Mwân mé Mʉr, nyé abe e gúmó nyé kɛ́lɨɨ lʉ̂.»

Lʉkas 2:7

Nye ntɔ̂ʼ byâ mâ mʉrʉ̂m, mwân medwéʼe wé. Nye nzě díble nyé ɨ́ kán, dyêʼ nyé ɨ́ gúmó bítab byé á dɨde mede mɔ́ɔ́ yɨ́, ebě, yé á bé akǎ be e já ɨ́ mbɛ̌r ójwóo.

Yʉanes 4:5

Nye ntɔ̂ʼ tó pyâl bǎʼ e yʉ́ʉ́ nkanǎ sí Samarî bé dí ejébě “Sukâr” yɨ́. Nye á be ó bǎʼ e pemé Yákɔb á dwe mwân wé, Yóseb yɨ́.

Yʉanes 4:7

Nyʉ́ʉ́ mʉ́má Samarî nzě tó daa médíbé. Yésʉs, nye e né ó: «Dwéʼ mé medíbé. Me óde.»

Yʉanes 4:12

Mpám yɨ́ná Yákɔb ó b'á líʼe bɨ̌h bɨɛ edɛɛ́ lɨ̂. Nye mʉr tɨ̂ʼ á be ó si de médíbé tɨ̂. Bwán bé le otír bé, sí de. Nó ó, gǒ bûʼlá ó, go ó láá Yákɔb ɨ́?»