Yʉanes 4:48 - Kálar Nzyɛ̌m : Ejwán é Sáá

⁴⁸ Yésʉs, nye e né ó: «Bɨ̌n bé óbɨbe ɨ́ jɔʼ yɨ́yɛ̂h ó, alɨ̌ dyɛ̂ʼwo e mé ɨ́ jɔʼ bɨ́n dína apǎ bee lʉ́ʉ́ ésimá, nkʉ̂ byúú bísá bí ékâm yɨ́.»

Kálara Zyɛ̌m Edwán é mpʉ̌n

⁴⁸ Ebe no ó Yesʉs a lɛɛ e nye ó: «Bɨn bé óbe é jɔʼ yiyɛh ó, ajyɛʼ taa buʼo yin boo me cye yiyɛh bɨn l'apa bee bɨdweʼle bɨ nkul wam ndwe e bɨsa bɨ jehe e.»

Yʉanes 4:48 ပူးပေါင်းရင်းမြစ်များ

Yʉanes 20:29

Yésʉs, nye e né ó: «Nzê gǒ bûʼlá ó, ebě, gʉ́ bee mé ɛ̌? Metyɛʼ me mpóm, mé buú buo ó e bʉr o ngá dyêʼ koo e me, bɨ́ɛ yɨ́ɛ apǎ bee mé bá.»

Ebrœ̂ 2:4

Nzyɛ̌m, nyɨ́ nzě boʼlo ntémé ó, lɔ́ɔ waá, wé ó tyeetye, ebě, nye á si ntɨh bisyɛ́ɛla bi nkûl, le byaá bí ékâm, le mesimá mimbi mimbi, kumǒ kumáa e mindwéá Sísǐm wé dí entɨntɨh mɨ́ná gá mí, dû mpʉ wé dí ekpɛl yɨ́.

1 Korɛnt 1:22

OYúden bɨ́ɛ, bé dí ó mesimá, ó bé kámaa lɔ́ɔ́ gá wɨ́ná. Bʉr o bíkúl biswîh bɨ́ɛ sáá ó ocwóó, ó bé kámaa wê.

Mɨlʉmlʉ 2:22

«Bʉr o b'Ɨ́zraɛ̂l, jóʼlááá gá sá mé dí elɛ́ɛ bɨ́n yɨ̂: Yésʉs, mʉr Nazarɛ̂t, á si sâ mesimá me nkûl ti e bisá bí ékâm. Nzyɛ̌m á sâ bisyɛ́ɛla byaá ɨ́ mebó mé nó ó, nye nkʉ̂ lɛ̂ʼle bɨ́n mbi mʉ̂r Yésʉs á be wɨ́. Byé á sáŋɔɔ ó, bɨ̌n bɨɛ lɨ́ ebee, mpʉ bɨ́n bʉr o tɨ̂ʼ dí ekʉ́ gʉ́a yɨ́.

Yʉanes 12:37

Damá be ó Yésʉs á si bu sâ mesimá ɨ́ míh mɔ́ɔ́, oYúden, bé á bé adyɛ̂ʼwo e né.

2 Korɛnt 12:12

Bijwɨʼ bi dí elɛ̂ʼle ó, me ó mʉr milʉ́mlʉ́ mé Yésʉs bí, me á si kʉ lɛ̂ʼle bɨ̌n byǎ ɨ́ ponó. Me á si séa e bíhwó, e nzɨ̌ mesimá, e bisá bí ékâm ti e bisyɛ́ɛla bi nkûl nɨ́nɨ́ɨ́.

Rôm 15:19

Me á sɨséa ntémé ó e mesimá, le bisá bí ékâm, ti e bisyɛ́ɛla bi nkûl Sísǐm mé Nzyɛ̌m wé á sâ bí. Me á nze túno Mbɨambɨa Lɔ́ɔ dí edumo e Yésʉs-Krîst wɨ́ ó, bigúmó bíbyɛ̂h, táare ɨ́ Yerʉ́zalɛm, tó kumǒ Ilirikɔ̂m.

Mɨlʉmlʉ 14:3

Pɔ̂l, bé e Banabâs, bé á si bu bea ɨ́ Ikóniʉm, lɨ́ ekʉ́ gwá lwib ɨ́ kpɛŋlɛm, abáawo mʉ̂r, e nkul mé Tî Yésʉs. Mpʉ bʉ̂r, bé á be lɨ́ ejóʼǒ lɔ́ɔ́ mé Yésʉs nyé á ntɨh ɨ́ mpam nyé yɨ́, nó ntémé ó bé á bee mesimá nyé á ntɨh má. Yésʉs á bʉboʼlo lɔ́ɔ́ wɔ́ɔ́ ó e nzɨ̌ mesimá maá, ti e bisá bí ékâm nyé á sâ e nzɨ̌ bʉr o mílʉ́mlʉ́ bé bí.

Markus 13:22

Ebě, okrîst o bíbɛr, bé ópipyâl, bé le ogwíha o mílɔ̌b o bíbɛr. Bé ósâ mésimá le bisá bí ékâm, lɨ́ esáa ékʉ́a bʉ̂r ó Nzyɛ̌m á twâr bá, yé óbána bé nó.

Mataos 24:24

Ebě, okrîst o bíbɛr, bé ópîpyal, bé le ogwíha o mílɔ̌b o bíbɛr. Bé ósâ mésimá ménɨ́nɨ́ɨ́ le bisá bí ékâm. Yé báná nó, bé ódímle bʉ̂r ó Nzyɛ̌m á twâr bá ɨ́ nzɨ̌ mikóo myɔ́ɔ́.

Mɨlʉmlʉ 2:43

Bʉ́á kʉ́ nzě mɛ̂r bʉ̂r bɨ́bɛ̂h, tɨ̂ ɨ́ bisyɛ́ɛla bí ékâm ti e mesimá ɨ́ buo buo bʉ̂r o mílʉ́mlʉ́ mé Yésʉs, bé á sɨ̂sa bí.

Yʉanes 2:18

Jɔʼ yaá ó óYúden bé á nze dî e né ó: «Láa ésimá gó dí ɨ́ pǎ sâ, dí elɛ̂ʼle bɨ́h ó, go á bě sí dweŋɔɔ nkûl esâ mbi bísyɛ́ɛla bínɨ̌?»

Lʉkas 16:31

Nó Abraham á lɛ́ɛ e né ó: “Bé óbe, akpɛl éjóʼǒ Moyɨ̂z, nkʉ̂ ogwíha o mílɔ̌b nó, lɛ́ɛ́, bé abe e nkul ejóʼo ntémé mʉr á pah, duho lɨ́ odwe nyá ɔ́ɔ̀ɔ́.”»

2 Tesalonika 2:9

Nzéá ntɨ̂m e mbɨn mé Nzyɛ̌m ónze wɨ́, nye ólɛ̂ʼle bʉ̂r ó, nyě e nkul mé Sátan. Nye ósâ bísyɛ́ɛla bi nkûl mimbi mímyɛ̂h, ndu e mesimá, ndu e bisyɛ́ɛla míkóo bʉ̂r dí ekâm bí.

Mɨlʉmlʉ 15:12

Bʉr ó bʉm bɨ́bɛ̂h ntɔ̂ʼ di ɨ́ jolaaa ɨ́ jɔʼ bé á jóʼo Banabâs, bé e Pɔ̂l lɨ́ elɛ́ɛ bé lɔ́ɔ́ tɨ̂ʼ yɨ́: mpʉ̌ Nzyɛ̌m á sâ mesimá, ti e bisá bí ékâm témé bʉr o b'á be abe oYúden bá yɨ́.

Mɨlʉmlʉ 7:36

Nye ó b'á pɛʼ bʉr o b'Ɨ́zraɛ̂l ɨ́ sí Egɨ̂ptɛn e nzɨ̌ mesimá ndu e bisá bí ékâm. Nye á sâ byúú ntémé ó ɨ́ Mâŋ mé Ácʉʼ, le esâ byúú ɨ́ lʉá, gúmó bé á lɛŋ mimbû mekám ménâ yɨ́.

Mɨlʉmlʉ 6:8

Étiene á be ó mʉ̌r Nzyɛ̌m á sʉ metyɛʼ me mpóm, gbâ nyé ntémé nkul ɨ́ léme nyá. Nye á bɨbe ó lɨ́ esâ bísá bí ékâm ti e mesimá témé bʉr.

Mɨlʉmlʉ 5:12

Bʉr o mílʉ́mlʉ́, bé á si sâ mesimá ɨ́ buo buo ti e bisá bí ékâm, bʉr ɨ́ buo buo lɨ́ ebee. Obûʼla bɨ́bɛ̂h, bé á gwɨgwɨ̂hla ó, gúmo gwár ɨ́ gwal mé Salomɔ̂ŋ dí dóló ɨ́ mpáh Nzyɛ̌m yɨ́.

Mɨlʉmlʉ 4:30

Syɛ́mɨ́ɨ́ mbó gô, go e lɛ́ʼlé nkûl nyǒ. Go e tíʼ mímbêl ɨ́ díé é syɛ̂l mesâ gǒ Yésʉs, mʉr dí ti nyá. Sɨ́sáʼ ntémé mesimá ti e bisá bí ékâm ɨ́ díé lé.»

Mɨlʉmlʉ 2:19

Me ósâ bísá bí ékâm, le mesimá ɨ́ jʉ́o kʉ́, le ɨ́ sí tʉ́ŋlʉ̌. Metié, le siʼe, le dwiné dúluu, byé ónyɨ̂n.

Yʉanes 15:24

Yé bé me á bé asâ páʼ nyɔ́ɔ́ mbi bísyɛ́ɛla nyʉ́ʉ́ mʉ̂r á be apǎ sâ bí nó, lɛ́ɛ́, bé á bé agwá be e misyóm. Tó kœb ó, ɨ́ báánâ, bɨ́ bee bísyɛ́ɛla byâm. Bɨ́ɛ ntémé dína ó, lɨ́ ebene bɨ́h e Sɔ́ŋ wǎm.

Lʉkas 10:18

Yésʉs ntɔ̂ʼ lɛ́ɛ e bé ó: «Me á si bee Sátan lɨ́ eduho ɨ́ jʉ́o kʉ́ mpʉ̌ ndweh mpíé.

Mataos 27:42

«Nye á si tiʼ bʉr oswîh. Nó ó, nyé akǎ koʼo étiʼ nyé mʉr tɨ̂! Yé bé nyé pʉgʉ́ be ó tyeetye Njwɨ́ɨ Ɨ́zraɛ̂l nó, nye pʉ́gʉ kǎ sulo sí ɨ́ báánâ, mɨná nkʉ̂ dyɛ̂ʼwo gá e né.

Mataos 16:1

OFarizyɛ̂n, bé le oSadwisyɛ̂n, bê nzě pyâl kwá mé Yésʉs. Bé e né ó, nye sâʼ bé esimá e nkul dí eduho ɨ́ jʉ́o kʉ́ nyɨ́. Sâ gwár, bé á lwib nó ó, lɨ́ ebóblo nyê.

Yʉanes 4:49

Syɛ̂l mesâ waá, nye e né ó: «Dâ ɛ̌, ntáʼ. Mɨná tôʼ mbɛ̌r wâm jɔʼ mwân wǎm dína apǎ dwe yɨ́.»