Yʉanes 4:34 - Kálar Nzyɛ̌m : Ejwán é Sáá

³⁴ Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Kálara Zyɛ̌m Edwán é mpʉ̌n

³⁴ Yesʉs, nye e be ó: «Mode mam, mé ó, me saʼ gwɨma mo mʉr a ntɨh me e, le efwahle syɛɛ nye a lɛɛ ó, me ntaʼ, ze sea ɛ.

Yʉanes 4:34 ပူးပေါင်းရင်းမြစ်များ

Yʉanes 6:38

Ebě, me á bé aduho ɨ́ jʉ́o kʉ́, lɨ́ enzě sâ gwɨ́má yâm, njɨ gwɨ́má mʉ̂r á ntɨh me nyá.

Yʉanes 5:30

«Mé abe e nkul esâ yʉ́ʉ́ sɔ̂ʼ e mɛm mʉr tɨ̂. Mě tíʼé mílɔ̌b ó, njɨ̌ mpʉ̌ Nzyɛ̌m dí elɛ́ɛ mé yɨ́. Etíʼ é mílɔ̌b lâm, lé ó tîtyěl, ebě, mé abe lɨ́ esâ mpʉ mé dí egwɨ̂m yɨ́, njɨ̌ mpʉ mʉ̂r á ntɨh me nyá dí egwɨ̂m yɨ́.

Yʉanes 17:4

Me á si lɛ̂ʼle bʉr kûm nyǒ ɨ́ sí yɨ̂. Mɨ́ sîl syɛ́ɛ́ gó á dwe me ó, me séaa yɨ́.

Yʉanes 19:30

Jɔ̌ʼ Yésʉs á sil edû bikɛ̌ʼla ményoʼ byaá yɨ́, nye ó: «Sá yɨ́yɛ̂h, yɨ́ lwɨ́ŋlɨ!» Nye nzě gœ̌r lʉ̂ sí, nzě dwě Nzyɛ̌m sísǐm wé.

Mataos 26:39

Nye nzě bá tô dóló, ntɔ̂ʼ kúrwo sí, píʼe mpóm ɨ́ bibwǎh, nzě jɨʼla e Nzyɛ̌m. Nye e né ó: «Dâ ɛ̌, yé óbána nó, sáʼ ó me l'ayɨ́ bɔma e mitúú mî. Sâ gwár, yé díʼee, abě mpʉ mé dí ekpɛl yɨ́, njɨ mpʉ gó dí ekpɛl yɨ́.»

Yʉanes 5:36

Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Yʉanes 4:32

Yésʉs, nye e bé ó: «Mě e dœʼ bɨ́n dí agʉ́a yɨ́.»

Lʉkas 19:10

Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Lʉkas 15:10

Mě lɛ́ɛ́ bɨ́n ó: jwɨʼ gwár yaá ntémé ó bisʉhʉʉ ngá bě gúmó bééngeles mé Nzyɛ̌m dí yɨ́, ɨ́ jɔʼ syɛ̂l misyóm ngwár mû sí túmǒ koo e misyóm myé, le le edwirǎ léme yɨ́.»

Mɨlʉmlʉ 20:35

Bisyɛ́ɛla byâm bíbyɛ̂h, byê bɨ̌n ó mveʼle. Byé lɛ́ʼlé bɨ́n ó mpʉ bɨ́n jálá le eséǎ syɛ́ɛ́, le ekɛm bʉ̂r mû sí tyɛʼ bá yɨ́, ebě, mɨná bé lɨ́ esímsa gá mekǎn Tî Yésʉs mʉr tɨ̂ʼ á lɛ́ɛ má. Mé ó: “Le mʉr dí edwe nyá, le waá dí enʉa nyá, waá dí edwe nyá ó dí ebuú sʉŋɔɔ métyɛʼ me mpóm.”»

Yʉanes 6:33

Ebě, medě Nzyɛ̌m dí edwe má, mé ó mʉr á duho ɨ́ jʉ́o kʉ́ nyá. Nye ó mʉr dí edwe bʉ̂r twiʼ nyá.»

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

Lʉkas 2:49

Nó nyé á nze lɛ́ɛ e bé ó: «Bɨ̌n sáá mé ɨ́ yé ɛ́? Nzê bɨ̌n bé agʉ́a ó, yé jala ó, me díʼee ɨ́ mbɛ̌r mé Dâ ɛ̌?»

Yʉanes 8:29

Mʉr á ntɨh me nyá, bɨ̌h e né ó dí. Nye á bé alíʼe mé me omér, ebě, mě sá jɔʼ yɨ́yɛ̂h ó, syɛ́ɛla nyé dí ebee mbɨ̂mbɨá yɨ́.»

Yʉanes 19:28

Píe tɨ̂, mpʉ̌ Yésʉs á gʉ́a ó, sá yɨ́yɛ̂h, yé á be ó, yé mû sí síe yɨ́, nye ntɔ̂ʼ lɛ́ɛ ó: «Me lɨ́ ejóʼǒ dwéh médíbé.» Nye á lɛ́ɛ nó ó, sá dí cɛmá ɨ́ Mekaná mé Nzyɛ̌m yɨ́, yé díraa.

Mataos 9:19

Yésʉs nzě mɔa sí, dû nyê, bé le ompʉ́n bé.