Yʉanes 4:31 - Kálar Nzyɛ̌m : Ejwán é Sáá

³¹ Jɔʼ yaá, ompʉ́n bé, bé á be lɨ́ ejɨʼla e Yésʉs ó, nye páa dě pêh dœʼ.

Kálara Zyɛ̌m Edwán é mpʉ̌n

³¹ É jɔʼ mʉma a be, nye dina gʉʼ ɨ, ompʉn mo Yesʉs, bé a be ó lé elɛɛ e nye ó: «Yeʼle, paʼ de.»

Yʉanes 4:31 ပူးပေါင်းရင်းမြစ်များ

Yʉanes 1:38

Yésʉs nzě dwira. Nyé ká dwɛ̂ʼ nɛ́ɛ: bee bé lɨ́ edû nyê. Nye nzě dî e bé ó: «Bɨ̌n sáá yé ɛ́?» Bé e né ó: «Gúmó gó dí edi yɨ́, Rabbi!» (Díe laá, lé páʼlɔ́ɔ́ ó, “lɛ̂ʼla”.)

Mataos 23:7

Bé kpɨkpɛl ntémé ó, bʉr bɨ́baraa e bé le dúu ɨ́ buo buo ɨ́ bipátele le ejɨjébe bé ó: “Lɛ̂ʼlǎ nɨ́nɨ́ɨ́”.

Mataos 23:8

Mʉr ngwár ɨ́ sɔ́má yɨ́n sá abá bîr ó, bé jébaa nye “Rabbi”, ebě, lɛ̂ʼla wɨ́n, nye ó ngwár. Bɨ̌n bɨ́bɛ̂h, bé ó bɨ́ɔɔ́ e bɨ́ɔɔ́.

Mataos 26:25

Nó ó, Yʉ́das, mʉr á be lɨ́ edǐ bɛ́ma nyé nyá, á nze lɛ́ɛ e né ó: «Lɛ̂ʼla, abe mɛ̂m da! Yé abe nó?» Nye ntɔ̂ʼ yala e né ó: «Yé ó gó mʉr tɨ̂ʼ dí sí lɛ́ɛ̌ nɨ̌.»

Mataos 26:49

Lě Yʉ́das á kʉ pyâl, le nyé á sîhle ntémé bǎʼ e Yésʉs, ntɔ̂ʼ lɛ́ɛ ó: «Lɛ̂ʼla, me lɨ́ ebâʼ e go!» Nye ntɔ̂ʼ dû koo ékœ́h lé ɨ́ swííá.

Markus 9:5

Nó ó Pétrus á nze lɛ́ɛ e Yésʉs ó: «Lɛ̂ʼla ɛ̌, yé mbɨa ɨ́ páʼ gá wɨ́ná ó, mɨná díʼee gá wâ. Mɨná súmaa gá mpálá, bisaʼ bilɛ̂l: le yô, le yaá mé Moyɨ̂z, le yaá mé Elie.»

Markus 11:21

Pétrus nzě símsǎ sá Yésʉs á lɛ́ɛ yɨ́. Nye e Yésʉs ó: «Lɛ̂ʼla, paá bee: lɨ́ figyê gó á syɛm yɨ́, yɨ́ bánǎ dwɛ̂hla!»

Markus 14:45

Mpʉ nyé á pyâl yɨ́, nye ntɔ̂ʼ sîhlě bǎʼ e Yésʉs, ntɔ̂ʼ lɛ́ɛ ó: «Lɛ̂ʼla!» Nye ntɔ̂ʼ dû koo ékœ́h lé ɨ́ swííá.

Yʉanes 1:49

Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Yʉanes 3:26

Bê nzě tô nkǒ Yʉánɛs á be yɨ́. Bé e né ó: «Lɛ̂ʼla, ɨ́ sɔ́má bʉ̂r bɨ́n le onɔ́ɔ́ bé á be ɨ́ pɨ̌n díbé Yɔrdên kɔ́m nkɛ́ɛ́ bá, nzê go lɨ́ ekǎ símsa mʉ̂r gó á sêʼle nyá ɛ́? Ɨ́ báánâ, nyɨɛ ntémé mû ó lɨ́ edu bʉ̂r. Ntémé, bʉr bɨ́bɛ̂h mû jaá tô ó, njɨ kwá nyé.»

Yʉanes 4:30

Bʉr nzě tɨ́lwǎ nkana, tóŋɔɔ̌ nko nyé á be yɨ́.

Yʉanes 4:32

Yésʉs, nye e bé ó: «Mě e dœʼ bɨ́n dí agʉ́a yɨ́.»

Yʉanes 6:25

Bê nzě tó kœ̌b Yésʉs lɨ́ ebʉ́m é mâŋ lé á be kɔ́m nkɛ́ɛ́ lɨ́. Bé e né ó: «Lɛ̂ʼla, go ka nzé kâʼ ɨ́ yáǎ jɔʼ?»

Yʉanes 9:2

Ompʉ́n bé, nzě dî e né ó: «Lɛ̂ʼla, mʉr nyâʼ á byɛ̂l e ntím ɨ́ yé? Nzê ɨ́ lɔ̌b syóm wé, nye mʉr tɨ̂ʼ ɛ̌? Nzê ɨ́ lɔ̌b syóm óbyɛ́l bé, bé á sâ wɨ́ ɛ́?»

Yʉanes 11:8

Ompʉ́n bé, bé e né ó: «Lɛ̂ʼla, yé ó, apǎ gúm bea, oYúden, bé á be ó lɨ́ egwɨ̂m élúmo gó mekóʼ. Nzê go lɨ́ egwɨ̂m ébáʼǎ tô gʉ̂ʼ ɛ̌?»