Yʉanes 4:21 - Kálar Nzyɛ̌m : Ejwán é Sáá

²¹ Yésʉs, nye e né ó: «Búʼláá mê. Jɔʼ múo lɨ́ enze: ɨ́ jɔʼ yaá, bɨ̌n bé ákǎ dwě Nzyɛ̌m Sɔ́ŋ kûm ɨ́ Yerʉ́zalɛm, nkʉ̂ ntémé lɨ́ ecwɨ́ʼ lɨ̂.

Kálara Zyɛ̌m Edwán é mpʉ̌n

²¹ Yesʉs, nye e nye ó: «Buʼla me: ewala lé ópyal é jɔʼ bɨn bé óbe, aka to Yerʉsalɛm, nkʉ é l'ecwɨʼ lɨ, ó bɨn dwiibɨ Zyɛm.

Yʉanes 4:21 ပူးပေါင်းရင်းမြစ်များ

1 Timotɛ 2:8

Sá tɨ̂ʼ ó mé dí ekpɛl ó, ɨ́ gúmó yɨ́yɛ̂h, bʉrʉ̂m díʼee tí yɨ́. Bé jɨ̂ʼlaa e Nzyɛ̌m, lɨ́ ebɨ̂r mébó mé tí kʉ́, abe e nkpaa nkʉ̂ mesónó ɨ́ miléme.

Éfɛsɔs 2:18

Krîst ó b'á kar nzɨ̌ ó, bikúl bíbá gá bíná sîhlaa bǎʼ e Nzyɛ̌m Sɔ́ŋ, lɨ́ ecɨɨ e nzɨ̌ mʉr ngwár e ngwár: Sísǐm mé Nzyɛ̌m.

Yʉanes 4:23

Sâ gwár, jɔʼ mû ó lɨ́ enze. Yé ntémé mû ó sí pyâl. Ɨ́ jɔʼ yaá ó óbûʼla ompâ, bé ógúmlǒ Nzyɛ̌m Sɔ́ŋ le sísǐm le otyeetye yɨ́, ebě, Nzyɛ̌m Sɔ́ŋ, nye lɨ́ esáa bʉ̂r o ngá dwe nyé kûm ɨ́ mbi waá bá.

Mataos 18:20

Ebě, gúmó bʉ̂r obá, nkʉ̂ olɛ̂l, dí esyɛŋa ɨ́ díé lâm yɨ́, mɛm mʉr tɨ̂, me óbe ó tɨ̂, páʼ nyɔ́ɔ́.»

Éfɛsɔs 3:14

Sɨ́ǎ yaá ó mé dí ebɨʼ mébóó ɨ́ míh mé Nzyɛ̌m Sɔ́ŋ, jɨʼla e né ɨ́ lɔ̌b wɨ́n yɨ́.

Yʉanes 16:32

Jwɛ́ʼɛ́ɛ́ gâ, jɔʼ, yé múo nzě pyâl. Yé ntémé, yɨ́ pyâl: jɔʼ bɨ́n ngá gbɛha, mʉr e mʉr asyɛŋa nzɨ́ yɨ́. Bɨ̌n bé ólíʼe mé me omér. Me ákóʼó be yɨ́ɛ me omér, ebě, bɨ̌h e Sɔ́ŋ wǎm ó dí.

Yʉanes 16:2

Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

Yʉanes 5:28

Mʉr akâm gâ. Jɔʼ yé múo nzě pyâl, jɔʼ ódwe bɨ́bɛ̂h dí ɨ́ mesoo bá, bé ójóʼo twíí Mwân mé Mʉr yɨ́.

1 Pyɛr 1:17

Bɨ̌n kɨkɛn díé mé Dâ, mʉr dí etíʼe bʉ̂r milɔ̌b lɨ́ otîtyěl, adwáawo bʉ̂r mempǒm nyá. Nyě títíʼé bé milɔ̌b myɔ́ɔ́ myaá ó, dû mpʉ bísyɛ́ɛla byɔ́ɔ́, byé á be yɨ́. Mpʉ bɨ́n dí ekɛ̌n Dâ Nzyɛ̌m yɨ́, jwɨʼ gwár e gwár yaá ntémé ó bɨ́n jala le elɛ̌ŋ twiʼ yɨ́n yɨ́, lɨ́ edû kʉ̌ tyen dí elɛ̂ʼle ó, bɨ̌n bé lɨ́ edwáawo nyé wɨ́.

Mɨlʉmlʉ 6:14

Bɨ̌h bé á si kʉ jóʼo nye lɨ́ ebánǎ lɛ́ɛ ó, Yésʉs, mʉr Nazarɛ̂t, nye ógbǎh gúmó yɨ̂. Nyé océne métǔm Moyɨ̂z á líʼe mɨná gá e mé má.»

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 5:25

Mě lɛ́ɛ́ bɨ́n lɨ́ otyeetye ó, jɔʼ, yé lɨ́ enze. Yé ntémé, yɨ́ pyâl: jɔʼ ódwe, bé ójóʼo twíí Mwân mé Nzyɛ̌m yɨ́. Baá bé ójóʼo nyé bá, bé ótiʼe.

Lʉkas 21:24

Bâʼ bʉ̂r, bé ójʉ́ŋɔɔ le opasoŋ; bʉ́ʉ́, bé ótô lɨ́ okómó ɨ́ bikúl bíbyɛ̂h. Nó bʉr o bíkûl byaá, bé ónyǎl Yerʉ́zalɛm e mekʉ̌ mɔ́ɔ́, tó pyâl ɨ́ jɔʼ épʉ́la lɔ́ɔ́, lé óbe sí laa yɨ́.»

Mataos 28:19

Nó ó, tóʼ gá ɨ́ sí yɨ́yɛ̂h. Bɨ̌n a sá bíkúl bíbyɛ̂h ompʉ́n bâm. Bɨ̌n bé odu bé ɨ́ díé é Sɔ́ŋ, le Mwân le Sísǐm mé Nzyɛ̌m.

Mɨngwiha 21:22

Me á bé abee mpáh Nzyɛ̌m tɨ̂ʼ ɨ́ nkana yaá, ebě, Dâ Nzyɛ̌m, Nzyɛ̌m nkul nyɨnyɛ̂h mʉr tɨ̂ʼ ó dí edila mpáh nyaá, bé e Mâ Nteme.