Yʉanes 4:15 - Kálar Nzyɛ̌m : Ejwán é Sáá

¹⁵ Mʉmá, nye e né ó: «Dâ ɛ̌, dwéʼ mé medíbé maá, me nkʉ̂ di, akǎ báʼǎ jóʼǒ dwéh médíbé, nkʉ̂ nze wâʼ lɨ́ enzě daa médíbé.»

Kálara Zyɛ̌m Edwán é mpʉ̌n

¹⁵ Mʉma, nye e nye ó: «Da, dweʼ me modibe mo maa, me nkʉʼ di, aka bâʼle joʼo dweh modibe, nkʉ bâʼle ze wâʼ lé eze daa modibe.»

Yʉanes 4:15 ပူးပေါင်းရင်းမြစ်များ

Yʉanes 6:34

Bé e né ó: «Yé bé nó wá, Dâ ɛ̌, dwídwéʼ bɨ́h mede maá melú mɨ́mɛ̂h.»

Rôm 8:5

Baá dí edû njɨ njwɨr myâ gá wɨ́ná bá, sá dí epálwo bé ɨ́ miléme yɨ́, yê ɨ́ jɔʼ yɨ́yɛ̂h ó, njɨ sâ njwɨr wɔ́ɔ́ dí egwɨ̂m yɨ́. Baá dí edû métwɨ́ɨ́ mé Sísǐm mé Nzyɛ̌m bá, sá dí epálwo bé ɨ́ miléme yɨ́, yé ó sá Sísǐm waá dí ekpɛl yɨ́.

Rôm 6:23

Myɛ́na mé syɛ̂l misyóm, mé ó njɨ eswie. Tó kœb ó, ndwéá Nzyɛ̌m á dwe bʉr edwɛ́na wɨ́, wé ó twǐʼ njʉ̌m dǐ ɨ́ mpúhlá gá nyɨ́ná e Tî Yésʉs-Krîst.

Yʉanes 6:26

Nye nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n sáá mé ó, ebě, bɨ̌n bé á si de blêr, díle. Bɨ̌n bé asáa mé ɨ́ lɔ̌b mésimá bɨ́n á bee má.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Jacques 4:3

Bɨ́n jáʼ nyé byǎ nó, bɨ̌n bé abe lɨ́ ebi yɨ́ɛ byê, ebě, bɨ̌n bé lɨ́ ejaʼ ɨ́ mbi dí ɨ́ bébe wɨ́. Sá bɨ́n dí egwɨ̂m yɨ́, bɨ̌n jaá kpɛl yé ó, njɨ lɨ́ esú lé élóŋlo bígwɨ́má bín e tɨ̂.

1 Korɛnt 2:14

Mʉr dí tʉ̂toʼó, abe e Sísǐm mé Nzyɛ̌m nyá, nyé abe e nkul ebi ótyeetye dí eduho e Sísǐm waá wɨ́. Wê nye ó ogʉ̌. Nyé abe e nkul egʉ́a wê, ebě, mʉ̌r jaá gʉ́a wé ó, njɨ ɨ́ lɔ̌b nkûl Sísǐm mé Nzyɛ̌m dí e nye nyɨ́.

Yʉanes 4:16

Yésʉs, nye e né ó: «Tóʼ, tó jébe njʉ̂m gǒ. Bɨ̌n a báʼá nze wâ, bɨ̌n óbɛ̂h.»

Yʉanes 6:35

Yésʉs, nye e bé ó: «Me ó dí mede dí etiʼ bʉ̂r má. Mʉr nyɨnyɛ̂h dí enze kwá nyǎm nyá, nyé abe e nkul ekǎ jóʼo nzâ. Mʉr nyɨnyɛ̂h dí edyɛ̂ʼwo e me nyá, nyé abe e nkul ekǎ jóʼǒ dwéh médíbé.