Yʉanes 4:11 - Kálar Nzyɛ̌m : Ejwán é Sáá

¹¹ Mʉmá Samarî, nye e né ó: «Dâ ɛ̌, gó abe e dɛa. Edɛɛ́ ntémé, lé ɨ́ buú díme sí. Wáǎ mbi gó dí e nkul edaa médíbé mé twiʼ?

Kálara Zyɛ̌m Edwán é mpʉ̌n

¹¹ Mʉma, nye e nye ó: «Da, go abe e dɛa. Edɛɛ nteme, lé é bul jaa si. Go e nkul esa yé, ó modibe, mé saha, ze kœb bɨna kaʼ kʉ ɨ?

Yʉanes 4:11 ပူးပေါင်းရင်းမြစ်များ

1 Korɛnt 2:14

Mʉr dí tʉ̂toʼó, abe e Sísǐm mé Nzyɛ̌m nyá, nyé abe e nkul ebi ótyeetye dí eduho e Sísǐm waá wɨ́. Wê nye ó ogʉ̌. Nyé abe e nkul egʉ́a wê, ebě, mʉ̌r jaá gʉ́a wé ó, njɨ ɨ́ lɔ̌b nkûl Sísǐm mé Nzyɛ̌m dí e nye nyɨ́.

Yʉanes 3:4

Nikodɛ́mos nzě dî e né ó: «Njʉ̌m mʉ̂r, wé e nkul ebáʼǎ byɛ̂l wáǎ mbi? Nzê wé e nkul enî ɨ́ mo nyɔ́ŋ wé, ntɔ̂ʼ báʼǎ byɛ̂l ɛ̌?»

Yʉanes 4:14

Sâ gwár, mʉr nyɨnyɛ̂h óde médíbé mé ódwe nyé má, nye ákǎ jóʼǒ dwéh médíbé, ebě, medíbé mé ódwe nyé má, mé óliŋa énó ɨ́ nyʉ̂l nyé, gúmó twǐʼ njʉ̌m dǐ óduduho yɨ́.»

Yʉanes 7:37

Ɨ́ móhó ésíé é nzɔ́ɔ, móhó nzɔ́ɔ dí eleʼwo wɨ́, Yésʉs nzě tó tyɛ̂b témé bʉr, nzě túno ó: «Mʉr dí ejóʼǒ dwéh médíbé nyá, nye ntâʼ kwá nyǎm, nzě de!

Mɨlʉmlʉ 10:14

Nó ó Pétrus á yala e né ó: «Dâ ɛ̌, kʉ́ kâr káráa, ebě, mimbi bísá bíbyɛ̂h bi dí mitilá bí, mé apǎ de byê.»

Mɨngwiha 7:17

Ebě, Mâ Nteme dí témé mecwɨ́ɨ́ mé jwɨ́ɨ nyá ó dí mbɔʼlʉ wɔ́ɔ́. Nye ótô e bé, tó pyâl lɨ́ enó e dí tɨ̂ʼ lɨ́, gúmó médíbé mé twiʼ dí eduho yɨ́. Nzyɛ̌m ótin bé myɛ́ɛlé mɨ́mɛ̂h ɨ́ mîh.»

Mɨngwiha 21:6

Nye e me ó: «Yɨ́ síe! Me ó mʉr esôʼ ndu e waá epíhe. Me ntémé, me ó menyɛ̌l mé sá yɨ́yɛ̂h ti e meswéhlɨ́ mé tɨ̂. Mʉr dí ejóʼǒ dwéh médíbé nyá, mɛm ódwe nyé mǎ edwɛ́na. Medíbé maá, mé ó maá me dí egʉ̂, duho lɨ́ enó é twiʼ má.

Mɨngwiha 22:1

Nó ó, éngeles waá á si lɛ̂ʼle me díbé ɨ́ ntyɛ́h ntyɛ́h, mpʉ̌ lá. Yé ó dí e medíbé me dí etíʼ bʉ̂r má. Yé á duduho ó, ɨ́ mecwɨ́ɨ́ mé jwɨ́ɨ́ mé Nzyɛ̌m, bé e Mâ Nteme.

Mɨngwiha 22:17

Nó ó Sísǐm mé Nzyɛ̌m, bé e mʉmá mé Mâ Nteme, bé lɨ́ elɛ́ɛ ó: «Ntáʼ!» Nó ntémé ó, mʉr dí ejóʼo nyá, nye lɛ́yɨɨ ntémé ó: «Ntáʼ!» Mʉr dí ejóʼǒ dwéh médíbé nyá, nye ntâʼ. Waá kpɛ́l nyá, nye dáalaa medíbé mé twiʼ, abwâm.