Yʉanes 4:10 - Kálar Nzyɛ̌m : Ejwán é Sáá

¹⁰ Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»

Kálara Zyɛ̌m Edwán é mpʉ̌n

¹⁰ Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Yʉanes 4:10 ပူးပေါင်းရင်းမြစ်များ

Yʉanes 4:14

Sâ gwár, mʉr nyɨnyɛ̂h óde médíbé mé ódwe nyé má, nye ákǎ jóʼǒ dwéh médíbé, ebě, medíbé mé ódwe nyé má, mé óliŋa énó ɨ́ nyʉ̂l nyé, gúmó twǐʼ njʉ̌m dǐ óduduho yɨ́.»

Mɨngwiha 7:17

Ebě, Mâ Nteme dí témé mecwɨ́ɨ́ mé jwɨ́ɨ nyá ó dí mbɔʼlʉ wɔ́ɔ́. Nye ótô e bé, tó pyâl lɨ́ enó e dí tɨ̂ʼ lɨ́, gúmó médíbé mé twiʼ dí eduho yɨ́. Nzyɛ̌m ótin bé myɛ́ɛlé mɨ́mɛ̂h ɨ́ mîh.»

Mɨngwiha 21:6

Nye e me ó: «Yɨ́ síe! Me ó mʉr esôʼ ndu e waá epíhe. Me ntémé, me ó menyɛ̌l mé sá yɨ́yɛ̂h ti e meswéhlɨ́ mé tɨ̂. Mʉr dí ejóʼǒ dwéh médíbé nyá, mɛm ódwe nyé mǎ edwɛ́na. Medíbé maá, mé ó maá me dí egʉ̂, duho lɨ́ enó é twiʼ má.

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Mɨngwiha 22:17

Nó ó Sísǐm mé Nzyɛ̌m, bé e mʉmá mé Mâ Nteme, bé lɨ́ elɛ́ɛ ó: «Ntáʼ!» Nó ntémé ó, mʉr dí ejóʼo nyá, nye lɛ́yɨɨ ntémé ó: «Ntáʼ!» Mʉr dí ejóʼǒ dwéh médíbé nyá, nye ntâʼ. Waá kpɛ́l nyá, nye dáalaa medíbé mé twiʼ, abwâm.

Rôm 8:32

Nzyɛ̌m nyɨɛ á bé akamle e Mwân wé. Nye á syɛ́ɛla twiʼ Mwân wé ó e bicwiʼ gá bíná, mɨná gá óbɛ̂h. Nzyɛ̌m pǎ nyɛɛ́ dwe mɨ́ná gá Mwân wé, á dwɛʼra e bisá bíswîh bíbyɛ̂h! Nye óbánǎ dwe mɨ́ná gá byǎ ntémé mpʉ nyé á pa dwe mɨná gá Mwân wé yɨ́.

1 Korɛnt 10:4

Bɨ́bɛ̂h bɛble médíbé mémpwár Sísǐm mé Nzyɛ̌m wé á ntɨh bé má. Bé á bɨbɛble medíbé ó, maá mé á gʉgʉ̂ lɨ́ ekóʼ Nzyɛ̌m á ntɨh bé lɨ́ má. Ekóʼ laá, lé á titye ó e bê. Nó ó, ekóʼ laá, lé á be ó Krîst.

Yʉanes 6:35

Yésʉs, nye e bé ó: «Me ó dí mede dí etiʼ bʉ̂r má. Mʉr nyɨnyɛ̂h dí enze kwá nyǎm nyá, nyé abe e nkul ekǎ jóʼo nzâ. Mʉr nyɨnyɛ̂h dí edyɛ̂ʼwo e me nyá, nyé abe e nkul ekǎ jóʼǒ dwéh médíbé.

Yʉanes 17:3

Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

2 Korɛnt 9:15

Mɨná dwêʼ gá Nzyɛ̌m nzyǒo ɨ́ lɔ̌b étʉ́m nyé á lómlo mɨná gá lɨ́. Membɨa me dí tɨ̂ʼ má, mé abe e tólɔ́ɔ.

Lʉkas 11:13

Bibɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n! Nye óntɨ̌h Sísǐm wé, duho ɨ́ jʉ́o kʉ́, dwe wé bʉr o dí egwâm nyé wǎ bá.»

Éfɛsɔs 2:8

Ebě, mpam mé Nzyɛ̌m ó b'á tiʼ bɨ̌n, lɨ́ nzɨ̌ búʼó. Twiʼ yaá, yé aduho kwá nyɨ́n, bɨ̌n bʉr o tɨ̂. Yé ó ndwéá mé Nzyɛ̌m.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Yʉanes 16:3

Bé ósɨsâ nó ó, ebě, bé á bé agʉ́a, damá be Sɔ́ŋ wǎm, damá be mê.

Mɨlʉmlʉ 9:11

Tî Yésʉs ntɔ̂ʼ lɛ́ɛ e né ó: «Gbɔlwáa. Tóʼ ɨ́ nkpǎʼ dí e díe ó, “Tîtyěl” wɨ́ ɨ́ báánâ. Go e ní ɨ́ mbɛ̌r mé Yʉ́das. Gó odî mʉ̂r Tarsôs dí tɨ̂, díé lé Saʉ̂l nyá. Mʉr waá mû ó lɨ́ ejɨʼla e me.

Ebrœ̂ 6:4

Nó ó, bʉr o b'á nyɛɛ kʉnɔɔ mimbah bá, bé á be lɨ́ enyɛɛ́ bibi míndwéá mi dí eduho ɨ́ jʉ́o kʉ́ mí. Ɨ́ jɔʼ yaá, Sísǐm mé Nzyɛ̌m bé e boo nɔ́ɔ́ ó b'á bɨbe.