Yʉanes 3:8 - Kálar Nzyɛ̌m : Ejwán é Sáá

⁸ Pubó laa ó, gúmó yé kpɛ̂l yɨ́. Gua jaá jóʼo ó, njɨ duú yé, agʉ́a yɨ́ɛ nko yé dí eduho, ndu e nko yé dí etô yɨ́. Mʉr nyɨnyɛ̂h mû mbyɛ́á ɨ́ lɔ̌b nkûl Sísǐm mé Nzyɛ̌m dí e nye nyɨ́ʼ, nyě byɛ́l ó nó.»

Kálara Zyɛ̌m Edwán é mpʉ̌n

⁸ Pubo, wé elaa ó, gumo wé lé ekpɛl ɨ. Gwɔɔ kʉ ka joʼo ó njɨ duu pubo, agʉa yɛɛ nko wé lé eduho, ndwe e nko wé lé eto e. Yé ó jwɨʼ gwar e mʉr nyiwɛh lé ebyɛl é zi mo Mbɨambɨa Sisim ɨ.»

Yʉanes 3:8 ပူးပေါင်းရင်းမြစ်များ

1 Korɛnt 2:11

Ɨ́ nkǒ páʼ mʉ̂r, sá dí egʉ́a mípahlá mi mʉ̂r yɨ́, yé ó njɨ sísǐm wé dí ɨ́ nyʉ̂l nyé wɨ́. Nó ntémé, yé ó njɨ Sísǐm mé Nzyɛ̌m wé omér ó dí egʉ́a mípahlá mé Nzyɛ̌m.

Mɨlʉmlʉ 2:2

Tyé e tyé yaá, duú ɨ́ bwaʼ bwaʼ nzě duho ɨ́ jʉ́o kʉ́, nwɨɨla e duú nkúo-mbɛ́ʼ-mímbû. Yé á si dibe mbɛ̌r waá wɨ́wɛ̂h, gúmó bʉ̂r bɨ́bɛ̂h, bé á be mindîndǐl yɨ́.

1 Yʉanes 2:29

Bɨ̌n bé lɨ́ egʉ́a ó, Krîst, nye ó tîtyěl mʉr. Bɨ̌n bé ɨ́ jala le egʉ́a ntémé ó, mʉr nyɨnyɛ̂h dí esɨsâ bísyɛ́ɛla bimpâ nyá, nyɨ́ byɛ̂l e nzɨ̌ nkul mé Nzyɛ̌m.

Mɨlʉmlʉ 4:31

Le bé á sil ejɨʼla e Nzyɛ̌m, le ntɔ̂ʼ gúmó bé á syɛŋa yɨ́, yé á kubla. Sísǐm mé Nzyɛ̌m nzě lóno bɨ́bɛ̂h ɨ́ miléme, bé ntɔ̂ʼ táare élɛ́ɛ̌ lɔ́ɔ́ mé Nzyɛ̌m ɨ́ kpɛŋlɛm, abáawo bá yʉ́ʉ́ sɔ̂ʼ.

1 Korɛnt 12:11

Sísǐm ngwár e ngwár waá ó dí esâ bísyɛ́ɛla byaá bíbyɛ̂h. Sísǐm waá ntɨ́h mʉ̂r nyɨnyɛ̂h ndwéá wé ó mpʉ nyé kpɛ̂l yɨ́.

Yʉanes 1:13

Bé á bé atyélɔɔ bwán mé Nzyɛ̌m ɨ́ nkǒ páʼ métié, nkʉ̂ ɨ́ lɔ̌b bígwɨ́má ményʉ́l mɔ́ɔ́, nkʉ̂ ɨ́ lɔ̌b gwɨ́má mʉ̂r. Bé á byɛ̂l ó byɛ́lɨ́ɨ nó, ɨ́ gwɨ́má mé Nzyɛ̌m.

Yʉanes 3:7

Atwɨrǎ mpʉ mê lɛ́ɛ́ gó ó: “Bɨ̌n bé ɨ́ jala le ebyɛ̂l mbyɛ́lá dwân” yɨ́.

Yʉanes 3:9

Nikodɛ́mos, nye e né ó: «Bisyɛ́ɛla bínɨ̌, byé ósyɛ́ɛ nyá?»