Yʉanes 3:36 - Kálar Nzyɛ̌m : Ejwán é Sáá

³⁶ Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

Kálara Zyɛ̌m Edwán é mpʉ̌n

³⁶ Mʉr lé ejyɛʼ taa buʼo ye boo mwan waa ɛ, nye ó ngo bi tiʼ molu mo mpoʼ mɨmɛh. No ó, waa ndɨ esa Mwan mo Zyɛm ebɨh ɨ, nye aŋa bi tiʼ molu mo mpoʼ mɨmɛh yaa, ebe, Zyɛm ókpaa empime e nye.»

Yʉanes 3:36 ပူးပေါင်းရင်းမြစ်များ

Yʉanes 5:24

«Mě lɛ́ɛ́ bɨ́n lɨ́ otyeetye ó, mʉr ngá jôʼlǒ lwǐb yâm le edyɛ̂ʼwo e mʉr á ntɨh me nyá, nyɨ́ bǐ twǐʼ njʉ̌m dǐ. Nye ákǎ tíʼɔɔ mílɔ̌b. Nyɨ́ boó duho lɨ́ eswie, ntaa ɨ́ twǐʼ njʉ̌m dǐ.

Yʉanes 1:12

Damá jóʼo nó, bím bʉ̂r o b'á nʉa nye, dyɛ̂ʼwɔɔ ntémé e né bá, bé ó nyé á dwe nkul etyélɔɔ bwán mé Nzyɛ̌m.

1 Tesalonika 5:9

Ebě, Nzyɛ̌m á bé atwâr mɨ́ná gá ó, mɨná jâʼraa gá e nkpaa nyé. Nye á twâr mɨná gá ó, mɨná bíʼee gá twiʼ ɨ́ nzɨ̌ Tî gá wɨ́ná Yésʉs-Krîst.

Éfɛsɔs 5:6

Mʉ̌r sá adímle bɨ́n e nzɨ̌ lwǐb dí abe e nyɔm yɨ́. Bisyɛ́ɛla bí ébébe bínɨ̌ ó ngá sâ ó, Nzyɛ̌m lɛ̂ʼlaa nkpaa nyé kwá bʉr o dí egbɔba e né bá.

Rôm 5:9

Yésʉs pǎ nyɛɛ́ pyêl métié mé, ntɔ̂ʼ dwe lɨ́ esú ó, nye dwêʼ mɨná gá, osyɛ̂l o mísyóm, nkam, á dwɛʼra ɨ́ jɔʼ mɨ́ná gá mû otîtyěl o bʉ̂r ɨ́ míh mé Nzyɛ̌m yɨ́! Nye ókʉ́ tiʼ mɨ́ná gá ɨ́ jɔ̌ʼ Nzyɛ̌m ngá lɛ̂ʼle nkpáa nyé ɨ́ lɔ̌b bʉ́ʉ́ bʉ̂r yɨ́.

Yʉanes 8:51

Mě lɛ́ɛ́ bɨ́n lɨ́ otyeetye ó, mʉr óbaʼlě lwǐb yâm nyá, nye ákǎ dwe.»

Yʉanes 10:28

Me lɨ́ edwe byé twǐʼ njʉ̌m dǐ. Byé ákóʼó dîm ɨ́ nkɔb bʉr. Kâr mʉ̂r ngá pɛʼ mé byǎ ɨ́ mebô.

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

1 Tesalonika 1:10

Bé lɨ́lɛ́ɛ́ ntémé ó, bɨ̌n mû ó lɨ́ ebóno Mwân mé Nzyɛ̌m ngá duho ɨ́ jʉ́o kʉ́ nyá. Nye ó waá Nzyɛ̌m á pɛh, dwih lɨ́ odwe nyá. Yésʉs waá ó b'á tíʼ mɨná gâ, lɨ́ esâ ó Nzyɛ̌m sá alɛ̂ʼle mɨ́ná gá nkpaa nyé ɨ́ móhó nyé ótíʼe mílɔ̌b wɨ́. Móhó waá, wé mû ó kúno epyâl.

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Lʉkas 3:6

Mʉr nyɨnyɛ̂h óbeě mpʉ̌ Nzyɛ̌m ótiʼ mɨ́ná gá yɨ́.”

Ebrœ̂ 10:29

Bʉr pǎ nyɛɛ́ jʉ́ŋɔɔ ɨ́ lɔ̌b ébɨ̌h bé sá métié mé Moyɨ̂z lɨ́, á dwɛʼra e mʉr dí etyéele Mwân mé Nzyɛ̌m sí mebo mé nyá! Nye ókʉ́ jala e bibɨ́bla bíntɨ́ʼá, laa náǎ, ɨ́ lɔ̌b jwɨʼ yé yɨ̂: metié Krîst á pyêl, lɨ́ esâ édwán é sáá e mé má, mé mû nye ó tʉ̂toʼó, nyɨɛ yɨ́ɛ sí pǎ pubɔɔ e tɨ̂! Bɨ̌n jwɨʼ nyá ɨ́ lɔ̌b mʉ̂r á pya Sísǐm mé Nzyɛ̌m wé á nyɛɛ sâ nye mpam wɨ́ nyá? Mʉr tɨ̂ʼ ókǎ sáŋɔɔ nyá ɛ́?

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Rôm 4:15

Ebě, metié mé Moyɨ̂z, mé abe e nyɔm waá. Bʉ̂r sí gbah métié maá nó, tyélá Nzyɛ̌m á tyêl bʉr metié wɨ́, ndumló tɨ̂, wé ó njɨ etó kwɨ́ɨ nkpáa mé Nzyɛ̌m. Yé bé metié abe nó, bʉr, bé á gwa gbah mé e nyáa nzɨ́?

Lʉkas 2:30

Ebě, míh mâm, mɨ́ beě twiʼ yô,

Mataos 25:46

Bʉr baá, bé ótô ɨ́ ntɨ́ʼá dí kɔ́m ti e kɔ́m yɨ́. Otîtyěl o bʉ̂r bɨ́ɛ, bé ótô ó, tó di ɨ́ twǐʼ njʉ̌m dǐ.»

Markus 16:16

Waá ngá dyɛ̂ʼwo e me, ntɔ̂ʼ duŋɔɔ nyá, ótiʼe. Waá ngá be, adyɛ̂ʼwo e me nyá, nyɨ́haá ó ngá dweŋɔɔ bíntɨ́ʼá bi dí ɨ́ buú bébe bí.

Yʉanes 4:36

Kpɛma mede, nye lɨ́ ebi myɛ́na mé. Sá nyé dí esyɛŋ yɨ́, yé ódǐ njʉ̌m dǐ e njʉ̌m dǐ. Nó ó, mbel mempeʼ, bé e kpɛma mede, bɨ́bɛ̂h, bé soho ó mbi ngwár e ngwár.

Yʉanes 6:58

Mede mâ, mé ó mede mé á duho ɨ́ jʉ́o kʉ́ má. Mé anwɨɨla e maá bímpám bín, byé á de, bíbyɛ̂h síe lɨ́ edwe má. Mʉr nyɨnyɛ̂h ngá de méde mâʼ nyá, ótiʼě njʉ̌m dǐ e njʉ̌m dǐ.»

Mɨlʉmlʉ 14:2

Bʉ́ʉ́ óYúden, baá bé á be adyɛ̂ʼwo e Nzyɛ̌m bá, bê nzě sôʼlo bʉ̂r o bíkúl bíswîh, tíne bé ó, bé díʼee e bijwɨʼ bí ébébe ɨ́ páʼ bɨ́ɔɔ́ bɨ́ná.

Ebrœ̂ 3:18

Nzyɛ̌m á káale ó: «Bʉr ópǎ bee gá nkʉ̂ bé ókǎ nî lɨ́ egbalá lâm!» Bʉr o nyé á lwib ɨ́ lɔ̌b wɔ́ɔ́ bá, bé onzé? Bé ó baá bé á sâ nye ebɨ̌h bá!

Ebrœ̂ 3:19

Sá tɨ̂ʼ ó mɨ́ná dí ebee gá ó, bé á bé anî lɨ́ egbalá lé yɨ́, ebě, bé á bé adyɛ̂ʼwo e né.