Yʉanes 3:31 - Kálar Nzyɛ̌m : Ejwán é Sáá

³¹ «Mʉr dúhó kʉ́ nyá ó láá bʉ̂r bɨ́bɛ̂h. Mʉr dí mʉr sí yɨ̂ʼ nyá, nyě gúmó ó e sí yɨ̂. Nyě jaá lwilwib ntémé ó, njɨ milɔ̌b mi kâ. Mʉr dí eduho ɨ́ jʉ́o kʉ́ nyá ó láá mʉ̂r nyɨnyɛ̂h.

Kálara Zyɛ̌m Edwán é mpʉ̌n

³¹ «Mʉr a duho é jobo kʉ ɨ, nye ó ndɨ elaa bʉr bɨbɛh. Mʉr si nwa, nye ekʉ joʼo ó njɨ mompaŋla mo si nwa. Nye elwib-lwib ó, njɨ mɨlɔb mɨ ka. Mʉr lé eduho é jobo kʉ ɨ, nyiha ó ndɨ elaa bʉr bɨbɛh.

Yʉanes 3:31 ပူးပေါင်းရင်းမြစ်များ

Yʉanes 8:23

Yésʉs, nye e bé ó: «Bɨ̌n bé ó bʉr ó sí. Mɛm, me ó mʉr kʉ́. Bɨ̌n gúmó ó e sí yɨ̂. Mɛm, mé agúmo e yê.

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Rôm 9:5

Bé ó dí mpóʼo mé Abraham, le Isaac ti e Yóseb. Krîst mʉr tɨ̂ʼ á byɛ̂l mʉr ó, ɨ́ kúl bʉ̂r yɔ́ɔ́. Kûm díʼee e Nzyɛ̌m, njwɨ́ɨ sá yɨ́yɛ̂h, njʉ̌m dǐ e njʉ̌m dǐ. Amɛn.

Yʉanes 6:33

Ebě, medě Nzyɛ̌m dí edwe má, mé ó mʉr á duho ɨ́ jʉ́o kʉ́ nyá. Nye ó mʉr dí edwe bʉ̂r twiʼ nyá.»

1 Yʉanes 4:5

Bɨ́ɛ, bé e twiʼ ó, yaá dí eduhǒ sí yɨ̂ʼ yɨ́. Sá tɨ̂ʼ ó bé dí elwib bísá bí sí yɨ̂, bʉr ó sí yɨ̂ʼ ntémé lɨ́ ekʉ́ jôʼlo bé yɨ́.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Mɨngwiha 19:16

Bé á si cɛma díé lé ɨ́ kán wé, le kʉ̌ wé. Bé á cɛma ó: Njwɨ́ɨ ojwɨ́ɨ, le Tî otî.

1 Pyɛr 3:22

Yésʉs waá á si bɨ́nɔɔ ɨ́ jʉ́o kʉ́. Nye mû ó lɨ́ mbó éjʉ́m mé Nzyɛ̌m Sɔ́ŋ, gúmó nyé dí ejwɨ́ɨ bééngeles, le misísǐm mi dí e jwɨ́ɨ le myaá mi dí e nkul mí yɨ́. Byé á si gbáŋɔɔ ɨ́ jwɨ́ɨ́ yé.

Yʉanes 1:27

Nye ó waá dí enze mé píhe nyá. Mé abě tyé mʉ̂r dí ó, me tíyɨɨ mikǒl mí ósípah myé nyá.»

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.

Ebrœ̂ 9:1

Saá Nzyɛ̌m á nyɛɛ tyêl páʼ nyɔ́ɔ́ e Moyɨ̂z nyɨ́, á be ó e metié e mempéné mé, mɨ́ɛ lɨ́ ejwɨ́ɨ̌ mbi mʉ̂r jálá le edwě Nzyɛ̌m kûm wɨ́. Nye á be ntémé ó e yʉ́ʉ́ gúmo ɨ́ sí yɨ̂ʼ lɨ́ esú é syɛ́ɛ́ yaá.

Yʉanes 1:30

Lɔ̌b wé ó mé á lɨlɛ́ɛ bɨ̌n, ó: “Mʉr, nye lɨ́ ebɔma mé píhe. Mʉr waá ó dí elaa mê, ebě, mɛm apǎ byɛ̂l, nyɨɛ á boo be ó tɨ̂.”

Yʉanes 1:15

Yʉánɛs á si boʼlo dumo e né. Nye á túno ó: “Mʉr mé á lɨ̂lɛɛ bɨ̌n ó nyâ. Nye ó waá dí enze mé píhe nyá. Nye lɨ́ elaa mê, ebě, me dína apǎ byɛ̂l, nye á boo be ó tɨ̂.”

Yʉanes 3:30

Kûm nyé ó dí ejala le ebwǎʼ bwaʼáa; nyaá nyǎm twâʼwǒ twáʼwáa.»