Yʉanes 3:27 - Kálar Nzyɛ̌m : Ejwán é Sáá

²⁷ Yʉánɛs, nye e bé ó: «Nzyɛ̌m bé adwe mʉ̂r sɔ̂ʼ nó, nyé abe e nkul ebi yê.

Kálara Zyɛ̌m Edwán é mpʉ̌n

²⁷ Yʉanes, nye e be ó: «ǃƗ Zyɛm si bene lé edwe mʉr sɔʼɔ nɛʼɛ, nye abe e nkul ebi ye.

Yʉanes 3:27 ပူးပေါင်းရင်းမြစ်များ

Jacques 1:17

bisá bíbyɛ̂h bi dí ɨ́ mbɨa bí, le mindwéá mi dí ɨ́ pémémé ɨ́ mipáʼ mímyɛ̂h mí, byé duho ó, ɨ́ jʉ́o kʉ́, kwá mé Nzyɛ̌m Sɔ́ŋ. Nzyɛ̌m ó b'á komlo ocwícwén, le dʉ́o ti e l'álomó. Nó ó, nyé abe lɨ́ ecéně mpʉ bísâ byaá dí ecéne bítyé byɔ́ɔ́ yɨ́. Nyé acéně mpʉ dʉ́o, sá dí edíme, kǎ líʼe bʉ̂r ɨ́ pyóo yɨ́.

1 Korɛnt 4:7

Nzé nyɨɛ á bɨ̂r gua kʉ́, laa bʉ̂r bɨ́bɛ̂h ɛ̌? Yé gó dí e yé, gó á be abǐ biʼée yɨ́? Yé bé sá yɨ́yɛ̂h gó dí e yé yɨ́, go á bi yé ó, biʼée nó, gǒ nkʉ́ná mpʉ̌ sá lɛ́ɛ́, yé abě ndwéá ɨ́ yé?

1 Korɛnt 15:10

Damá jóʼo nó, me mʉr milʉ́mlʉ́ ó, ɨ́ metyɛʼ me mpóm Nzyɛ̌m á sʉ me má. Nye á bé asʉ mé mǎ dwêh. Nye á sʉ me mǎ ó, me nkʉ̂ séa, laa bʉ́ʉ́ bʉ̂r o mílʉ́mlʉ́ bé bɨ́bɛ̂h. Lɨ́ otyeetye, ntʉ mé á séa. Metyɛʼ me mpóm me dí ɨ́ me má, mé ó dí esâ ó, me séaa.

Mataos 25:15

Nye ntɔ̂ʼ dwe mʉ̂r esôʼ mebɨ́ʼ bímɔnɨ́ bí gʉ̂l metɛ̂n, dwe waá mbá, mebɨ́ʼ bímɔnɨ́ bí gʉ̂l mebá. Waá lɛ̂l nyɨɛ á dweŋɔɔ ó, ebɨ̂ʼ egwár. Nye á dwe bé bǎ ó, lɨ́ edû mpʉ bʉ̂r baá, bé á be e nkul eséa e myé yɨ́. Píe tɨ̂, nye nzě tô ɨ́ tyen.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

Mataos 21:25

Nzé á lómo Yʉánɛs lɨ́ edu bʉ̂r? Nzê Nzyɛ̌m ó b'á lómo nye ɛ̌? Nzê bʉr ɛ̌?» Bê nzě timle tíá nyaá páʼ nyɔ́ɔ́. Bé ó: «Mɨ́ná bé óyala gá ó: “Nzyɛ̌m ó b'á lómo nye” nó, nye óbáʼǎ dî e mɨná gá ó: “Á bɨ̌n bɨɛ bé á bé abûʼla nyé ɨ́ yé ɛ́?”

Rôm 12:6

Nzyɛ̌m á dwe mɨná gá mindwéá ó, mimbi mimbi. Mpʉ nyé á kpɛl edwe mɨná gá mindwéá myaá yɨ́, nó ó, mʉ̂r nyɨnyɛ̂h jálá le eséǎ Nzyɛ̌m syɛ́ɛ́ yɨ́. Yé bé nye á si dwe go ndwéá égwîh mílɔ̌b myé nó, tóʼ le egwîh myé dóló ɨ́ nzɨ̌ búʼó.

Markus 13:34

Ebě, yé ónwɨɨla ó mpʉ mʉ̂r dí etô ɨ́ tyen, líʼě mbɛ̌r wé, kab ósyɛ̂l o mésá bé bisyɛ́ɛ́ byɔ́ɔ́, mʉr nyɨnyɛ̂h e yé sá ésâ, nzě lɛ́ɛ ndwéela ebê ó, nye díʼee ɨ́ doho yɨ́.

Éfɛsɔs 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ. Mě cɛmá ó, bɨ̌n, bʉr o dí egúmo e Yésʉs-Krîst, baá o dí bʉr o bé ébûʼlɔɔ, o dí [Éfɛsɔs] bá.

Galásia 1:1

Yé ó mɛm Pɔ̂l, mʉr milʉ́mlʉ́, ó dí ecɛma bɨ́n mekaná mâ. Mé abe ɨ́ milʉ́mlʉ́ mé nyʉ́ʉ́ mʉ̂r. Twárá mé á twárɔɔ wɨ́, wé á bé acɨɨ e nzɨ̌ mʉr. Yésʉs-Krîst, bé e Nzyɛ̌m Sɔ́ŋ, mʉr á pɛh nye, dwih nyé lɨ́ odwe nyá, bé ó b'á lómo me.

1 Korɛnt 12:11

Sísǐm ngwár e ngwár waá ó dí esâ bísyɛ́ɛla byaá bíbyɛ̂h. Sísǐm waá ntɨ́h mʉ̂r nyɨnyɛ̂h ndwéá wé ó mpʉ nyé kpɛ̂l yɨ́.

1 Korɛnt 3:5

Lɨ́ otyeetye, nzé dí Ápolos? Nzé dí Pɔ̂l? Bɨ̌h bé ó osúʼa bɨ́n, bʉr o b'á be bɨ̌n e nyɔm ó, bɨ̌n bûʼlaa bá. Mʉr nyɨnyɛ̂h, nye lɨ́ esâ syɛ́ɛla Tî Yésʉs á dwe nye ó, nye sâʼ yɨ́.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

1 Korɛnt 1:1

Yé ó mɛm Pɔ̂l, mʉ̌r Nzyɛ̌m á twâr ɨ́ lɔ̌b gwɨ́má yé ó, me díʼee mʉr milʉ́mlʉ́ mé Yésʉs-Krîst, bɨ̌h e mɨ́ɔɔ́ gá wɨ́ná Sostɛ̂n ó dí ecɛma bɨ́n mekaná mâ. Bɨ̌h cɛmá ó, bʉr ó Mbɛ̌r-Nzyɛ̌m dí Kórɨnt bá.

Yʉanes 6:65

Nye ntɔ̂ʼ báʼǎ lɛ́ɛ e bé ó: «Sá tɨ̂ʼ ó mê lɛ́ɛ́ e bɨ̌n ó, mʉr, nyé abe e nkul enze kwá nyǎm, nye l'apǎ nyɛɛ́ bi nkûl nyaá kwá mé Sɔ́ŋ wǎm yɨ́.»

Yʉanes 10:41

Bʉr ɨ́ buo buo nzě dû nko nyé á tô yɨ́. Bé ó: «Yʉánɛs á be ó, asâ damá jóʼo ésimá egwár. Sâ gwár, sá yɨ́yɛ̂h nyé á lɨlɛ́ɛ, dumo e mʉr nyâʼ yɨ́, yé kʉ́ be ó tyeetye.»