Yʉanes 3:26 - Kálar Nzyɛ̌m : Ejwán é Sáá

²⁶ Bê nzě tô nkǒ Yʉánɛs á be yɨ́. Bé e né ó: «Lɛ̂ʼla, ɨ́ sɔ́má bʉ̂r bɨ́n le onɔ́ɔ́ bé á be ɨ́ pɨ̌n díbé Yɔrdên kɔ́m nkɛ́ɛ́ bá, nzê go lɨ́ ekǎ símsa mʉ̂r gó á sêʼle nyá ɛ́? Ɨ́ báánâ, nyɨɛ ntémé mû ó lɨ́ edu bʉ̂r. Ntémé, bʉr bɨ́bɛ̂h mû jaá tô ó, njɨ kwá nyé.»

Kálara Zyɛ̌m Edwán é mpʉ̌n

²⁶ Bé ze to nko Yʉanes a be e, ze dîŋɔ e nye ó: «Yeʼle, zê go lé eka toŋlo mʉr go a seʼle-seʼle é sama bʉr yé a be bɨna ga dibe Yʉrdɛŋ nkɔm-nkɛɛ ɛ? Banana, nyɛɛ nteme mu ó lé edù bʉr! Bʉr nteme mu kʉ ka to ó njɨ boo nye!»

Yʉanes 3:26 ပူးပေါင်းရင်းမြစ်များ

Yʉanes 1:7

Nye á nze ó, lɨ́ enzě boʼlo ɨ́ lɔ̌b njʉl waá. Nye á nze ó, bʉr bɨ́bɛ̂h, bé dyɛ̂ʼwaa e Nzyɛ̌m ɨ́ lɔ̌b mboʼlá wé waá.

Yʉanes 12:19

OFarizyɛ̂n nzě nyɛl élwibla páʼ nyɔ́ɔ́. Bé ó: «Beyɨɨ gá, mɨná bé ákoʼo gá nye! Bʉr ó sí bɨ́bɛ̂h mû kǎ dû ó, njɨ nye omér.»

Yʉanes 11:48

Mɨ́ná sí bîr gá nye nɛ́ɛ: bʉr bɨ́bɛ̂h, bé ódyɛ̂ʼwo e né. Jɔʼ yaá, bʉr ó Rôm, bé ónze, nzě bʉ́ŋɔɔ̌ mpáh Nzyɛ̌m gá nyɨ́ná, le elwímla dɔ̂m e sí gá yɨ́ná.»

Yʉanes 1:15

Yʉánɛs á si boʼlo dumo e né. Nye á túno ó: “Mʉr mé á lɨ̂lɛɛ bɨ̌n ó nyâ. Nye ó waá dí enze mé píhe nyá. Nye lɨ́ elaa mê, ebě, me dína apǎ byɛ̂l, nye á boo be ó tɨ̂.”

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Yʉanes 1:9

Njʉl waá wé omér ó b'á pan mpǎŋ myɛ́n. Wé lɨ́ epǎn myɛ́n ɨ́ sí yɨ̂, lɨ́ ekʉn bʉ̂r bɨ́bɛ̂h nzɨ̌ twiʼ.

Mataos 23:7

Bé kpɨkpɛl ntémé ó, bʉr bɨ́baraa e bé le dúu ɨ́ buo buo ɨ́ bipátele le ejɨjébe bé ó: “Lɛ̂ʼlǎ nɨ́nɨ́ɨ́”.

Mataos 23:8

Mʉr ngwár ɨ́ sɔ́má yɨ́n sá abá bîr ó, bé jébaa nye “Rabbi”, ebě, lɛ̂ʼla wɨ́n, nye ó ngwár. Bɨ̌n bɨ́bɛ̂h, bé ó bɨ́ɔɔ́ e bɨ́ɔɔ́.

Yʉanes 4:1

Nó mpʉ̌ Yésʉs á nze jʉ̂ʼra ó, oFarizyɛ̂n, bɨ́ jóʼo ó, nye mû ó lɨ́ edulo ómpʉ́n le edu bʉ̂r, laǎ Yʉánɛs yɨ́, nye ntɔ̂ʼ duho ɨ́ sí Yʉ́da, nzě tô sí Galilê. (Lɨ́ otyeetye, ntʉ̌ Yésʉs mʉr tɨ̂ʼ á dudu bʉr. Ompʉ́n bé ó b'á dudu.)

Yʉanes 4:31

Jɔʼ yaá, ompʉ́n bé, bé á be lɨ́ ejɨʼla e Yésʉs ó, nye páa dě pêh dœʼ.

Yʉanes 5:33

Bɨ̌n bʉr o tɨ̂ʼ, bé á si lómo bʉr e mempáŋla kwá mé Yʉánɛs. Nye ntémé á si boʼlo lɨ́ otyeetye.