Yʉanes 3:19 - Kálar Nzyɛ̌m : Ejwán é Sáá

¹⁹ Mebě me mʉ̂r waá, mé duho ó, ɨ́ lɔ̌b njʉl mû sí pan ɨ́ sí yɨ̂ʼ wɨ́. Bʉr bɨ́ɛ kǎ kpɛl édúrʉ́ʉ́, laǎ njʉl waá, ebě, bé lɨ́ ebuú kpɛl ésâ mísyóm.

Kálara Zyɛ̌m Edwán é mpʉ̌n

¹⁹ «Mobe maa, mé ódweŋɔ ó, ebe, myɛn, wi ze pan, ze pyal é si nwa. Bʉr bɛɛ bula kpɛl edurʉ, laa myɛn, ebe, bɨsyɛɛla byɔɔ, byé é bebe.

Yʉanes 3:19 ပူးပေါင်းရင်းမြစ်များ

Yʉanes 8:12

Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

2 Tesalonika 2:12

Nó ó, bʉr o dí ebene ótyeetye, jaá kpɨkpɛ̌l njɨ bisyɛ́ɛla bi dí egbah métié bí bá, bɨ́bɛ̂h, bé ónʉa mébě tɨ̂.

Rôm 2:8

Bʉ́ʉ́ bʉ̂r, bé lɨ́ epɨra páʼ nyɔ́ɔ́. Bé akam ótyeetye. Bé jaá dû ó, njɨ kʉ̌ tyen ónzyɛ́h ónzyɛ́h. Bɨ́haá, bé ó baá Nzyɛ̌m óbuú lɛ̂ʼle nkpáa nyé bá.

Yʉanes 12:43

Ebě, bé á be ó lɨ́ ekpɛl kûm, nyaá dí eduho kwá bʉr nyɨ́, bene nyaá dí eduho kwá mé Nzyɛ̌m nyɨ́.

Rôm 1:32

Damá jóʼǒ mpʉ bʉ̂r baá, bé lɨ́ egʉ́a ó, Nzyɛ̌m á lɛ́ɛ ó, baá bɨ́bɛ̂h dí esâ mímbi mí ébébe myaá bá, bé dáʼré ó, eswie ɨ́ menyʉ́l mɔ́ɔ́ yɨ́, bɨ́ɛ, bé ó njɨ lɨ́ etô dóló le esɨsâ bísyɛ́ɛla byaá. Yé abě njɨ nó yé omér. Jɔʼ bé dí ebee bʉ́ʉ́ bʉ̂r lɨ́ esâ syóm yɨ́, bé e bisʉhʉʉ ɨ́ miléme. Bé e bé ó: «Sɨ́sáʼ gá njɨ mpʉ́nʉ̌.»

Yʉanes 5:44

Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

2 Pyɛr 3:3

Sá ésôʼ, gwá gʉ́a gá sɨ̂: ɨ́ melú mé ósûʼla má, yé óbe ó e bʉr o ngá kpɛl étíʼě mpʉ bígwɨ́má byɔ́ɔ́ dí etíne bé yɨ́ bá. Bé óbe ó bʉr ó pyêh,

Yʉanes 1:4

Twiʼ, yé á be ó ɨ́ Lwǐb. Twiʼ yaá, yé ó b'á be njʉl wé á pan myɛ́n ɨ́ bʉr wɨ́.

Lʉkas 12:47

«Syɛ̂l mesâ mû sí boó gʉ́a bígwɨ́má bí sɔ́ŋ wé, nyɨɛ yɨ́ɛ akomlo nyé mʉr tɨ̂, nkʉ̂ lóŋlo bígwɨ́má byaá nyá, óŋmɛ́hɔɔ míngáhá ɨ́ buo buo.

1 Pyɛr 2:8

Mekaná mé Nzyɛ̌m, mé lɨ́ elɛ́ɛ, dumo e Krîst ó: «Ekóʼ lé écwehle bʉ̂r, lé ó ebɔ̌ʼ ngá bɨma bʉ̂r ó, bé twêʼ ɨ́ nkɨ́ŋlɨ́m lɨ́.» Bé jaá twitwe ó, njɨ nko bé dí abûʼlǎ lɔ́ɔ́ mé Nzyɛ̌m yɨ́. Nkɔ̌b Nzyɛ̌m á boo dwe bé nyɨ́ ó tɨ̂ʼ nyɨ́.

Yʉanes 7:7

Bʉr ó sí yɨ̂, bé abe e nkul enwim bɨ́n. Bé nwím ó mɛm, ebe mé dí egwîh ó, bisyɛ́ɛla bé dí esâ bí, byé ɨ́ bébe.

Yʉanes 7:17

Mʉr dí egwɨ̂m ésâ bígwɨ́má mé Nzyɛ̌m nyá, ógʉ́ǎ gúmó lɛ́ʼlá wâm, wé á duho yɨ́: nkʉ̂ wé á duho ó, kwá mé Nzyɛ̌m, nkʉ̂ mě lwǐb ó e nkul nyǎm, mɛm mʉr tɨ̂.

Lʉkas 16:14

OFarizyɛ̂n, bé á be ó lɨ́ ejóʼo mílɔ̌b myaá mímyɛ̂h, ntɔ̂ʼ táare épya nyê, ebě, bé á be ɨ́ buú kpɛ̌l mɔnɨ́, ntaa sʉ́ŋa.

Yʉanes 1:5

Njʉl waá, wé lɨ́ epǎn myɛ́n ɨ́ súm édúrʉ́ʉ́ á go yɨ́; edúrʉ́ʉ́ l'anʉa wê.

Yʉanes 9:5

Jɔʼ yɨ́yɛ̂h mé dína ɨ́ sí yɨ̂ʼ yɨ́, me ó dí njʉl dí ɨ́ sí yɨ̂ʼ wɨ́.»

Yʉanes 12:31

Báánâʼ mû ó jɔ̌ʼ lɔ̌b sí yɨ̂ʼ múo nzě tîʼ yɨ́. Ɨ́ báánâ, njwɨ́ɨ sí yɨ̂, múo nzě soŋɔɔ.

Yʉanes 12:46

Mɛm á nze ɨ́ sí yɨ̂ʼ ó, me pánaa myɛ́n, ó mʉr nyɨnyɛ̂h dí edyêʼ koo e me nyá, nkʉ̂ duho lɨ́ edúrʉ́ʉ́, tô pyâl ɨ́ myɛ́n.