Yʉanes 3:13 - Kálar Nzyɛ̌m : Ejwán é Sáá

¹³ Abe e mʉr ngwár dí ɨ́ pǎ bére, tó kumo ɨ́ jʉ́o kʉ́, píe Mwân mé Mʉr, mʉr á duho ɨ́ jʉ́o kʉ́ nyá.

Kálara Zyɛ̌m Edwán é mpʉ̌n

¹³ Abe e mʉr ngwar ndɨ si pa bere, to pyal é jobo kʉ, pie Mwan mo Mʉr, mʉr a duho é jobo kʉ, ze kaʼ é si nwaʼ ɛ.

Yʉanes 3:13 ပူးပေါင်းရင်းမြစ်များ

Yʉanes 6:38

Ebě, me á bé aduho ɨ́ jʉ́o kʉ́, lɨ́ enzě sâ gwɨ́má yâm, njɨ gwɨ́má mʉ̂r á ntɨh me nyá.

Mɨlʉmlʉ 2:34

Ntʉ̌ David mʉr tɨ̂ʼ á bére kʉ́. Nye á lɛ́ɛ ó: : Dâ Nzyɛ̌m á lɛ́ɛ e Tî wǎm ó: “Diʼee sí wâ, ɨ́ páʼ mbó éjʉ́m wâm. Go e bónó ɨ́ puuu náǎ,

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

1 Korɛnt 15:47

Ádam esôʼ á meŋɔɔ ó e bibwǎh. Ádam mbá á duho ó, ɨ́ jʉ́o kʉ́.

Yʉanes 13:3

Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.

Rôm 10:6

Tó kœb ó, yé e nzɨ̌ swîh ebi nkâm ɨ́ míh mé Nzyɛ̌m. Bʉr o dí ebúʼla nyé bá, bé ó dí ecɨɨ tɨ̂, ntɔ̂ʼ bi nkâm nyaá mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá alɛ́ɛ ɨ́ lémé gô tʉ́ŋlʉ̌ ó: Nzé óbére ɨ́ jʉ́o kʉ́? (Nó yé lɛ́ɛ́ ó: mʉ̌r sá apahle ó, yé e nyʉ́ʉ́ mʉ̂r óbére ɨ́ jʉ́o kʉ́, lɨ́ etó jébě Krîst, ó nye súlaa sí nyá.)

Yʉanes 6:62

Yé ókǎ sâ bɨ́n nyá, ɨ́ jɔʼ bɨ́n óbee Mwân mé Mʉr lɨ́ ebúla, bére, swîʼ, tô nko nyé á nyɛɛ bɨbe yɨ́?

Yʉanes 3:31

«Mʉr dúhó kʉ́ nyá ó láá bʉ̂r bɨ́bɛ̂h. Mʉr dí mʉr sí yɨ̂ʼ nyá, nyě gúmó ó e sí yɨ̂. Nyě jaá lwilwib ntémé ó, njɨ milɔ̌b mi kâ. Mʉr dí eduho ɨ́ jʉ́o kʉ́ nyá ó láá mʉ̂r nyɨnyɛ̂h.

Yʉanes 6:46

Nó ó, yé alɛ̂ʼle ó, nyʉ́ʉ́ mʉ̂r á be ɨ́ beě Nzyɛ̌m Sɔ́ŋ. Waá á duho kwá mé Nzyɛ̌m nyá nyɨɛ, nye omér ó b'á bee nye.

Yʉanes 6:42

Bé ntɔ̂ʼ díila ó: «Ntʉ̌ Yésʉs, mwân mé Yóseb nyâʼ ɛ̌? Mɨná bé lɨ́ ekʉ́ gʉ́a gá sɔ́ŋ wé, bé e nyɔ̌ŋ wé. Wáǎ mbi nyé dí elɛ́ɛ e mɨná gá báánâʼ ó, nye á duho ó kʉ́ yɨ́ ɛ́?»

Yʉanes 17:5

Nó ó, dâ, ɨ́ báánâ, dwéʼ mé kûm nyǒ, kûm mé á be e né kwá nyǒ, sí yɨ̂ʼ apǎ be nyɨ́.

Yʉanes 8:42

Yésʉs, nye e bé ó: «Yé bé Nzyɛ̌m, nyě tyeetye ó Sɔ́ŋ wɨ́n nó, lɛ́ɛ́, bɨ̌n bé lɨ́ ekpɛl mê, ebě, me á duho ó kwá mé Nzyɛ̌m. Me ntémé, me wâʼ ó ɨ́ nkul nyé. Me á bé anze ɨ́ gwɨ́má yâm, mɛm mʉr tɨ̂. Nye ó b'á lómo me.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Yʉanes 6:33

Ebě, medě Nzyɛ̌m dí edwe má, mé ó mʉr á duho ɨ́ jʉ́o kʉ́ nyá. Nye ó mʉr dí edwe bʉ̂r twiʼ nyá.»

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Mataos 28:20

Bɨ̌n a lɛ́ʼlé bê, ó bé bâʼlaa bisá bíbyɛ̂h mé á boo lɛ́ɛ bɨ̌n bí. Gʉ́ŋáá gá ó: me ódi e bɨ̌n melú mɨ́mɛ̂h, tó pyâl pyáláa ɨ́ jɔʼ mpóʼo sí yɨ̂ʼ ósíe yɨ́.»

Éfɛsɔs 1:23

Mbɛ̌r-Nzyɛ̌m, wé ó nyʉ̂l mé Krîst. Krîst, nye ó lwɨ́ŋlá ɨ́ Mbɛ̌r-Nzyɛ̌m ɨ́ gúmó yɨ́yɛ̂h. Krîst ngwár e ngwár waá ntémé ó dí elóno ɨ́ mpóʼo nyɨnyɛ̂h nyá.

Mataos 8:20

Yésʉs nzě yala e né ó: «Ompɔ̌ʼ, bé ó e mekul. Binʉ̌n e mɔʼ. Sâ gwár, Mwân mé Mʉr, nyé abe e gúmó nyé kɛ́lɨɨ lʉ̂.»

Yʉanes 3:12

Bɨ̌n apǎ nyɛɛ́ kam ɨ́ jɔʼ mé dí elɛ́ɛ bɨ́n bisâ bi dí esyɛ́ɛ ɨ́ sí yɨ̂ʼ bí. Nzê bɨ̌n bé óbuú kam ɨ́ jɔʼ mé lɛ́ɛ́ bɨ́n byaá bi dí esyɛ́ɛ ɨ́ jʉ́o kʉ́ bí ɛ́?