Yʉanes 3:12 - Kálar Nzyɛ̌m : Ejwán é Sáá

¹² Bɨ̌n apǎ nyɛɛ́ kam ɨ́ jɔʼ mé dí elɛ́ɛ bɨ́n bisâ bi dí esyɛ́ɛ ɨ́ sí yɨ̂ʼ bí. Nzê bɨ̌n bé óbuú kam ɨ́ jɔʼ mé lɛ́ɛ́ bɨ́n byaá bi dí esyɛ́ɛ ɨ́ jʉ́o kʉ́ bí ɛ́?

Kálara Zyɛ̌m Edwán é mpʉ̌n

¹² Bɨn l'apa buʼla é jɔʼ me lé elɛɛ bɨn bɨsa lé esyɛɛlɨ é si nwaʼ ɛ, zê bɨn bé óbul buʼla ó, é jɔʼ me ólɛɛ bɨn byaa lé esyɛɛlɨ é jobo kʉ ɨ?

Yʉanes 3:12 ပူးပေါင်းရင်းမြစ်များ

Ebrœ̂ 5:11

Bɨ̌h bé ɨ́ buo mílɛ́ʼlá mí édwe ɨ́ lɔ̌b wɨ̂. Sâ gwár, yé ɨ́ buú kɔbla lɨ́ edwe bɨ́n myǎ, ɨ́ lɔ̌b élele e mílémé mín lɨ́ enʉa mílɛ́ʼlá myaá.

Yʉanes 3:8

Pubó laa ó, gúmó yé kpɛ̂l yɨ́. Gua jaá jóʼo ó, njɨ duú yé, agʉ́a yɨ́ɛ nko yé dí eduho, ndu e nko yé dí etô yɨ́. Mʉr nyɨnyɛ̂h mû mbyɛ́á ɨ́ lɔ̌b nkûl Sísǐm mé Nzyɛ̌m dí e nye nyɨ́ʼ, nyě byɛ́l ó nó.»

Yʉanes 3:5

Yésʉs, nye ó: «Me lɨ́ elɛ́ɛ gó lɨ́ otyeetye ó, mʉ̂r óbe, abyɛ̂l mbyɛ́lá médíbé e waá Sísǐm nó, nyé abe e nkul enî ɨ́ Mpóʼo mé Nzyɛ̌m.

1 Yʉanes 4:10

Kpɛ̌l mpâ ó yɨ̂: yé abe yaá mɨ́ná dí elɛ̂ʼle gá Nzyɛ̌m yɨ́. Yé ó yaá nyɨ́ɛ á lɛ̂ʼle mɨná gá yɨ́, ebě, nye á si ntɨh mɨná gá Mwân wé. Nye ó mʉr á búra le syóm wɨ́ná nyá. Nye ntémé ó b'á leʼe nkpaa mé Nzyɛ̌m.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Yʉanes 3:11

Me lɨ́ elɛ́ɛ gó lɨ́ otyeetye ó, me lɨ́ eboʼlo mílɔ̌b mé dí egʉ́a mí. Mě lɛ́ɛ́ ntémé ó, sá mé á bee yɨ́. Sâ gwár, bɨ̌n bé akpɛl ékǎm lɔ́ɔ́ wâm.