Yʉanes 3:11 - Kálar Nzyɛ̌m : Ejwán é Sáá

¹¹ Me lɨ́ elɛ́ɛ gó lɨ́ otyeetye ó, me lɨ́ eboʼlo mílɔ̌b mé dí egʉ́a mí. Mě lɛ́ɛ́ ntémé ó, sá mé á bee yɨ́. Sâ gwár, bɨ̌n bé akpɛl ékǎm lɔ́ɔ́ wâm.

Kálara Zyɛ̌m Edwán é mpʉ̌n

¹¹ Me elɛɛ go cyecye ó nɛɛ: bɨh bé elwib é mɨlɔb bɨh lé egʉa ɛ. Bɨh bé eboʼlo nteme ó, é lɔb sa bɨh a bee e. Sa gwar, bɨn bé akpɛl mɛʼle lɔɔ wih.

Yʉanes 3:11 ပူးပေါင်းရင်းမြစ်များ

Yʉanes 8:38

Me lɨ́ elɛ́ɛ ó, sá mé á bee kwá Sɔ́ŋ wǎm yɨ́. Bɨ̌n bɨɛ̌ sá ó, sá wɨ́n sɔ́ŋ á lɛ́ɛ bɨ̌n yɨ́.»

Yʉanes 14:24

Mʉr dí akpɛl mé nyá, nyé abe e nkul ebaʼle mékǎn mé dí elɛ́ɛ má. Sá bɨ́n dí ejóʼo, mé dí elɛ́ɛ yɨ̂, yé abě lɔ́ɔ́ wâm. Yé duho ó, kwá mé Sɔ́ŋ wǎm, mʉr á ntɨh me nyá.

Yʉanes 12:49

Ebě, me á bé alwib yʉ́ʉ́ sɔ̂ʼ e mɛm mʉr tɨ̂. Sɔ́ŋ wǎm, mʉr á ntɨh me nyá ó b'á lɛ́ɛ me sá mé jálá le elɛ́ɛ bɨ́n yɨ́.

Yʉanes 8:14

Yésʉs, nye e bé ó: «Mě damá boʼlǒ lɔ̌b wâm mɛm mʉr tɨ̂, sá mé dí elɛ́ɛ yɨ́, yé kʉ́ be ó tyeetye, ebě, me lɨ́ egʉ́ǎ nko mé á duho, ndu e nko mé dí etô yɨ́. Sâ gwár, bɨ̌n bɨɛ, bé agʉ́ǎ nko mé á duho yɨ́, nkʉ̂ páʼ mé dí etô wɨ́.

Yʉanes 7:16

Yésʉs, nye e bé ó: «Milɛ́ʼlá mé dí edwe mî, myé abě njɨ milɛ́ʼlá myâm. Myé duho ó ɨ́ mʉr á ntɨh me nyá.

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Yʉanes 1:11

Nye á nze ó ɨ́ sí yé, ánta nye. Sâ gwár, bʉr bé, anʉa nyê.

Lʉkas 10:22

«Sɔ́ŋ wǎm á si dwe me bisá bíbyɛ̂h. Abe e mʉr dí egʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.»

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Mɨlʉmlʉ 22:18

Me á bee ó Tî Yésʉs. Nó nyé á lɛ́ɛ e me ó: “Sáʼ kám e kám, go kpâhwa pʉʼa ɨ́ Yerʉ́zalɛm, ebě, bʉr o tɨ̂, bé ákǎm sá gó ngá lɛ́ɛ bé, dumo e me yɨ́.”

Yʉanes 5:43

Mɛm á nze ó ɨ́ díé mé Sɔ́ŋ wǎm, bɨ̌n l'akpɛl énʉa mê. Sâ gwár, nyʉ́ʉ́ mʉ̂r ká nze ɨ́ lé díe nye mʉr tɨ̂ʼ nɛ́ɛ: bɨ̌n bé ónʉa nyê.

Yʉanes 3:13

Abe e mʉr ngwár dí ɨ́ pǎ bére, tó kumo ɨ́ jʉ́o kʉ́, píe Mwân mé Mʉr, mʉr á duho ɨ́ jʉ́o kʉ́ nyá.

Yʉanes 3:5

Yésʉs, nye ó: «Me lɨ́ elɛ́ɛ gó lɨ́ otyeetye ó, mʉ̂r óbe, abyɛ̂l mbyɛ́lá médíbé e waá Sísǐm nó, nyé abe e nkul enî ɨ́ Mpóʼo mé Nzyɛ̌m.

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Mataos 23:37

«Yerʉ́zalɛm, Yerʉ́zalɛm, gua mʉr dí ejʉ̂ ógwíha o mílɔ̌b le elúmo baá Nzyɛ̌m dí elómlo gó bá mekóʼ nyá! Nzɔʼ ntíá mé á be lɨ́ egwɨ̂m ésyɛŋ bwán bô mpʉ ábyɛɛ́-kúo dí esyɛŋ bwán bé sí mempabaá mé yɨ́? Bɨ̌n bɨɛ bɨbené benáa!

Mataos 11:27

Sɔ́ŋ wǎm á si dwe me bisá bíbyɛ̂h. Abe e mʉr dí egwá gʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egwá gʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.

Mɨngwiha 3:14

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Laodiséa wɨ́ nyá. Lɛ́yɨ́ɨ́ nyé ó: Waá dí e díe ó, “Amɛn”, dí ntémé mboʼlo mpâ, mʉr ebúʼlɔɔ. Nye ó waá Nzyɛ̌m á kuho kʉ́ e sí ɨ́ nzɨ̌ nyé nyá. Nyě lɛ́ɛ́ gó ó:

Yʉanes 3:12

Bɨ̌n apǎ nyɛɛ́ kam ɨ́ jɔʼ mé dí elɛ́ɛ bɨ́n bisâ bi dí esyɛ́ɛ ɨ́ sí yɨ̂ʼ bí. Nzê bɨ̌n bé óbuú kam ɨ́ jɔʼ mé lɛ́ɛ́ bɨ́n byaá bi dí esyɛ́ɛ ɨ́ jʉ́o kʉ́ bí ɛ́?

Yʉanes 8:26

Me ɨ́ buo bísá bí élɛ́ɛ ɨ́ lɔ̌b wɨ́n. Milɔ̌b mín mé jálá le etíʼe mí, myé ɨ́ buo. Mʉr á ntɨh me nyá, lɛ́ɛ́ ó otyeetye. Mɛ̌m jaá lɨlɛ́ɛ ó, njɨ sá mé á jɨ̂ʼ kwá nyé yɨ́.»