Yʉanes 21:7 - Kálar Nzyɛ̌m : Ejwán é Sáá

⁷ Mpʉ́n Yésʉs á be ɨ́ buú kpɛl nyá, nye e Pétrus ó: «Tî Yésʉs ó nɨ̌!» Jɔ̌ʼ Pétrus á jóʼo ó, “Yé ó Tî Yésʉs” yɨ́, nye ntɔ̂ʼ bwâr kʉ̂r wé, ebě, nye á be ó suswáh. Nye nzě guho nyʉ̂l ɨ́ medíbé.

Kálara Zyɛ̌m Edwán é mpʉ̌n

⁷ Mpʉn Yesʉs a bul kpɛl ɨ, nye e Pyɛr ó: «Da ó nɨ!» Jɨh tɨʼ Simɔn Pyɛr a kʉ joʼo ó, «Yé ó Da», nye ntɔʼ ze bwar len kʉr we, ebe, nye a be ó fufwah. Nye ntɔʼ ze guho nyʉl é modibe maŋ.

Yʉanes 21:7 ပူးပေါင်းရင်းမြစ်များ

Yʉanes 13:23

Nyʉ́ʉ́ mpʉ́n Yésʉs á bu kpɛl nyá, á be ó bǎʼ e Yésʉs, lʉ́ wé lɨ́ edyɛ̂ʼwo ɨ́ bɨr mé Yésʉs.

Yʉanes 20:2

Nye ntɔ̂ʼ búla e kám, tó beě Simon Pétrus, bé e nyʉ́ʉ́ mpʉ́n, waá Yésʉs á bu kpɛl nyá. Nye ó: «Bɨ́ pɛʼ Tî Yésʉs ɨ́ soo! Bɨ̌h bé agʉ́ǎ nko bê tó e né yɨ́!»

Yʉanes 19:26

Yésʉs nzě bee nyɔ́ŋ lɨ́ etyɛ̂b bǎʼ e né, bé e mpʉ́n nyé á bu kpɛl nyá. Nye e nyɔ̌ŋ wé ó: «Mʉmá, bee mwánǒ?»

2 Korɛnt 5:14

Sá dí etíne bɨ́h, ó bɨ̌h túnaa Mbɨambɨa Lɔ́ɔ́ mé Nzyɛ̌m yɨ́, yé ó kpɛ̌l Krîst á gbâ bɨ̌h ɨ́ miléme yɨ́. Mbeá wɨ́h, wé ó, mpʉ mʉ̂r ngwár á dwe lɨ́ ebúra e bʉr bɨ́bɛ̂h yɨ́, yé lɛ́ʼlé mɨ́ná gá ó, bʉr bɨ́bɛ̂h, bé á si dwe.

Yʉanes 21:24

Mʉr dí eboʼlo le ecɛma bísá bîʼ nyá, nye ó mpʉ́n mé Yésʉs waá. Bɨ̌h bé lɨ́ ekʉ́ gʉ́a ó, bisá nyé dí eboʼlo bí, byé ó tyeetye.

Yʉanes 21:20

Jɔ̌ʼ Pétrus á dwira píhe yɨ́, nye nzě bee mpʉ́n Yésʉs á be ɨ́ buú kpɛl nyá, lɨ́ enze píhe. (Nye ó b'á dyêʼ lʉ̂ wé ɨ́ bɨr mé Yésʉs ɨ́ jɔʼ bé á be lɨ́ ede ɨ́ nzɔɔ yɨ́. Nye ntémé ó b'á dî ó: “Dâ ɛ̌, nzé óbɛ́ma gô?”)

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.

Mɨlʉmlʉ 2:36

«Bʉr bɨ́bɛ̂h o dí wâʼ ɨ́ sí Ɨ́zraɛ̂l bá, bé lɨ́ ekʉ́ gʉ́ǎ lɔ̌b waá: Yésʉs waá, nye ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá. Nye ó Nzyɛ̌m á tyêl Tî gá wɨ́ná, waá nyé á lœm múló mé jwɨ́ɨ nyá.»

Lʉkas 7:47

Sá tɨ̂ʼ ó mé dí elɛ́ɛ gó ó: mpʉ nyé mû sí lɛ̂ʼle mpwâʼ kpɛ̌l yé nó yɨ́, yé lɛ́ʼlé ó, Nzyɛ̌m, nyɨ́ pɛʼ nyé bibaa bí ébébe bíbyɛ̂h nyé á niʼe lɨ́ lɔ̌b mísyóm myé bí. Myé ntémé, myé á be ó, ɨ buú buo! Nó ó, ɨ́ jɔ̌ʼ Nzyɛ̌m ópɛʼ bíbaa bí ébébe bá bím yɨ́, mʉr á pɛʼɔɔ bibaa byaá nyá, ókpɛ̌l Nzyɛ̌m ó bá bím.»

Lʉkas 2:11

Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!

Markus 11:3

Mʉ̂r sí dî e bɨ̌n ó: “Bɨ̌n sá mpʉ́nʉ̌ ɨ́ yé ɛ́?” nó, bɨ̌n e yálá e né ó: “Ebě, Dâ, nye lɨ́ egwɨ̂m yê.” Nyé okpâhwǎ lómlo yé kâʼ báánâ.»

Jacques 2:1

Bɨ́ɔɔ́ bâm! Okɛ́l bâm! Yé ɨ́ mbɨǎ mpʉ bɨ́n dí edyêʼ koo e Tî gá wɨ́ná Yésʉs-Krîst, waá mɨ́ná dí egúmlo gá nyá yɨ́. Sâ gwár, sá adwáawo bʉ́ʉ́ bʉ̂r mempǒm, pyêh bʉ́ʉ́.

1 Korɛnt 15:47

Ádam esôʼ á meŋɔɔ ó e bibwǎh. Ádam mbá á duho ó, ɨ́ jʉ́o kʉ́.

Yʉanes 20:28

Thomas nzě lɛ́ɛ e né ó: «Tî wǎm! Nzyɛ̌m wǎm!»

Yʉanes 20:20

Jɔʼ nyé á be ɨ́ lɛ́ɛ bé nó yɨ́, nye nzě lɛ̂ʼle bé mebó mé ti e bimpah byé. Ompʉ́n bé kʉ́ nzě buú soho lɨ́ ebee Tî Yésʉs.

Lʉkas 12:35

«Píláá gá menkwán. Bɨ̌n e túmó méláma mɨ́n.

Yʉanes 21:8

Bʉ́ʉ́ ómpʉ́n ntɔ̂ʼ dúʼo byɛ̂l, lɨ́ enze le edulo óntâm lwɨ́ŋlá le osû. (Bé á bé abuú cɛra le ebʉ̂m, bɛ̌m be óméra nter.)