Yʉanes 21:16 - Kálar Nzyɛ̌m : Ejwán é Sáá

¹⁶ Nye nzě báʼǎ dî e né ɨ́ jɔʼ mbá ó: «Simon, mwân mé Yʉánɛs, nzê gʉ́ kpɛl mé ɛ̌?» Nye e né ó: «Eee, Dâ, go lɨ́ egʉ́a ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Kálara Zyɛ̌m Edwán é mpʉ̌n

¹⁶ Nye ze dî e nye é jɔʼ mba ó: «Simɔn, mwan mo Yʉanes, zê go lé ekpɛl me ɛ?» Nye e nye ó: «Eee, Da, go egʉa ó, me ekpɛl go.» Yesʉs, nye e nye ó: «Kobla daa e bɨntœme lam.»

Yʉanes 21:16 ပူးပေါင်းရင်းမြစ်များ

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

1 Pyɛr 5:2

Baʼlaa gá daa e bínteme mé Nzyɛ̌m nyé á tímle bɨ̌n lɨ́. Kʉ́ gwá pála gá Mbɛ̌r-Nzyɛ̌m, abe yɨ́ɛ mpʉ̌ sá lɛ́ɛ́, bɨ̌n bé ó lɨ́ bi ó, bɨ̌n séaa syɛ́ɛ́ yaá. Kamaa gá syɛ́ɛ́ mpɔ̂ʼlʉ yɨ́n ɨ́ lɔ̌b gwɨ́má mílémé mín. Séáá gá nó e jwɨʼ ó, bɨ̌n séá ó Nzyɛ̌m syɛ́ɛ́. Mʉ̌r sá abaʼlě Mbɛ̌r-Nzyɛ̌m lɨ́ esú lé élóŋlo bígwɨ́má bímɔnɨ́ ɨ́ menzɨ̌ me dí onzyɛ́h ónzyɛ́h má. Nye sâʼ nó ɨ́ gwɨ́má lémé wé.

1 Pyɛr 2:25

Ebě, bɨ̌n bé á be ɨ́ melú mé épíhe ó, mpʉ bínteme byé á dîm bí. Nó ɨ́ báánâ, bɨ̌n mû ó sí swîʼ, tó kœb mbɔ̂ʼlʉ wɨ́n. Nye ntémé ó pá di mbɔ̂ʼlʉ misísǐm mín.

Ebrœ̂ 13:20

Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

Yʉanes 18:25

Bím bé á didi náǎ yɨ́, Simon Pétrus nyɨɛ lɨ́ edwáblě siʼe. Bê nzě dî e né ó: «Nzê go ntémé, go ó mpʉ́n mʉr nyâʼ ɛ̌?» Pétrus nzě kɛ́la. Nye e né ó: «Abe mɛ̂m da! Mɛm mé abe nyê!»

Yʉanes 18:17

Mʉmá á be lɨ́ edwéele ébê nyá, nye e Pétrus ó: «Nzê gua ntémé, go ó nyʉ́ʉ́ mpʉ́n mʉr nyâʼ ɛ̌?» Pétrus, nye ó: «Abe mɛ̂m da!»

Lʉkas 19:10

Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Mataos 26:72

Nye ntémé ntɔ̂ʼ báʼǎ kɛ́la le entaa mínkâl. Nye e né ó: «Mé agʉ́a mʉ̂r nɨ̌.»

Mataos 25:32

Nó ó, bikúl bíbyɛ̂h, byé óswâl ɨ́ míh mé. Nye óbɛ̂ʼ bʉ̂r ɨ́ mpʉ pála bitab dí egbâ mbɔ́ʼ páʼ binteme le ontamakǎ yɨ́.

Mataos 2:6

“Gua, Bétɛlɛhɛm, nkanǎ Yʉ́da, gó abuú twâʼwo ɨ́ bím bínkana bí dí ejwɨ́ɨ ɨ́ Yʉ́da bí, ebě, ɨ́ mbɛ̌r bʉ̂r gô ó ngá pyâl njwɨ́ɨbʉr ngá pála bínteme byâm, Ɨ́zraɛ̂l nyá.”»

Mɨngwiha 7:17

Ebě, Mâ Nteme dí témé mecwɨ́ɨ́ mé jwɨ́ɨ nyá ó dí mbɔʼlʉ wɔ́ɔ́. Nye ótô e bé, tó pyâl lɨ́ enó e dí tɨ̂ʼ lɨ́, gúmó médíbé mé twiʼ dí eduho yɨ́. Nzyɛ̌m ótin bé myɛ́ɛlé mɨ́mɛ̂h ɨ́ mîh.»

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»