Yʉanes 20:23 - Kálar Nzyɛ̌m : Ejwán é Sáá

²³ Bɨ́n ópɛʼ bíbaa bɨ́n á niʼe ɨ́ lɔ̌b syóm mé nyʉ́ʉ́ mʉ̂r bí nó, Nzyɛ̌m ntémé ópɛʼ bíbaa nyé mʉr tɨ̂ʼ á niʼe ɨ́ lɔ̌b mísyóm myaá bí. Mʉr nyɨnyɛ̂h bɨ́n óbe, apɛʼ bíbaa bí ébébe nyá, Nzyɛ̌m ntémé, nye ákóʼó pɛʼ nyé byaá byé.»

Kálara Zyɛ̌m Edwán é mpʉ̌n

²³ Mʉr nyiwɛh bɨn bé ópɛʼ bɨbaa bɨn bé a niʼe é lɔb mɨsyem mye e, Zyɛm nteme ópɛʼ bɨbaa nye mʉr tɨʼ a niʼe é lɔb mɨsyem myaa ɛ. Mʉr nyiwɛh bɨn bé ódi, apɛʼ bɨbaa bɨ ebebe bye e, Zyɛm nteme ódi, apɛʼ nye bya.»

Yʉanes 20:23 ပူးပေါင်းရင်းမြစ်များ

Mataos 18:18

«Mě lɛ́ɛ́ bɨ́n lɨ́ otyeetye ó, sá bɨ́n ngá kamle ɨ́ sí yɨ̂ʼ yɨ́, yé díʼee sâ gwár yé á pa kamlɔɔ kʉ́ yɨ́. Yaá bɨ́n ngá kam ɨ́ sí yɨ̂ʼ yɨ́, yé díʼee ntémé yaá Nzyɛ̌m á boo kam ɨ́ jʉ́o kʉ́ yɨ́.

Mataos 16:19

Me ódwe gó sab Mpóʼo mé Dâ Nzyɛ̌m. Nó sá gó ngá kamle ɨ́ sí yɨ̂ʼ yɨ́, yé díʼee sâ gwár yé á pa kamlɔɔ kʉ́ yɨ́. Yaá ntémé gó ngá kam ɨ́ sí yɨ̂ʼ yɨ́, yé díʼee ntémé yaá Nzyɛ̌m á boo kam yɨ́.»

1 Timotɛ 1:20

Ɨ́ sɔ́má bʉ̂r yaá, yé ó Iménaus ndu e l'Alɛ́kzaŋdros. Bé ó mé á dwe Sátan ó, nye lɛ̂ʼlaa bé túú, bé nkʉ̂ gwâʼ ésâ Nzyɛ̌m nkěh.

Mɨlʉmlʉ 10:43

Ogwíha o mílɔ̌b bɨ́bɛ̂h, bé á si lwib, dumo e né. Bé á lɛ́ɛ ó, mʉr nyɨnyɛ̂h ódyêʼ koo e né nyá, Nzyɛ̌m ópɛʼ bíbaa nyé dí eniʼe ɨ́ lɔ̌b mísyóm myé bí. Nye ósâ nó ó, ɨ́ lɔ̌b mé Yésʉs.»

Mɨlʉmlʉ 2:38

Nó ó Pétrus á yala e bé ó: «Túmáá gá mikoo e misyóm mín. Bɨ̌n a dwírá míléme. Mʉr nyɨnyɛ̂h ɨ́ sɔ́má yɨ́n, nye dúŋɔɔ ɨ́ díé mé Yésʉs-Krîst, Nzyɛ̌m pɛ́ʼɛɛ nye bibaa bí ébébe nyé á niʼe nye bí. Nó ó bɨ́n ngá kǎ nʉǎ sá Nzyɛ̌m á boo kɛʼ bɨ̌n yɨ́: Sísǐm wé.

Éfɛsɔs 2:20

Bɨ̌n bé ó mpʉ̌ poro bé á lúmo ɨ́ mbɛ̌r yɨ́. Nkan mbɛ̌r nyɨɛ, nye ó bʉr o mílʉ́mlʉ́ mé Yésʉs, bé le ogwíha o mílɔ̌b mé Nzyɛ̌m. Yésʉs-Krîst mʉr tɨ̂ʼ ó dí medwii me sɔ́ŋ.

Yʉanes 20:22

Jɔʼ nyé á be ɨ́ lɛ́ɛ bé nó yɨ́, nye ntɔ̂ʼ gúmlo bé ngûl ɨ́ menyʉ̂l. Nye ó: «Biʼee gá Sísǐm mé Nzyɛ̌m!