Yʉanes 20:22 - Kálar Nzyɛ̌m : Ejwán é Sáá

²² Jɔʼ nyé á be ɨ́ lɛ́ɛ bé nó yɨ́, nye ntɔ̂ʼ gúmlo bé ngûl ɨ́ menyʉ̂l. Nye ó: «Biʼee gá Sísǐm mé Nzyɛ̌m!

Kálara Zyɛ̌m Edwán é mpʉ̌n

²² Jɔʼ nye a sil lɛɛ be no e, nye ze gumlo be ngul é monyʉl. Nye ó: «Nʉa ga Mbɨambɨa Sisim é monyʉl!

Yʉanes 20:22 ပူးပေါင်းရင်းမြစ်များ

Mɨlʉmlʉ 19:2

Nye nzě dî e bé ó: «Nzê bɨ̌n bé á si bi Sísǐm mé Nzyɛ̌m ɨ́ jɔʼ bɨ́n á bûʼla yɨ́ ɛ́?» Bé ntɔ̂ʼ yala e né ó: «Bɨ̌h dína apǎ jóʼo jóʼáa bé lɨ́ elɛ́ɛ ó, yʉ́ʉ́ sɔ̂ʼ, yé ó “Sísǐm mé Nzyɛ̌m”.»

Mɨlʉmlʉ 8:15

Pyálá bé á pyâl ɨ́ sí Samarî yɨ́, bê nzě jɨʼla e Nzyɛ̌m lɨ́ esú lé óbûʼla baá, ó bé bíʼee ntémé Sísǐm mé Nzyɛ̌m.

Mɨlʉmlʉ 2:38

Nó ó Pétrus á yala e bé ó: «Túmáá gá mikoo e misyóm mín. Bɨ̌n a dwírá míléme. Mʉr nyɨnyɛ̂h ɨ́ sɔ́má yɨ́n, nye dúŋɔɔ ɨ́ díé mé Yésʉs-Krîst, Nzyɛ̌m pɛ́ʼɛɛ nye bibaa bí ébébe nyé á niʼe nye bí. Nó ó bɨ́n ngá kǎ nʉǎ sá Nzyɛ̌m á boo kɛʼ bɨ̌n yɨ́: Sísǐm wé.

Mɨlʉmlʉ 2:4

Bɨ́bɛ̂h, bé á be ó, bé mû lwɨ́ŋlá e Sísǐm mé Nzyɛ̌m. Bé ntɔ̂ʼ táare élwib bílwǐb biswîh, byaá Sísǐm mé Nzyɛ̌m wé á dwe bé nkul ó, bé lwíbɨɨ bí.

Yʉanes 7:39

(Yésʉs á lwib ó, ɨ́ lɔ̌b Sísǐm mé Nzyɛ̌m bʉ̂r o ngá dyɛ̂ʼwo e né bá, bé óbi wɨ́. Abe e mʉr á pa bi Sísǐm mé Nzyɛ̌m, ebě, Yésʉs á bé apǎ dweŋɔɔ kûm.)

Galásia 3:2

Me ódî bɨ́n tíá mpwár nyɨ̂: nzê Nzyɛ̌m á ntɨh bɨ̌n Sísǐm wé jɔʼ bɨ́n á lóŋlo metié yɨ́ ɛ́? Nzê nye á bé antɨh wé ɨ́ jɔʼ bɨ́n á bûʼla Mbɨambɨa Lɔ́ɔ bé á lɛ́ɛ bɨ̌n wɨ́ ɛ́?

Mɨlʉmlʉ 4:8

Nó, Pétrus, lwɨ́ŋlá e Sísǐm mé Nzyɛ̌m, á lɛ́ɛ e bé ó: «Minjwɨ́ɨbʉr le otɔ́má bʉ̂r!

Mɨlʉmlʉ 10:47

«Nzê mʉr, nyě e nkul ekǎ kamle bʉ̂r bâʼ lɨ́ eduŋɔɔ ɨ́ medíbé ɛ́? Ebě, bé mû ó sí bǐ Sísǐm mé Nzyɛ̌m ntémé, jwɨʼ gwár e gwár e mɨná gâ.»

Yʉanes 15:26

«Kɔmlʉ wɨ́n, nye ónze. Nye ó dí Sísǐm Ótyeetye ngá duho kwá mé Sɔ́ŋ wǎm wɨ́. Me óntɨh bɨ́n nyǎ. Nyé onzě boʼlǒ lɔ̌b wâm.

Yʉanes 14:16

Me ódî e Sɔ́ŋ wǎm ó, nye ntɨ́hɨɨ bɨ̌n nyʉ́ʉ́ kɔ́mlʉ mpʉ mê. Nye ónzě didi e bɨ̌n njʉ̌m dǐ e njʉ̌m dǐ.

Yʉanes 16:7

Mě lɛ́ɛ́ bɨ́n lɨ́ otyeetye ó, embɨa, lé ɨ́ páʼ wɨ́n ó, me tôʼ. Mé bé atô nɛ́ɛ: lɛ́ɛ́, kɔmlʉ wɨ́n, nye ánze kwá nyɨ́n. Nó ó, mé sí tô nɛ́ɛ: me ntɨh bɨ́n nyǎ.

Yʉanes 20:21

Yésʉs ntɔ̂ʼ báʼǎ lɛ́ɛ e bé ó: «Mepyɛbla, mé díʼee e bɨ̌n. Mpʉ Sɔ́ŋ wǎm á lómo me yɨ́, jwɨʼ gwár e gwár yaá ntémé ó mɛ̂m dí elómo bɨ́n yɨ́.»

Yʉanes 20:23

Bɨ́n ópɛʼ bíbaa bɨ́n á niʼe ɨ́ lɔ̌b syóm mé nyʉ́ʉ́ mʉ̂r bí nó, Nzyɛ̌m ntémé ópɛʼ bíbaa nyé mʉr tɨ̂ʼ á niʼe ɨ́ lɔ̌b mísyóm myaá bí. Mʉr nyɨnyɛ̂h bɨ́n óbe, apɛʼ bíbaa bí ébébe nyá, Nzyɛ̌m ntémé, nye ákóʼó pɛʼ nyé byaá byé.»