Yʉanes 20:2 - Kálar Nzyɛ̌m : Ejwán é Sáá

² Nye ntɔ̂ʼ búla e kám, tó beě Simon Pétrus, bé e nyʉ́ʉ́ mpʉ́n, waá Yésʉs á bu kpɛl nyá. Nye ó: «Bɨ́ pɛʼ Tî Yésʉs ɨ́ soo! Bɨ̌h bé agʉ́ǎ nko bê tó e né yɨ́!»

Kálara Zyɛ̌m Edwán é mpʉ̌n

² Nye ntɔʼ ze bula e kam, to bee Simɔn Pyɛr bé e nuu mpʉn, waa Yesʉs a bul kpɛl ɨ. Nye ó: «Bɨ pɛʼ muu mo Da Yesʉs é foo! No ó, bɨh bé agʉa nko bé to e nye e!»

Yʉanes 20:2 ပူးပေါင်းရင်းမြစ်များ

Yʉanes 13:23

Nyʉ́ʉ́ mpʉ́n Yésʉs á bu kpɛl nyá, á be ó bǎʼ e Yésʉs, lʉ́ wé lɨ́ edyɛ̂ʼwo ɨ́ bɨr mé Yésʉs.

Yʉanes 20:13

Jɔʼ yaá ó bééngeles bé á dî e né ó: «Mʉmá, gǒ jɨ̌ yé?» Nye ó: «Bɨ́ nzě pɛʼ tî wǎm wâ; me l'agʉ́ǎ nko bê tó e né yɨ́!»

Yʉanes 21:24

Mʉr dí eboʼlo le ecɛma bísá bîʼ nyá, nye ó mpʉ́n mé Yésʉs waá. Bɨ̌h bé lɨ́ ekʉ́ gʉ́a ó, bisá nyé dí eboʼlo bí, byé ó tyeetye.

Yʉanes 21:7

Mpʉ́n Yésʉs á be ɨ́ buú kpɛl nyá, nye e Pétrus ó: «Tî Yésʉs ó nɨ̌!» Jɔ̌ʼ Pétrus á jóʼo ó, “Yé ó Tî Yésʉs” yɨ́, nye ntɔ̂ʼ bwâr kʉ̂r wé, ebě, nye á be ó suswáh. Nye nzě guho nyʉ̂l ɨ́ medíbé.

Yʉanes 19:26

Yésʉs nzě bee nyɔ́ŋ lɨ́ etyɛ̂b bǎʼ e né, bé e mpʉ́n nyé á bu kpɛl nyá. Nye e nyɔ̌ŋ wé ó: «Mʉmá, bee mwánǒ?»

Yʉanes 21:20

Jɔ̌ʼ Pétrus á dwira píhe yɨ́, nye nzě bee mpʉ́n Yésʉs á be ɨ́ buú kpɛl nyá, lɨ́ enze píhe. (Nye ó b'á dyêʼ lʉ̂ wé ɨ́ bɨr mé Yésʉs ɨ́ jɔʼ bé á be lɨ́ ede ɨ́ nzɔɔ yɨ́. Nye ntémé ó b'á dî ó: “Dâ ɛ̌, nzé óbɛ́ma gô?”)

Yʉanes 20:15

Yésʉs nzě dî e né ó: «Mʉmá, gǒ jɨ̌ yé? Nzé ntɔ̂ʼ gó pʉ́gʉ́ di lɨ́ esáa?» Mʉmá waá á jwɨʼ ó, yé á be ó mbɔʼlʉ mesoo. Nye e né ó: «Dâ ɛ̌, yé bé go ô nkɛ́ɛ́ múú wé, tô e wé gúú pâʼ nó, lɛ́yɨ́ɨ́ mê, me ótó nʉa wê.»

Yʉanes 20:9

(Yé á be ó, ompʉ́n dína apǎ gwá jóʼǒ mpʉ mícɛmá myé á boo lɛ́ɛ ó, “Nye á si jala le epah, duho lɨ́ odwe” yɨ́.)