Yʉanes 20:16 - Kálar Nzyɛ̌m : Ejwán é Sáá

¹⁶ Yésʉs, nye e né ó: «Maria!» Nye nzě báʼǎ dwirǎ nkǒ Yésʉs á be yɨ́. Nye e né ɨ́ lwǐb ébrœ̂ ó: «Rabunî!» (Díe laá, lé páʼlɔ́ɔ́ ó, “lɛ̂ʼla”.)

Kálara Zyɛ̌m Edwán é mpʉ̌n

¹⁶ Yesʉs, nye e nye ó: «Maaria!» Nye ze bâʼle dwibra nko Yesʉs a be e. Nye e nye é lwib arameyɛŋ ó: «Rabuni!» (No yé elɛɛ ó: «yeʼle».)

Yʉanes 20:16 ပူးပေါင်းရင်းမြစ်များ

Yʉanes 10:3

Mʉr dí edwéele ébê nyá, nyě dǐb ó mbɔʼlʉ lǎ. Binteme, byé lɨ́ edweʼe étyél lé. Nyě jɨ́jébé bínteme byé ó e míé mɔ́ɔ́, tʉtô e byé kʉ̌l.

Yʉanes 1:38

Yésʉs nzě dwira. Nyé ká dwɛ̂ʼ nɛ́ɛ: bee bé lɨ́ edû nyê. Nye nzě dî e bé ó: «Bɨ̌n sáá yé ɛ́?» Bé e né ó: «Gúmó gó dí edi yɨ́, Rabbi!» (Díe laá, lé páʼlɔ́ɔ́ ó, “lɛ̂ʼla”.)

Mɨlʉmlʉ 10:3

Píe témé móhó, yé mû kúnókúno e mewala melɛ̂l nɛ́ɛ: nye ntɔ̂ʼ bee ésimá. Nye á bee ó, éngeles mé Nzyɛ̌m lɨ́ enî ɨ́ mbɛ̌r wé. Éngeles waá nzě lɛ́ɛ e né ó: «Corneille!»

Mɨlʉmlʉ 9:4

Nye ntɔ̂ʼ duma sí, nzě jóʼo twíí lɨ́ elɛ́ɛ e né ó: «Saʉ̂l, Saʉ̂l, gǒ bá tíble mé mpʉ́nʉ̌ ɨ́ yé?»

Yʉanes 6:25

Bê nzě tó kœ̌b Yésʉs lɨ́ ebʉ́m é mâŋ lé á be kɔ́m nkɛ́ɛ́ lɨ́. Bé e né ó: «Lɛ̂ʼla, go ka nzé kâʼ ɨ́ yáǎ jɔʼ?»

Yʉanes 20:28

Thomas nzě lɛ́ɛ e né ó: «Tî wǎm! Nzyɛ̌m wǎm!»

Yʉanes 13:13

Bɨ̌n jɨ́jébé mé ó: “Lɛ̂ʼla”, nkʉ̂ ntɔ̂ʼ “Tî Yésʉs”. Bɨ̌n bé lɨ́ ekʉ́ gwá jébe, ebě, me ó dí kwahaá nye.

Yʉanes 11:28

Jɔʼ bé á sil elwib nó yɨ́, Mááta nzě tó jébě Maria. Nye e né mesǒ ó: «Lɛ̂ʼla, nyɨ́ pyâl! Nye lɨ́ ejébe gô.»

Yʉanes 5:2

Ɨ́ nkana yaá, yé e béh éjwɨa kúnókúno le Ebé é Bwá ó Bínteme. Béh yaá, yé jébɔ́ɔ́ ɨ́ lwǐb ébrœ̂ ó, “Betzéda”. Mempáh, mé á be ó tɨ̂, metɛ̂n, ɨ́ nkpâh béh yaá.

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Yʉanes 1:49

Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Lʉkas 10:41

Tî Yésʉs ntɔ̂ʼ yala e né ó: «Mááta, Mááta, gua, gǒ yéʼwó ó bisɔ̂ʼ ɨ́ buo buo.

Mataos 14:27

Tyé e tyé yaá, Yésʉs, nye e bé ó: «Talaa gá miléme. Yé ó me! Ayɨ́ jóʼo gá bʉ́á.»

Markus 10:51

Yésʉs nzě dî e né ó: «Gǒ gwɨ́m ó, me sâʼ go yé?» Ántím nzě yala e né ó: «Lɛ̂ʼla, pʉgʉ́ sâ ó, me báʼa bee ʉ!»