Yʉanes 20:1 - Kálar Nzyɛ̌m : Ejwán é Sáá

¹ Ɨ́ dwiné mɛ́n sóno, edúrʉ́ʉ́ dína sí, Maria, silě Magdalâ, nzě tô nko sóo nyaá. Nyě kǎ tó bee ó, ekóʼ, lɨ́ pɛʼɔɔ ɨ́ num sóo.

Kálara Zyɛ̌m Edwán é mpʉ̌n

¹ É dwine mɛn kuno, dobo e sono, edurʉ dina si, Maaria, sile Magdala, ze to nko foo waa. Nye ntɔʼ to bee ó, ekoʼ, lɨ pɛʼɔ é nʉm foo!

Yʉanes 20:1 ပူးပေါင်းရင်းမြစ်များ

Markus 16:9

[Ɨ́ mpʉ̌ Yésʉs á be, nye mû sí pah ɨ́ soo ɨ́ mɛ́n móhó sóno yɨ́, nye á nyɛɛ nyɨ̂n ó, kwá mé Maria, silě Magdalâ, mʉmá nyé á so meleme nzaangbá ɨ́ nyʉ̂l nyá.

Mataos 27:60

Nye ntɔ̂ʼ tó dɨ̌l múu lɨ́ edwán é sóo lé, túbá ngʉ̌ʼ lɨ́ ekóʼ. Píe tɨ̂, nye ntɔ̂ʼ nʉa lʉ́ʉ́ ékóʼ, búblǒ num sóo e tɨ̂, nyɨɛ ntɔ̂ʼ laa, tô.

Markus 15:46

Yóseb nzě tó bwâm ndɔ́má, ntɔ̂ʼ tó sǔl múu sí, díble wé ɨ́ ndɔ́má waá. Nye ntɔ̂ʼ tó dɨ̌l múu ɨ́ soo, túbá ngʉ̌ʼ lɨ́ ekóʼ. Píe tɨ̂, nye ntɔ̂ʼ nʉa lʉ́ʉ́ ékóʼ, búblǒ num sóo e tɨ̂.

Yʉanes 20:26

Sóno ntinɨ̂, nyé osí laa, ompʉ́n mé Yésʉs báʼǎ tó syɛŋa ɨ́ mbɛ̌r waá. Thomas á be ó tɨ̂. Mebê, mé á be ó mipɨrá e mengʉŋ. Yésʉs nzě pyâl, tyɛ̂b páʼ nyɔ́ɔ́. Nye ó: «Mepyɛbla, mé díʼee bɨ̌n ɨ́ miléme!»

Yʉanes 19:25

Bǎʼ e kolôs mé Yésʉs, nyɔ̌ŋ wé á be ó tɨ̂, bé e mɨ́ɔɔ́ ti e Maria, mʉmá mé Klopâs, bé e Maria, silě Magdalâ.

Mɨngwiha 1:10

Ɨ́ gúú móhó sábat, me á be ó, ɨ́ nkul Sísǐm mé Nzyɛ̌m. Nó ó mé á jóʼo twíí lɨ́ elwib ɨ́ koo wâm píhe, lɨ́ enwɨɨla e sébé. Nye á lwib ó kʉ́kʉ́.

Mataos 27:64

Nó, lɛ́yɨ́ɨ́ bʉ̂r ó, bé gwâ tó baʼle sóo, tâŋ melú mélɛ̂l. Ompʉ́n bé, bé ámû jaá tô mésǒ, tó díbě múú wé. Bé olɛ́ɛ ó, nyɨ́ pah ɨ́ soo. Nó ó, lɔ́ɔ́ bíbɛr epíhe wé, wé ámû jaá laa waá ésôʼ lɨ́ ebébe.»

1 Korɛnt 16:2

Ɨ́ móhó sóno wɨ́wɛ̂h, mʉr, nye ɨ́ jala le ekomo lɨ́ empah é mbɛ̌r wé, mɔnɨ́ jwɨʼ e bím nyé á bi yɨ́. Nye óbaʼle yé, tó pyâl ɨ́ jɔʼ mé ókǎ nze yɨ́, lɨ́ esú ó, bɨ̌n ayɨ́ kǎ báʼǎ di ɨ́ menzyɛ̌ŋ lɨ́ epyâl lâm.

Mɨlʉmlʉ 20:7

Ádwií gúú móhó sóno ɨ́ bíí kʉ̌ʼ nɛ́ɛ: bɨ̌h nzě syɛŋǎ gúmo gwár lɨ́ epûhla mébô lɨ́ ede. Nó, ɨ́ mɛ́n tɨ̂ʼ ó Pɔ̂l nyɨɛ á be ó, nye ólaa wɨ́. Nó ó nyé á nze dwe bʉr milɛ́ʼlá ɨ́ bea bea, tó pyâl témé pum.

Mataos 27:56

Ɨ́ sɔ́má bʉ́bá yaá tʉ́ŋlʉ̌, yé á be ó e Maria, silě Magdalâ, le Maria, nyɔ̌ŋ mé Jacques, bé e Yóseb ti e nyɔ̌ŋ bwán mé Zebedê.

Mataos 27:66

Bê nzě tô, lɨ́ egwá tó dwéele sóo. Bê nzě gbâ sitâm lɨ́ ekóʼ lé á bûbublo num sóo lɨ́, ntɔ̂ʼ tyélɔɔ ódwéela tɨ̂.

Mataos 28:1

Píe móhó sábat, ɨ́ dwiné mɛ́n, dʉ́ó lé ésôʼ é sóno waá, Maria, silě Magdalâ, bé e yʉ́ʉ́ Maria, bê nzě tó bee sóo.

Mataos 28:2

Nó ó éngeles mé Dâ á nze sulo, duho ɨ́ jʉ́o kʉ́. Sí ntɔ̂ʼ kʉ́ nzě kubla ɨ́ buo buo. Éngeles waá nzě sîhle lɨ́ ekóʼ lé á be ɨ́ num sóo lɨ́, nzě bíŋle lé, tyen lé lɨ́ empah é num sóo. Píe tɨ̂, nye nzě di sí tɨ̂ʼ kʉ́.

Yʉanes 11:38

Lɔ̌b waá kʉ́ nzě báʼǎ tɨ̂l Yésʉs mekʉ̌ sí. Nye nzě tô nko sóo. Soo nyaá á be ó báh ékóʼ. Bé á dible num sóo ó e lʉ́ʉ́ ékóʼ.

Yʉanes 11:41

Bé ntɔ̂ʼ pɛʼ ékóʼ. Yésʉs nzě bɨ̂n mîh kʉ́. Nye ó: «Dâ ɛ̌, me lɨ́ edwe gó nzyǒo, ebě, gʉ́ jóʼo mê.