Yʉanes 2:24 - Kálar Nzyɛ̌m : Ejwán é Sáá

²⁴ Sâ gwár, Yésʉs nyɨɛ á bé adyêʼ wé koo e bê, ebě, nye á be ó sí gʉ́a bɨ́bɛ̂h.

Kálara Zyɛ̌m Edwán é mpʉ̌n

²⁴ Yesʉs nyɛɛ a baabuʼla be, ebe, nye a be ó si gʉa bɨbɛh.

Yʉanes 2:24 ပူးပေါင်းရင်းမြစ်များ

Yʉanes 6:64

Sâ gwár, bʉ́ʉ́ bʉ̂r ó sɔ́má yɨ́n, bé adyɛ̂ʼwo e me.» (Yésʉs á si lɛ́ɛ nó, ebě, nye á be ó lɨ́ eboó gʉ́a, duho ɨ́ menyɛ̌l, baá bé á be adyɛ̂ʼwo e né bá, ndu e waá óbɛ́ma nyé nyá.)

Ebrœ̂ 4:13

Yé abe e yʉ́ʉ́ kwihá sɔ̂ʼ dí solá ɨ́ míh mé Nzyɛ̌m. Sá yɨ́yɛ̂h nyé á komlo yɨ́, yé ɨ́ ponó, ɨ́ nkɛŋlɛ̂m ɨ́ míh mé. Bíbyɛ̂h, byé ókar mínkar myɔ́ɔ́ ó, ɨ́ mpǒm nyé.

Mɨlʉmlʉ 1:24

Nó ó bʉ̂r ó gwɨ́hlá bɨ́bɛ̂h, bé á jɨʼla e Nzyɛ̌m, lɛ́ɔɔ ó: «Dâ ɛ̌, go ó dí egʉ́a mílémé mí bʉ̂r bɨ́bɛ̂h. Lɛ́ʼláá bɨ́h ɨ́ sɔ́má bʉ̂r obá bâ, waá gó á pɛ̂h nyá.

Mataos 9:4

Mpʉ̌ Yésʉs á gʉ́a bijwɨʼ byɔ́ɔ́ yɨ́, nó ó nyé á nze dî e bé ó: «Bɨ̌n bé lɨ́ edi e bibɨ́bla bíjwɨʼ bínɨ̌ ɨ́ milémé mín ɨ́ yé?

Yʉanes 16:30

Ɨ́ báánâ, bɨ̌h bɨ́ gʉ́a ó, gʉ́ gʉ́ǎ sá yɨ́yɛ̂h, ndu e ntémé ó, yé ajɨ ó, mʉr díʼee go tíá. Nó yaá ó bɨ́h dí ebúʼla ó, go á duho ó kwá mé Nzyɛ̌m yɨ́.»

Yʉanes 5:42

Sâ gwár, me lɨ́ egʉ́a bɨ́n: me lɨ́ egʉ́a ó, bɨ̌n bé akpɛ̌l Nzyɛ̌m.

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Markus 2:8

Yésʉs nzě kpâhwǎ gʉ́a ɨ́ sísǐm wé tʉ́ŋlʉ̌, sá bé á lwib ɨ́ milémé myɔ́ɔ́ yɨ́. Nó nyé á lɛ́ɛ e bé ó: «Bɨ̌n bé lɨ́ esóŋlo ɨ́ milémé mín ɨ́ yé?

Yʉanes 6:15

Yésʉs ntɔ̂ʼ gʉ́a ó, bé á be ó lɨ́ egwɨ̂m énzě mɛ̂r nyê, lɨ́ etó tyélɔɔ nyé njwɨ́ɨ wɔ́ɔ́. Nye nzě báʼǎ dulo nyʉ̂l nyé, tó di lɨ́ ecwɨ̂ʼ nye omér.

Yʉanes 1:42

Nó ó André á nze tô e Simon gúmó Yésʉs á be yɨ́. Yésʉs nzě dwɛ̂ʼ Simon ɨ́ bʉ́ʉ́ʉ́á. Nye e né ó: «Go ó Simon, mwân mé Yʉánɛs. Go ókǎ jɨjébɔɔ ó, “Kefâs”.» (Díe laá, lé páʼlɔ́ɔ́ ó, “ekóʼ”.)

Mɨlʉmlʉ 15:8

Nó ó, Nzyɛ̌m, mʉr dí egʉ́a mílémé mí bʉ̂r nyá, á si kʉ lɛ̂ʼle ó, nyɨ́ kam bê, ebě, nye á si ntɨh bé Sísǐm wé jwɨʼ gwár e gwár e mpʉ nyé á ntɨh mɨná gá wǎ yɨ́.

Yʉanes 4:16

Yésʉs, nye e né ó: «Tóʼ, tó jébe njʉ̂m gǒ. Bɨ̌n a báʼá nze wâ, bɨ̌n óbɛ̂h.»