Yʉanes 2:23 - Kálar Nzyɛ̌m : Ejwán é Sáá

²³ Jɔʼ yɨ́yɛ̂h nzɔ́ɔ Páska nyaá á bwalɔɔ yɨ́, Yésʉs á be ó Yerʉ́zalɛm. Bʉr ɨ́ buo buo, bê nzě dyɛ̂ʼwo e né ɨ́ lɔ̌b mésimá bé á bee nye lɨ́ esâ má.

Kálara Zyɛ̌m Edwán é mpʉ̌n

²³ É jɔʼ yiyɛh ebʉʼ e Paska laa, lé a bwalɔ-bwalɔ ɛ, Yesʉs a be ó ɨ Yerʉsalɛm. Buobuo bʉr ze jyɛʼɔ taa buʼo yɔɔ boo nye ebe bɨdweʼle bɨ nkul we bé a bee e.

Yʉanes 2:23 ပူးပေါင်းရင်းမြစ်များ

Lʉkas 8:13

Bʉ́ʉ́ bʉ̂r, bé ó mpʉ̌ mpeʼ dí mbeá ɨ́ sí mékóʼ yɨ́. Bé lɨ́ enʉǎ lɔ́ɔ waá jɔʼ bé dí ejóʼo wé yɨ́. Sâ gwár, bé abîr ó, lɔ́ɔ waá, wé páhaa mikaalé ɨ́ milémé myɔ́ɔ́. Bé jaá bûʼla wé ó, njɨ ɨ́ mâ jɔʼ. Bé ntɔ̂ʼ gbɔba e búʼó yaá ɨ́ jɔʼ bʉ̂r mû lɨ́ etíble bé lɨ́ esú é búʼó yaá yɨ́.

Yʉanes 6:14

Bʉr o b'á bee esimá Yésʉs á sâ lɨ́ bá, bê nzě lɛ́ɛ ó: «Mʉr nyâ, nye kʉ́ bě tyeetye ó ngwíha milɔ̌b á jala le enze ɨ́ sí yɨ̂ʼ nyá.»

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Yʉanes 7:31

Lɨ́ entumo e bʉ̂r énɨ̌, bʉ́ʉ́ bʉ̂r ɨ́ buo buo, bé á be ɨ́ dyɛ̂ʼwo e né. Bé ó: «Jɔʼ Mʉ̂r Nzyɛ̌m á lœm múló mé jwɨ́ɨ nyá, ónze yɨ́, nzê nye óbánǎ laa mʉ̂r nyâʼ lɨ́ esâ mésimá ɛ̌?»

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Yʉanes 2:13

Mpʉ nzɔ́ɔ Páska á be, nye mû kúno ebwalɔɔ yɨ́, Yésʉs nzě tô Yerʉ́zalɛm.

Yʉanes 2:11

Lɨ́haá ó dí esimá lé ésôʼ Yésʉs á nyɛɛ sâ lɨ́, nye ɨ́ Kanâ, ɨ́ sí Galilê. Nye á lɛ̂ʼle nó ó, kûm nyé. Ompʉ́n bé ntɔ̂ʼ báʼǎ buú dyɛ̂ʼwo e né.

Yʉanes 4:45

Sâ gwár, ɨ́ jɔʼ nyé á pyâl gʉ̂ʼ yɨ́, bʉr ó Galilê, bé á be ɨ́ nʉa nyé mbɨ̂mbɨá, ebě, bé á be ɨ́ beě sá yɨ́yɛ̂h nyé á sâ Yerʉ́zalɛm ɨ́ jɔʼ bé á tô tɨ̂ʼ ɨ́ nzɔɔ yɨ́.

Yʉanes 5:36

Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Yʉanes 6:2

Bʉr ɨ́ buo buo, bé á be ó lɨ́ edû nyê, ebě, bé á be ó lɨ́ ebee nyé lɨ́ etiʼ mímbêl ɨ́ nzɨ̌ mesimá.

Yʉanes 11:45

Ɨ́ sɔ́má bʉ̂r o b'á nze bee Maria bá, bʉr ɨ́ buo buo, bé á si dyɛ̂ʼwo e Yésʉs ɨ́ jɔʼ bé á bee sá nyé á sâ yɨ́.

1 Yʉanes 3:23

Etié nyé á tyêl lɨ́ esú gá lɨ́ná lɨ́, lé ó lɨ̂: mɨná dyɛ̂ʼwaa gá e díé é Mwân wé, Yésʉs-Krîst, le ntémé ó, mɨná kpɛ́laa gá páʼ gá nyɨ́ná mpʉ nyé á tɨ́e mɨná gá yɨ́.